Samayeli2 10:6 - LAWA A BOO SONBORE

⁶ Amɔn tɔrɔn lɛn nə́ yɛ, mà ǹsɛn nə́ n dinin tìĩ bɔ Davida nyin ni. Bɛ lɛ nɛ, ǹ nə́ wɔrɔ bɔ, ǹ nə́ minin dia woe Siirii minin kɛn zia-baalin goɛ Bɛti-Rehɔbu laanka Soobaa kiwi. Maǹ nə́ Siirii minin lɛn min duu fuə (20 000) goa, ǹ mɛnɛn bɛ́ tɔ we ka ǹ gòã nɛ bɛ̀ ǹ wo zia baa. Ǹ nə́ Min duu goon (1 000) goa Maakaan kii kɛa bǎã nɛ, ǹ nə́ min duu fulupaa (12 000) goa Tɔbu kiwi.

LAWA A BOO SONBORE 2011

⁶ Amɔn tɔrɔn lɛn nə́ yɛ, mà ǹsɛn nə́ n dinin tìĩ bɔ Davida nyin ni. Bɛ lɛ nɛ, ǹ nə́ wɔrɔ bɔ, ǹ nə́ minin dia woe Siirii minin kɛn zia-baalin goɛ Bɛti-Rehɔbu laanka Soobaa kiwi. Maǹ nə́ Siirii minin lɛn min duu fuə (20 000) goa, ǹ mɛnɛn bɛ́ tɔ we ka ǹ gòã nɛ bɛ̀ ǹ wo zia baa. Ǹ nə́ Min duu goon (1 000) goa Maakaan kii kɛa bǎã nɛ, ǹ nə́ min duu fulupaa (12 000) goa Tɔbu kiwi.

Samayeli2 10:6 Iomraidhean Croise

Siin Giala 34:30

Bɛ gɔ́ɔ̃ nɛ, Zakɔba pɛ Simiɔn laanka Levii ni: «Ka bɔ̀n da masɛ ganaa, ka n ka ma tìĩ bɔ Kanaan gána lɛ laanka Perɛzi gána lɛ a minin nyin ni. Wɔ bɛ́ wɔ ba tɛ wa, ǹ tá re piɛ̃ ma ganaa, ǹ ma dɛ. Ǹ tá re ma laanka maa kion minin bɔ̀n biɛ.»

Samayeli2 10:5

Minin ná a boo da Davida nɛ. Davida tɔ́n minin dia ǹ nə́ woo n da ǹ lɛ. A giala, sìi na á goã ǹ ganaa taãn-taãnɛ. Kii lɛ mà ǹ pɛ ǹ nɛ mà ǹ giã Zerikoo bɔrɔ, yǎa ǹ lɛtoro ka lɛ wusii a piɛ̃. Bɛ kio, ǹ tɔn daa.

Samayeli2 10:7

Davida bɛ́ á bɛ ma, á Zoabu dia woe ǹ gialaa, kun ka zia-baalin ni, ǹ mɛnɛn tumaa bɛ́, zia-baa lɛ nə́ ǹ dí baa.

Samayeli2 16:21

Ayitofɛli tɔ́n pɛ Abusalɔn nɛ: «N di na a lɔ kɔsɔn mɛnɛn toa piɛ, mà ǹ ga kion lɛ walan, wo waa kun ka bɛn lɛn nɛ. Bɛ̀ ń bɛ zɛnaa, Izirayeli minin tumaa á re doɛ̃ mà a na á n din tìĩ bɔ ǹ di nyin ni, màn tá re miɛ̃ n kiodɛnan lɛn tumaa dɔ a foo taãbaa li.»

Samayeli2 23:34

Aasibayi a nɛgiĩ Elifelɛti ni boe Makaati, Ayitofɛli ke boe Gilɔn, bɛa nɛgiĩ Eliamu ni,

Samayeli2 8:12

Á ǹ kɔn si Siirii minin la, Moabu minin ni, Amɔn tɔrɔn nɛ, Filisiti minin ni, Amalɛki tɔrɔn nɛ. A mànan mɛnɛn dɔn si Rehɔbu a nɛgiĩ Sobaan kii Adadezɛɛrɛ la, á bɛn dɔn kɔ Dɛnaa Lawa la.

Samayeli2 8:3

Davida boo Rehɔbu a nɛgiĩ Adadezɛɛrɛ la. A din lɛ n Sobaa kiwi a kii lɛa. Bɛa biikoo li, a na á goã zii la wusii woe Efrati tà lɛ-a minin kɛn kuĩ ǹ kiɛ a pàã giulun.

Samayeli2 8:5

Siiriii minin mɛnɛn bɛ́ Damaasi kiwi, bɛn nə́ daa n dɔ Sobaan kii Adadezɛɛrɛ lɛ. Sɛnɛ Davida Siiriii minin lɛn min duu fuəwenpaa (22 000) dɛ.

Kiin1 11:24

Davida bɛ́ á goã á Adadezɛɛrɛ a sɔraasin dɛ, Rezɔn lɛ minin kũ á ǹ kaa kun ka a din ni, á piã wolen goledɛnaa baa. Maǹ nə́ woo Damaasi kiwi, ǹ nə́ giã walan, Damaasi kiwi mìi la.

Kiin2 7:6

Dɛnaa na á goã á zɛnaa, Siirii minin nə́ màn wuu kɔn ma, ka n pɛ mà sɔraasi damata na a gialaa die ka sùin laanka ziabaa ǹ wotoron ne. Siirii minin lɛn nə́ tɔ́n pɛ kɔn nɛ: «Izirayeli gána a kii lɛ ná á Ɛti minin kiin laanka Ezipti minin kiin saa paa ganaa, mà ǹ da ziabaa wɔ ganaa.»

Loen 48:4

Lawa din nə Siɔn lɛduə̃ ǹ bǎãn kɛn nɛ, a din nə tamaɛ ka pàã gole ne.

Bɔ bɛ̀rɛbaa nɛ 5:21

Ǹ nə́ pɛ ǹ nɛ kɛnɛn: «Dɛnaa din ga kɛ ganaa, a kiri kuru ka la. Ka dinin lɛa nɛ, wɔsɛn tìĩ bɔ Faarahɔn laanka a dí-nyalin nyin ni. Ka n ka gɔya wɔ ǹ gɔn, mà ǹ wɔ dɛ nɛ.»

Suusun 25:8

N sii mɛn yɛ, n nyan saa lɛlɛ n bɛ pɛ fufuu kiri wɔ ǹ bǎã-n wa. Bɛ̀ n zɔ́ɔ nyaa mà sonbore ba n lon wa, ma nə n biɛ lɔn bɛ kio?

Zeremii 40:8

Bɛa sɔraasin lɛn nə́ daa n kaa kun Gedalia nɛ Mispaa. Ǹ nyɛɛnaandɛnan man ka Netania a nɛgiĩ Isimayeli ni, Kareyaa a nɛgiĩ màn paa Zoanan laanka Zanaatan nɛ, Tanewumɛti a nɛgiĩ Seraya nɛ, Netofaa min Efayii a nɛgiĩn ni, ka Yazania nɛ Maakaa min goon a nɛ lɛa.

Zeremii 46:21

Ezipti sɔraasi tiin mɛnɛn pii, á goã giɛ bɛn walan parsiini ka tɔɔ mɛn bɛ́ ǹ tá toe. Sɛnɛ, bɛn dɔn nə́ n dɔ̀ɔ̃ wɔ nɛ, ǹ tumaa baa si kun. Ǹ dɔlɔ pinaa á die ǹ gialaa, koe lɛawaa nɛ.

Timəə dí-pɛn 3:14

Manaasee tɔrɔ Yayiiri ke, bɛ́ Argɔbu bǎã kɛ tumaa si yǎa Gesuuru tɔrɔn laanka Maakaati tɔrɔn gèlè la. Á n din tɔ kɔ Basan gána lɛ a kiwin ganaa. Maǹ bɛa bǎã lɛ bíi pelo mà Yayiiri a gána.

Sii yɔrɔ-bɔlen 11:3

Zɛftee nɔmaa á baa si, á n wɔlɔ lui ǹ dɔɔ̃nɔn lɛn ganaa, á woo giã Tɔbu gána nɛ. Min kooron kɔnɔn nə́ woo kaa kun ka Zɛftee ne. Bɛ̀ á soe woe bǎã nɛ, bɛn lɛn man nə́ goã soe kun ni.

Sii yɔrɔ-bɔlen 11:5

Amɔn tɔrɔn lɛn bɛ́ zia biɛ Izirayeli minin lɛn ganaa, Galaati gána a min golen nə́ woo Zɛftee kio Tɔbu gána nɛ.

Sii yɔrɔ-bɔlen 18:28

Layisi kiwi lɛ na á goã Bɛti-Rehɔbu a nyankɔrɔ basa kɛ nɛ, a wɔlɔ n lui-n Sidɔn kiwi ganaa. A minin lɛn wɔ goã min kɔn wɔ gɔ́ɔ̃-n wa. Bɛ lɛ n ke min kɔn yɛ, á daa ǹ si á ǹ kaa wa. Dan minin nə́ wusoo ǹ nə́ kiwi lɛ dɔ, ǹ nə́ giã a nɛ.

Samayeli1 13:4

Izirayeli tumaa ma, mà Sayulu zia da Filisiti minin pàãdɛnaa lɛ ganaa á boo la, bɛ́ nɔmaa á Izirayeli gána dinmaa tìĩ bɔ Filisiti minin lɛn nyin ni. Zaman lɛ tumaa tɔ́n nə n sɔkɔn, ǹ nə́ kaa kun ka Sayulu ni Gilgaali kiwi.

Samayeli1 27:12

Akiisi foo goã doa-n Davida a sii ganaa. A na á goã taasɛ mà Davida nə́ n din tìĩ bɔ a din tɔrɔn, Izirayeli minin lɛn nyin ni. Bɛ̀ lɛ nɛ, mà a tá re dí nyɛɛ asɛ nɛ duduu.