Samayeli2 11:2 - LAWA A BOO SONBORE

² Ǹ kɔn pinaa wasamiɛ̃nɛ, Davida yoo á n bɔ tán a waa ǹ piì la, á woo n gòã bɔ kɔn a kiibaa ǹ kion kɛa kala-n. Á n toa kala lɛ la walan, á lɔ goon yɛ n zoe. Lɔ lɛ goã siĩni yɔrɔ-a á la yii ni.

LAWA A BOO SONBORE 2011

² Ǹ kɔn pinaa wasamiɛ̃nɛ, Davida yoo á n bɔ tán a waa ǹ piì la, á woo n gòã bɔ kɔn a kiibaa ǹ kion kɛa kala-n. Á n toa kala lɛ la walan, á lɔ goon yɛ n zoe. Lɔ lɛ goã siĩni yɔrɔ-a á la yii ni.

Samayeli2 11:2 Iomraidhean Croise

Siin Giala 12:11

Ǹ bɛ́ re we gána lɛ nɛ ǹ mɛn waáraa, á pɛ a lɔ Sarayii lɛ nɛ kɛnɛn: «Haya! Ma á doɛ̃, máa n nə ǹ lɔ lɛa, n tá siĩn yɔrɔ-a.

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Siin Giala 34:2

Bɛ á zɛnɛɛ, bɛ̀ Amɔɔrɔ a nɛgiĩ Sisɛmu n Ivii tɔrɔn kii lɛa. A bɛ́ á Diinaa yɛ, á kũ á ga li.

Siin Giala 39:6

Bɛ lɛ na á toa, Potifaara ná a gɔn màn tumaa toa Zozɛfu gɔn, mà a ga ǹ walan, a dinmaa nə́ n goɛ̃ bɔ sii din tumaa nɛ, bɛ̀ á n bɔ a màn-bii sii dinsɔɔ̃ nɛ. Zozɛfu na á goã tɔntɔraa lɛa, siĩn sɔnbɔraanɛ.

Siin Giala 6:2

Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

Samayeli2 13:1

Sii mɛn nə n zɛnaa bɛ kio bɛ á ke: Davida a nɛgiĩ Abusalɔn ǹ miãnɛn goon goã a tɔ n Tamaara. Á goã siĩni taãn-taãnɛ. Amnɔn mɛn dɔ bɛ́ Davida lɛ a nɛgiĩ lɛa, bɛ yii bɔ li.

Samayeli2 14:27

Abusalɔn na á nɛgiĩ sɔɔ yɛ, ka nɛlɔ goon ne. Nɛlɔ lɛ sɛ tɔ n Tamaara, a yɔrɔ goã siĩni á là yii ni.

Samayeli2 4:5

Ǹ kɔn pinaa kəni, Beerɔtin Rimɔn a nɛ Rekabu laanka Baanaa yoo ǹ nə́ woo Isbosɛti a piɛ penleen tiɛɛ̃n nɛ. Ǹ bɛ́ doe, bɛ̀ a n waa-n tán penleen susui we.

Samayeli2 4:7

Ǹ bɛ́ ǹ nə́ wɔ kion lɛ-n ke, maǹ nə́ woo Isbosɛti lɛ yaa waa-n tán piì la a kion. Ǹ nə́ dɛ á gã, ǹ ná a mìi kuru. Bɛ kio, ǹ ná a mìi lɛ saa, ǹ nə́ kɔ Zurdɛ̃ a nyankɔrɔ basa kɛ lɛ miɛ̃ tèlò tumu lɛ gɔ́ɔ̃ nɛ, ǹ nə́ woo ne.

Zɔbu 31:1

Masɛ n má n liɛ, máa ma a re giɛ nɛniɛ ganaa, ma yii bɔ li wa.

Loen 119:37

Ma yii saa n bɔ sii kooron kɛn la. Tɔ wɔ ǹ gɔn mɛn bɛ́ kɔɔ̃nɛ n ganaa, toa ma bɛ saa.

Suusun 19:15

Yoobaa n min gù dii, bòo n dí-nyali baãnaa sɛ kuĩ.

Suusun 31:30

Siĩnbaa n min siɛ̃, a beleboe wa. Lɔ mɛn bɛ́ Dɛnaa Lawa guguru koe, bɛ dinsɔɔ̃ na á kɔnbɔ ka tɔ bɔ nɛ.

Suusun 6:25

N baran n saa bɛ miã lɔ kɛ lɛ a siĩnbaa li wa, n nyan nə saa a yii bɔ mali li wa.

Suusun 7:8

Á kiɛ̃ á pii zii saa kunu lɔ kɔrɔ goon a kion ganaa, á woo kion lɛ-a sɔnsɔn.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Matiə 10:27

Masɛ bɛ́ màn mɛn pii ka nɛ wɔlɔ tì li, ka pɛ wɔlɔ fúlu-a; ma bɛ́ màn mɛn pii ka nɛ dɔndɔɔn nɛ, ka pɛ sùnbaa ǹ bǎã nɛ, min tumaa ma.

Matiə 24:17

Min mɛn bɛ́ kala-n, bɛ̀ á gisĩ, a doamaa bie a wɔ kion doo mà asɛ na a mànan goɛ wa.

Matiə 5:28

Sɛnɛ, masɛ n pii ka nɛ, bɛ̀ giĩ mɛn ga ǹ miã a lɔ ganaa a yii bɔ li, bɛa dɛnaa na á naarɛbaa zɛnaa kun ni gɔrɔ a din foo ne.

Nya ǹ dín 10:9

Bɛa sii lɛ a lɛawaa, Kɔrnɛyi a dia dí-a wolen lɛn bɛ́ zii tɔ we, ǹ nə́ diri kiwi la. Piɛrɛ na á goã kala-n, a n Lawa nyankoe. Penleen tiɛɛ̃n kɛ miã nɛ.

Timəə dí-pɛn 22:8

Bɛ̀ ká kion dii dɔ, ka a lɛ kìri dɔ á woo lon, màn mɛn bɛ́ toɛ, min baran bɔ a kala la a mɛnaa, a sii saa a kɔ ka la wa.

Timəə dí-pɛn 5:21

N yii baran bɔ min kɔsɔ gɔn màn kɔn li wa. A nyan bɔ a lɔ li wa, a kion ne, a wuru ni, a bɛ̀rɛgiĩ ni, a bɛ̀rɛlɔ nɛ, a dii ni, a dundun ni, n yii nyan bɔ bɛ kɔn li wa.»

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Zaã1 2:16

A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.

Samayeli1 9:25

Bɛ kio, ǹ nə́ n toa wúlu bɔ ǹ bǎã nɛ, ǹ nə́ daa kiwi gɔ́ɔ̃ nɛ. Samayeli sùn baa kun ka Sayulu ni, kala-n.