Samayeli2 13:22 - LAWA A BOO SONBORE

²² Abusalɔn boo goon da ǹ dɔɔ̃n Amnɔn nɛ doo wa. A pɛ mà á siĩn wa, a pɛ mà á baraa wa. A giala, Abusalɔn na á goã biɛ zɔ́ɔ ǹ miãnɛn Tamaara lɛ a ziziɛ̃ taman yii.

LAWA A BOO SONBORE 2011

²² Abusalɔn boo goon da ǹ dɔɔ̃n Amnɔn nɛ doo wa. A pɛ mà á siĩn wa, a pɛ mà á baraa wa. A giala, Abusalɔn na á goã biɛ zɔ́ɔ ǹ miãnɛn Tamaara lɛ a ziziɛ̃ taman yii.

Samayeli2 13:22 Iomraidhean Croise

Siin Giala 24:50

Laban tɔ́n nə n lɛ da boo lɛ nɛ. A din laanka Betoeli tɔ́n pɛ: «Sii kɛ na á bɔ Dɛnaa din li, boo kɔ́n ba wɔsɛn lɛ-n, wɔ pɛ n nɛ wa.

Siin Giala 31:24

Ǹ kɔn pinaa tèlò-n, Lawa nə́ n din nyaa Siiriin giĩ Laban nɛ ka narɛɛ nɛ, á pɛ nɛ: «N din kũ, n nyan toa n sii kɔ́n zɛnaa Zakɔba-n wa.»

Siin Giala 31:29

Ma á boe la ma sii baraa zɛnaa ǹ nɛ. Sɛnɛ, n díin Lawa na á pɛ ma-n gunun tèlò-n mà man din kũ, ma baran màn kɔ́n zɛnaa n nɛ wa.

Samayeli2 13:21

Kii Davida bɛa sii kɛ lɛ tumaa boo ma, a foo yoo parsiini.

Suusun 10:18

Min mɛn bɛ́ zɔ́ɔbaa duri, min naarɛ nɛ. Min mɛn bɛ́ soɛ diɛ ǹ miãn la, baãnaa nɛ.

Suusun 25:9

Bɛ n zia da ka n miãkɛn nɛ, ka a yɔrɔ bɔ ka dinin bii-n ni. Min kɔsɔ boo mɛn da n nɛ, n nyan bɛ kalaa wa.

Suusun 26:24

Min mɛn bɛ́ ǹ miãn tìĩ n boe n ne, a nə n duri a da ǹ boon kio, a n sii baraa taasɛ a gɔ́ɔ̃ nɛ.

Suusun 26:26

Foo-yoo duru ǹ yiri tá a lon, sɛnɛ min tumaa á re a baraabaa kɛ doɛ̃.

Boo-laakalaali 7:9

N foo baran saa lɛlɛ, a yoo wa, a giala foo yoo na á n yu baãnaan la.

Matiə 18:15

«Bɛ̀ n dɔɔ̃n nə́ wɔ n zɛ̀rɛ nɛ, wo dɔ a li, n dinsɔɔ̃ ka a dinsɔɔ̃, n na a sã pɛ nɛ. Bɛ̀ a ná a zɛ̀rɛ si, a na á wusoo á n dɔɔ̃n baa.

Efɛɛzi minin 4:26

Bɛ̀ ka foo yoo, ka nyan sii baraa zɛnaa wa. Ka nyan toa ka foo goã yoo ne a wasa mɛ-n wa.

Efɛɛzi minin 4:31

Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

Zaã1 2:11

Sɛnɛ, bɛ̀ min mɛn dɔɔ̃n tìĩ á boe-n a nyin ni, bɛ n tɔn wɔlɔ tì li, a n tɔ we wɔlɔ tì li. A bɛ́ woe bǎã mɛn nɛ, a bɛ doɛ̃ wa, a giala, wɔlɔ tì na á baa yii tere-a lɛa.

Zaã1 2:9

Min mɛn bɛ́ pii, mà asɛ n wɔlɔ fúlu li, ǹ dɔɔ̃n tìĩ n tɔn boe-n a nyin ni, bɛ n tɔn wɔlɔ tì li.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 3:12

Kanyɛ mɛn bɛ́ á goã Sɛtaan Baraa kɛ wɔ lɛa, wɔ doamaa bie wɔ goã ka bɛ bɛ́ lɔn wa. Asɛ lɛ na á ǹ diɛ̃ dɛ á gã. A na á ǹ diɛ̃ lɛ dɛ wàa mɛn a lɛa? A giala, a din a nya ǹ dín nə́ goã babaraa, ǹ diɛ̃ lɛ wɔn nə́ pepere.

Zaã1 3:15

Bɛ̀ min mɛn dɔɔ̃n tìĩ á boe-n a nyin ni, bɛ n gɛ̀-dɛle lɛa. Ka á doɛ̃ dɔn, mà nyin nyabaã ba gɛ̀-dɛle kɔ́n lon ma.