Samayeli2 12:8 - LAWA A BOO SONBORE

⁸ Má n dɛnaagiĩ Sayulu a kion kɔ n la, má a lɔn kɛn wɔ n gɔn. Má n koa Izirayeli minin kɛn laanka Zudaa minin kɛn mìi la. Bɛ̀ bɛ n kiɛrɛ, bɛ̀ má wusoo má bɛ miã kɔsɔ da li.

LAWA A BOO SONBORE 2011

⁸ Má n dɛnaagiĩ Sayulu a kion kɔ n la, má a lɔn kɛn wɔ n gɔn. Má n koa Izirayeli minin kɛn laanka Zudaa minin kɛn mìi la. Bɛ̀ bɛ n kiɛrɛ, bɛ̀ má wusoo má bɛ miã kɔsɔ da li.

Samayeli2 12:8 Iomraidhean Croise

Samayeli2 12:11

Dɛnaa Lawa n kɛ pii: Á ke, man die toɛ n nɔmaa bɔ n din a kion kɛ lɛ nɛ. Masɛ n die n lɔn kɛn kuĩ n din yii ni, ma ǹ kɔ min kɔsɔ la. Bɛ á re giɛ̃ kun ka n lɔn lɛn nɛ wɔlɔ fúlu-a.

Samayeli2 12:2

Sèren laanka dii gigiã goã pàãma lɛ sɛ lon.

Samayeli2 2:4

Zudaa minin nə́ daa, ǹ nə́ nyɔɔ kaa Davida mìi-n walan, ǹ nə́ bɔ ǹ nə́ koa kii lɛa Zudaa gána mìi la. Ǹ nə́ daa pɛ Davida nɛ, mà Zabɛɛsi kiwi mɛn bɛ́ Galaati gána nɛ, mà bɛ lɛ a minin man nə́ Sayulu gere bĩ.

Samayeli2 5:5

A bɛ́ Ebrɔn, a na á giã Zudaa minin mìi la lɛ̀ sɔbaa ka mui sɔrɔ. A bɛ́ Zeruzalɛmu, a na á giã Izirayeli minin tumaa laanka Zudaa minin mìi la yǎa lɛ̀ pɔsɔɔwensɔɔ.

Samayeli2 7:19

Dɛnaa Lawa ganaa, bɛ dɔ din na á goã tɔn kiɛɛrɛ taãn-taãnɛ n din yii li. Ń masɛ a kion dɔ a sii toa nyɛɛn sɔsɔɔ, ń ná a boo da ma nɛ. Dɛnaa Lawa, á ke ń bɛ dɔ nyaa masɛ din minbuiin nɛ kɛ nɛ.

Samayeli2 9:7

Davida tɔ́n pɛ nɛ: «N baran nyɛ́ɛ goon baa wa. Man giɛ li ma bǐɛ̃ zɛnaa n nɛ, n di Zonaatan lɛ taman yii. Bǎã mɛn tumaa bɛ́ n digolo Sayulu wɔ lɛa, man die wusii ma bɛ tumaa kɔ n la. N dinmaa kɛ n die màn bii kun ka masɛ nɛ biikoo tumaa li.»

Kiin1 2:22

Kii Salomɔn nə́ n dan lɛ lɛ si kɛnɛn: «Wàa na á baa n tá Sunɛmu kiwi min Abisaagi nyankoe, koe Adoniya la? Bɛ̀ ma n pàã lɛ din nyankoe koe la, mà a tá masɛ golo bibinaa lɛa, kun ka Lawa a wúlu-bɔle Abiataara laanka Seruyaa a nɛgiĩ Zoabu ni bɛ din tá soɛ.»

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Samayeli1 15:19

Wàa na á baa, n Dɛnaa Lawa bɔlɔ si wa? N mànan mɛnɛn si kaa zɔ́ɔn la, wàa na á baa, ń ka dɔdɔ bɔ, n bɛn goɛ? Sii mɛn bɛ́ a siĩn Dɛnaa Lawa yii li wa, wàa na á baa, ń bɛ zɛnaa?