Samayeli2 12:9 - LAWA A BOO SONBORE

⁹ Wàa na á baa, n tá sàn koe ka Dɛnaa Lawa a boo ne, ń sii zɛnɛɛ, sii mɛn nə́ ke a kɔɔ̃n Lawa ganaa wa? Ń Ɛti tɔrɔ Urii dɛ zia la. N din nə n toa Amɔn tɔrɔn nə́ Urii dɛ. Bɛ kio, ń Urii a lɔ saa ń baa n din wɔ lɛa.

LAWA A BOO SONBORE 2011

⁹ Wàa na á baa, n tá sàn koe ka Dɛnaa Lawa a boo ne, ń sii zɛnɛɛ, sii mɛn nə́ ke a kɔɔ̃n Lawa ganaa wa? Ń Ɛti tɔrɔ Urii dɛ zia la. N din nə n toa Amɔn tɔrɔn nə́ Urii dɛ. Bɛ kio, ń Urii a lɔ saa ń baa n din wɔ lɛa.

Samayeli2 12:9 Iomraidhean Croise

Samayeli2 11:4

Davida minin dia mà ǹ wo kũ ǹ da nɛ. Bɛ́ daa yaa bɛ̀ a na á lɔn lɛawaa kɛa *gɔ̀ bɔ a din ganaa, a tɔn belebɔ wa. A bɛ́ á daa, Davida giã kun ni. Bɛ kio, á yoo, á woo piɛ.

Samayeli2 12:10

Bɛ lɛ taman yii, zia ba re nyɛɛ n kion duduu wa. A giala, ma nə n masɛ puusə kɔ, ń Ɛti tɔrɔ Urii a lɔ saa ń baa n lɔ lɛa.

Samayeli2 16:7

Simeyii goã màn mɛn diɛ a lɛn babaraa bíi lɛ gɔ́ɔ̃ nɛ, bɛ n ka kɛ nɛ: «Woo n nə n bɔ kànaa, woo n nə n bɔ kànaa, min babaraa, gɛ̀-dɛle.

Kiin1 15:5

Dɛnaa Lawa na á bɛ zɛnaa, a giala, sii mɛn bɛ́ pepere a yɔrɔ-a Davida na á goã bɛ zɛnɛɛ. Davida a yiikoonaabaa tumaa gɔ́ɔ̃ nɛ, Dɛnaa Lawa goã dí-pɛn mɛnɛn koe la, a goã n piɛ̃ ka bɛ kɔn nɛ wa. Bɛ̀ á n bɔ Ɛti tɔrɔ, Urii a sii kɛ nɛ.

Kiin1 21:19

N die n pɛ nɛ: Dɛnaa Lawa mà n gɛ̀ dɛ ń nya, a nə n gɔ́ɔ̃ dɔ nɛ, n na a màn kũ n si n baa n wɔ lɛa? Bɛ lɛ nɛ, n die n pɛ-n kɛnɛn: «Ginin nə goã ǹ nə́ Naabɔti mà piã tán bǎã mɛn nɛ, a din bǎã lɛ nɛ, ǹ tá re n dɔ wɔ kɛ lɛ piɛ̃ a nɛ.»

KZS2 33:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔnbaa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Loen 51:14

Maa kirisibaa lɛ taman yii, n din wusoo n foo kɔɔ̃nbaa kɔ ma la, n din nə n dɔ ma lɛ n bɔlɔ si ǹ yiri kɔ ma la.

Loen 51:16

Ma sii mɛn la, a dɔlɔ n ka gɛ̀ nɛ. Maa Lawa, ma kirisibaali Lawa, n din ma si mà kaa la, ń giɛ ma tá n lɛ dii ka n peperebaa kɛ nɛ.

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Loen 90:8

Ń wɔa sã ǹ siin lɛn koa n din yɔrɔ-a, ń wɔa sii duriin lɛn koa n din yii giulun.

Suusun 14:2

Min mɛn a yiikoonaabaa bɛ́ pepere, bɛ n nyɛ́ɛbiɛ Dɛnaa Lawa yii ni. Sɛnɛ, min mɛn a giã ǹ gɔn bɛ́ kɔkɔrɔ, bɛ n pɔpɔsɛ.

Izayii 5:24

Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.

Zeremii 18:10

Sɛnɛ, bɛ̀ bɛa tɔrɔ lɛ nə n too kɔ ma lon wa, sii mɛn bɛ́ baraa ma yii li bɛ̀ ǹ nə́ bɛ zɛnaa, ma goã má bǐɛ̃ mɛn boo da ǹ nɛ, man wusii ma maa taasiɛn bɔyaa.»

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Samayeli1 15:19

Wàa na á baa, n Dɛnaa Lawa bɔlɔ si wa? N mànan mɛnɛn si kaa zɔ́ɔn la, wàa na á baa, ń ka dɔdɔ bɔ, n bɛn goɛ? Sii mɛn bɛ́ a siĩn Dɛnaa Lawa yii li wa, wàa na á baa, ń bɛ zɛnaa?

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»

Samayeli1 15:26

Samayeli pɛ Sayulu ni: «Ma a die wusii man ti kunun n ni doo wa, a giala, ń Dɛnaa Lawa bɔlɔ tii. Dɛnaa Lawa nə́ n dɔ tii, n ba kii lɛa Izirayeli gána-n doo wa.»