Samayeli2 12:13 - LAWA A BOO SONBORE

¹³ Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

LAWA A BOO SONBORE 2011

¹³ Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Samayeli2 12:13 Iomraidhean Croise

Siin Giala 39:9

N ba gole masɛ-n kion kɛ lɛ din gɔ́ɔ̃-n wa. A ma kurəə sii kɔ́n ganaa wa, bɛ̀ á n bɔ n din kɛ lɛ nɛ, a lɔ lɛa. Ma n boe la, ma bɛa sii bɔnɛɛ kɛ zɛnaa lɔn, ma wɔ Lawa lon?»

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

Samayeli2 24:17

Davida bɛ́ á lon a dia dí-a wole lɛ yɛ minin dii zaman lɛ bii, á boo da ka Dɛnaa Lawa nɛ, á pɛ: «Á ke, masɛ din ni má sii baraa zɛnaa, ma din zɛ̀rɛ nɛ. Yii ti-an kɛn dɔn man nə́ wàa zɛnaa kəni? Ma nə n nyankoe, dɔlɔ lɛ bɔ ma din laanka ma di kion minin ganaa.»

Kiin1 13:4

Kii Zeroboamu lɛ bɛ́ á Lawa a boo gii-dali lɛ ma boo diɛ ka paraa nɛ, Betɛli kiwi a wúlu bɔ ǹ bǎã lɛ ganaa, á n gɔn saa á dia lon wúlu bɔ ǹ bǎã lɛ lalan á paraa: «Ka giĩ kɛ kũ.» Sɛnɛ a n gɔn mɛn lɛ nyaa Lawa a boo gii-dali lɛ ganaa, bɛa gɔn lɛ gã, a ba boe la a tá wusii mɔrɛ a din ganaa doo wa.

Kiin1 21:20

Akaabu bɛ́ á Yilii yɛ, á pɛ nɛ: «Ee maa zɔ́ɔ, ń ma wɔlɔ yɛ kəni.» Yilii tɔ́n na a lɛ si: Má n wɔlɔ yɛ, a giala n nə́ n din kɔ dí baraa nya la, Dɛnaa Lawa yɔrɔ-a.

Kiin1 22:8

Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Kiin2 1:9

Kii lɛ tɔ́n sɔraasi posooro mìilandɛnaa goon laanka a kiodɛnaa posooro dia, mà ǹ wo Yilii gialaa. Yilii na á goã giã-n tán kele mìi ni. Sɔraasin goledɛnaa lɛ pɛ Yilii ni: «Lawa a min, kii mà n da gisĩ.»

KZS1 21:8

Davida tɔ́n pɛ Lawa nɛ: «Sii baraa gole n ke ma zɛnaa. Kanna kəni biɛ̃kɔ n kiɛ̃ ń dí-nyali a siɛ̃ la, a giala maa zɛnaa ǹ sii n ka gàãnaa wɔ bɛ́ lɔn.»

KZS2 16:10

Azaa foo yoo Lawa a boo gii-dali Anaanii li, á kũ á da kòso-n. A foo yoo Anaanii a boon kɛn li Parsiini. Bɛa waáraa kɛ lɛ nɛ, Azaa nə n bɔyaa á kakaarɛ kɔ zaman lɛ a min tɛn ganaa.

KZS2 25:16

Amasiya boo kuru a lɛ-n á pɛ: «Má n bɔ má n koa kii a yiri kɔmala wole lɛa? Bɛ̀ n ba giɛ mándɛ li wa, n nyan wo nyɛɛn wa.» Lawa a boo gii-dali lɛ nə n laa-a wa, sɛnɛ, á pɛ: «Ma á doɛ̃ maa Lawa golee n bɔ̀nbaa li, a giala n bɛa sii lɛ zɛnaa. Bɛ lɛ n ke n ba n too koe maa doroon li wa.»

Zɔbu 33:27

Bɛa biikoo li, á re loe loe minin yɔrɔ-a, a pɛ: «Má sii baraa zɛnaa, ma kɔ zii lɛ wa. Sɛnɛ, Lawa ma kũ maa sii baraa li wa.

Loen 103:12

Lɛ̀giala laanka lɛ̀nyɛɛn wɔlɔ bɛ́ lui-n kɔn ganaa lɔn, a n wɔa sã ǹ siin lɛn wɔlɔ lui wɔ ganaa miɛ̃.

Loen 51:16

Ma sii mɛn la, a dɔlɔ n ka gɛ̀ nɛ. Maa Lawa, ma kirisibaali Lawa, n din ma si mà kaa la, ń giɛ ma tá n lɛ dii ka n peperebaa kɛ nɛ.

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Bɔ bɛ̀rɛbaa nɛ 9:27

Faarahɔn minin dia lɛ diɛ Muizu laanka Aarɔn la, á pɛ ǹ nɛ: «Kanna kəni, má sii baraa zɛnaa. Dɛnaa Lawa din nə pepere. Ma laanka maa gána minin man zɛ̀rɛdɛnan lɛa.

Suusun 25:12

Min mɛn bɛ́ n too koe doɛ̃, sii-dɔ̃li a doroo ǹ boon ka sana zan bɛ́ lɔn a yii li, hinlaa ka bɔlɔ-a gii bɛ́ lɔn sana yoreen lɛa.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Izayii 38:17

Á ke, maa foo-ziziɛ̃ gole nə́ n bɔyaa á là nyantoro baa. Hiĩ, n maa yiikoonaabaa narɛɛ á la yii ni yǎa n ma kanbaa gɛ̀ ganaa, n maa sii baraan tumaa zũ n kio sɔsɔɔ.

Izayii 43:24

Masɛ a lɛa bie, ń wɔrɔ ziziɛ̃ ń da yon gìĩ kɔɔ̃n pii wa. N ma kã ka n wúlu màn siĩ nyɔɔn-an kɛn nɛ wa. Sɛnɛ, n sãn taman yii, ń ma baa bɛ̀rɛ lɛa. Ń ma nɔmaa ka n sii baraan nɛ.

Izayii 44:22

Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»

Busii pɛ 3:32

Ta a na á fuu da n mìi ni, a n wusii doo a n narɛ, a giala a bǐɛ̃baa á gole.

Lawa a wúlu-bɔlen 20:10

Bɛ̀ giĩ mɛn naarɛbaa zɛnaa kun ka ǹ miã kɔsɔ a lɔ nɛ, giĩ mɛn naarɛbaa lɛ zɛnaa, a zɛnaa kun ka lɔ mɛn dɔ nɛ, ka ǹ paanan dɛ ǹ gã.

Lawa a wúlu-bɔlen 24:17

Bɛ̀ min nə́ ǹ miã dɛ á gã, yǎa ǹ na a dɔ dii a giɛ̃.

Zakarii 3:4

Min mɛnɛn bɛ́ kun ka lon a dia dí-a wole lɛ nɛ, á pɛ ǹ nɛ mà ǹ na a mɔnaa gɔgɔrɛn lɛn sɔlɔ. Á tɔn pɛ Yesuwa nɛ: «Ga, má n siɛ̃n lɛn bɔ má ǹ bɔ n ganaa. Ǹ tá re zɔ́n mɔnaan we n ganaa.»

Matiə 14:10

Á tɔ́n min dia mà a wo ZAÃ mìi kuru kòso-n a da nɛ.

Luku 15:21

Nɛgiĩ lɛ pɛ: «Díi, masɛ wɔ Lawa lon, ma wɔ n dɔ lon. Masɛ din ba siĩn doo n ma bíi mà n nɛ wa.»

Luku 18:13

Wusuru-sili lɛ sɛ na á goã golee ne tiãlɛa, a yii din ba we á n mìi siɛ lon wa. Sɛnɛ, a na á goã n foo bii dii, a nə́ n lala diɛ bɛ̀ á n pii: «Lawa, makara bɔ masɛ-a, masɛ n sii baraa-zɛnaali lɛa.»

Nya ǹ dín 2:37

Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Ebrəə 9:26

Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Samayeli1 15:20

Sayulu pɛ Samayeli ni: «Má Dɛnaa Lawa bɔlɔ si. Dɛnaa Lawa goã á ma dia maa, má woo walan. Ma daa ka Amalɛki tɔrɔn kii Agaagi ni, má Amalɛki kiwi lɛ dinmaa tumaa lɛ naa bolobolo.

Samayeli1 15:30

Sayulu wusoo á pɛ: «Má sii baraa zɛnaa. Sisia, ma nə n nyankoe, n zín wɔ masɛ nɛ, maa zaman lɛ a min golen laanka Izirayeli minin yɔrɔ-a. Samayeli wusoo n da ti kun ka ma nɛ, ma á re Dɛnaa Lawa guguru koe, n Lawa lɛ.»