Samayeli2 11:1 - LAWA A BOO SONBORE

¹ Lɛ̀ bɛ́ á bɔ, kiin wo zia baa biikoo li, Davida Zoabu dia kun ka a dí-nyalin ni, ka Izirayeli minin lɛn zia-baalin tumaa nɛ. Ǹ nə́ Amɔn tɔrɔn lɛn dɛ, ǹ nə́ ǹ kiwi gole Rabaa kɛ kũ. Sɛnɛ, Davida din giã Zeruzalɛmu.

LAWA A BOO SONBORE 2011

¹ Lɛ̀ bɛ́ á bɔ, kiin wo zia baa biikoo li, Davida Zoabu dia kun ka a dí-nyalin ni, ka Izirayeli minin lɛn zia-baalin tumaa nɛ. Ǹ nə́ Amɔn tɔrɔn lɛn dɛ, ǹ nə́ ǹ kiwi gole Rabaa kɛ kũ. Sɛnɛ, Davida din giã Zeruzalɛmu.

Samayeli2 11:1 Iomraidhean Croise

Samayeli2 10:14

Amɔn tɔrɔn lɛn bɛ́ ǹ nə́ Siirii minin lɛn yɛ baa sii, ǹ dɔn nə́ baa si Abisayii nyɛɛnɛ, ǹ nə́ woo kaa kiwi gɔ́ɔ̃ nɛ. Zoabu wusoo á n bɔ Amɔn tɔrɔn lɛn kio á daa Zeruzalɛmu.

Kiin1 20:22

Lawa a boo gii-dali lɛ tɔ́n nə n mɔrɔ kii Akaabu lɛ ganaa, á pɛ nɛ: «Wo nyɛɛnɛ ka foo tãbaa nɛ. Sɛnɛ n doamaa bɛ́ nɛ n màn mɛn zɛnaa, n taasɛ bɛ ganaa. A giala, lɛ̀-boe doo, Siiriii gána a kii lɛ á die n gialaa ka zia nɛ.»

Kiin1 20:26

Lɛ̀ bɛ́ á bɔ kəni, Bɛn-Adaadi tɔ́n Siirii minin sɔkɔn, á woo Afɛki kiwi, á n die zia diɛ Izirayeli gána ganaa.

KZS1 20:1

Lɛ̀ a wusoo a bɔyaa a daa li, kiin bɛ́ nɛn bɛ̀ ǹ wo zia la biikoo mɛn li, Zoabu ná a zia nɛn kũ ǹ nə́ woo Amɔn nɛn gána yu. Ǹ nə́ Rabaa lɛnpɛnɛ, bɛ̀ Davida tá Zeruzalɛmu. Zoabu Rabaa kũ á ziziɛ̃.

KZS2 36:10

Lɛ̀ a giala kɔ waáraa, Nebukadenezɔɔrɔ minin dia die Zoakini kuĩ woe ne Baabilonii kɔnlɛ ka Dɛnaa Lawa a kion màn sonboren kɛn nɛ. Á Zoakini n dɔɔ̃n Sedekiasi bɔ á koa kii lɛa Zeruzalɛmu laanka Zudaa.

Loen 60:9

Galaati n ma din wɔ lɛa, Manaasee dɔ n ma din wɔ lɛa. Ma mìi ganaa ǹ bafolo n ka Efrayimu ni, maa kii bàlà n ka Zudaa nɛ.

Boo-laakalaali 3:8

Min-narɛɛ biikoo tan, min baa zɔ́ɔ biikoo tan. Zia biikoo tan, là nyantoro biikoo tan.

Zeremii 49:2

«Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Zeremii 49:3

Ɛsibɔn minin, ka gɛ̀ koa ǹ loe lɔ, a giala Ayii kiwi yu! Rabaa lɛkoro-a kiwin, ka gú da! Ka gɛ̀ koa ǹ mɔnaan wɔ, ka foo ziziɛ̃ ǹ loe lɔ! Ka bɔ bǎã tumaa nɛ, kɛ ziin li: Amɔn tɔrɔn kii n woe gùli kɔ ǹ bǎã nɛ, kun ka a wúlu-bɔlen laanka a kiãn tumaa nɛ.

Ezekieli 21:20

Má min doa ǹ kiɛnlɛn tumaa lɛ-a, ka gɛ̀ dɛ ǹ gɔya sa ná a gɔn. A n tɛ zuĩ ka la a tɛ-pɛ bɛ́ lɔn, a lɛ na á n lɔ gɛ̀-dɛ taman yii, màn mɛn bɛ́ toɛ nyɛ́ɛ minin kũ, màn mɛn bɛ́ toɛ min gigiã mɛnaa.

Amɔɔsi 1:14

Man diɛ tɛ kiɛ Rabaa kiwi a kungɔnɔn kɛn ganaa. Tɛ á re a duru ǹ bǎã kakan kɛn kuĩ, zia nɛn lɛ-dɛ wuu li zia la, piɛ̃ gole wuu li piɛ̃ a bɔ pinaa.

Zakarii 14:3

Dɛnaa Lawa tɔn zia baa tɔrɔn gialakunun kɛn ganaa, ka a bɛ́ zia biɛ lɔn lɛlɛ, zia biikoo li.

Timəə dí-pɛn 3:11

Basanan kii Ɔgu dinsɔɔ̃ na á goã Refayimu tɔrɔn lɛn min giala-nyɔmiɛ̃ lɛa. Ǹ na a gere da goo mɛn nɛ, fɔlɔ goo ne. A din lɛ n ke tɔn Amɔn tɔrɔn kɛn kiwi Rabaa. A sasabaa n mɛtərə sii ka talɛɛ, a gɔ́ɔ̃ a golebaa n mɛtərə paa.

Samayeli1 18:30

Filisiti minin kiin nə́ goã soe woe zia biɛ, ǹ woo gogoonmaa, Davida goã gɔ̀lɔ̀baa yii á la Sayulu a sɔraasin tumaa nɛ. Davida tɔ nɔmaa á bɔ parsiini.