Samayeli2 1:8 - LAWA A BOO SONBORE

⁸ Á nɔ̀n da ma la: «Die-n ka nsɛ nɛ?» Má tɔ́n pɛ nɛ máa man Amalɛki tɔrɔ lɛa.

LAWA A BOO SONBORE 2011

⁸ Á nɔ̀n da ma la: «Die-n ka nsɛ nɛ?» Má tɔ́n pɛ nɛ máa man Amalɛki tɔrɔ lɛa.

Samayeli2 1:8 Iomraidhean Croise

Siin Giala 14:7

Bɛ kio, ǹ bɛ́ Ɛn-Mispaa bɛ giala mà Kadɛsi, ǹ nə́ n bɔyaa ǹ nə́ daa walan, ǹ nə́ Amalɛki tɔrɔn bǎã tumaa ziziɛ̃. Amɔɔrɔ tɔrɔn mɛnɛn dɔn dinin bɛ́ giã-n Hasasɔn-Tamaara, ǹ nə́ bɛn dɔn dɛ.

Samayeli2 1:13

Tɔntɔraagiĩ mɛn da boo lɛ pɛ Davida nɛ, Davida wusoo á nɔ̀n da la: «Ma n boe maa?» Á ná a lɛ si mà asɛ n Amalɛkin giĩ goon a nɛgiĩ lɛa, asɛ di n gùli lɛa gána kɛ nɛ.

Samayeli2 1:7

A bɛ́ á n yɔrɔ bɔyaa á masɛ yɛ, a na á lɛ dia ma la. Má a lɛ si máa ma á ke!

Samayeli2 1:9

Bɛ kio, á pɛ ma-n kɛnɛn: «Bǐɛ̃ kɔ, n zɔ̃ n nə n mɔrɔ, n golee n ma nyin bɔ. A giala, yii-tii n ma gialaa, haalɛ ta á daa yaa maa fɔ̀foã tumaa tá ma-n bɔrɔ.»

Minin nimi 24:20

Bɛ kio, Balaamu yii Amalɛki tɔrɔn yɛ, á tɔ́n bɔ boon kɛn nɛ kɛnɛn á ǹ pɛ: Amalɛki tɔrɔ n tɔrɔn nyɛɛnɛ. Sɛnɛ, nyɔɔbaa, bɔ̀n nɛ.

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»

Samayeli1 27:8

Davida laanka a minin nə́ goã nɛn bɛ̀ ǹ soo ǹ wo zia da Gesuuru minin ganaa ka Girizii minin laanka Amalɛki tɔrɔn nɛ. A giala, bɛa tɔrɔn kɛn lɛn man giã nɛ gána lɛ nɛ, haalɛ bibi, a kũ dia-n woe Suuru ganaa yǎa a die doe Ezipti gána nɛ.

Samayeli1 30:1

Lɛawaa sɔɔ bɛ kio, Davida laanka a minin nə́ dɔ Siklagi kiwi. Bɛ́ dɔ daa yaa, bɛ̀ Amalɛki tɔrɔn nə́ daa soo Zudaa gána a gusin a lɛ̀gɔn la, ǹ nə́ kɔ Siklagi kiwi lɛ ka zia nɛ. Ǹ nə́ bɔ̀n da a ganaa, ǹ nə́ tɛ da a ganaa.

Samayeli1 30:13

Davida pɛ nɛ: «Die a min ni n ni, ma n boe bǎã mɛn nɛ?» Á n toa: «Man Ezipti tɔntɔraa lɛa, man Amalɛki tɔrɔ goon a bɛ̀rɛ lɛa. A lɛawaa sɔɔ n ke maa dɛnaagiĩ nə́ n la bɔ ma ganaa, a giala, man ma goã lon wa.

Samayeli1 30:17

A saa baayɛlɛ yiisoon ganaa, Davida nə́ ǹ dɛ miɛ̃ yǎa bɛa lɛawaa wasamiɛ̃nɛ. Min kɔn nə n si á la wa, bɛ̀ á n bɔ min ten biɛsii (400) n ke, bɛn nə́ dii nyɔɔmaan la ǹ nə́ baa si.