Samayeli2 1:16 - LAWA A BOO SONBORE

¹⁶ Ǹ bɛ́ dii, Davida na á goã pii ni: – N gɛ̀ lɛ a koen nə goã n din mìi ni. A giala, n din lɛ na á n da sii ni. A na á pɛ kɛnɛn: «Dɛnaa Lawa kii mɛn bɔ á koa, ma din ni má dɛ.»

LAWA A BOO SONBORE 2011

¹⁶ Ǹ bɛ́ dii, Davida na á goã pii ni: – N gɛ̀ lɛ a koen nə goã n din mìi ni. A giala, n din lɛ na á n da sii ni. A na á pɛ kɛnɛn: «Dɛnaa Lawa kii mɛn bɔ á koa, ma din ni má dɛ.»

Samayeli2 1:16 Iomraidhean Croise

Samayeli2 1:10

Bɛ lɛ nɛ, ma golee a li má dɛ. A giala, ma á doɛ̃ má a re liɛ a mɛnaa kɛ kio wa. Kii bafolo mɛn goã a mìi ganaa, zan mɛn dɔ goã a gɔn ganaa, ma bɛn waa má daa ǹ kɔ maa dɛnaagiĩ la kànaa.

Samayeli2 16:8

Ń Sayulu a kion minin mɛnɛn dɛ, ń giã a kiibaa la, Dɛnaa Lawa n bɛ lɛ a dɔlɔ boe n ganaa. Dɛnaa Lawa na á kiibaa lɛ si n la, á kɔ n nɛgiĩ Abusalɔn la. N din nə́ ke nɔmaa gɔ́ɔ̃-n kəni. A giala, gɛ̀-dɛle nə n ne.»

Kiin1 2:37

Bɛ̀ ń soo n nə n bɔ walan ǹ mɛn pinaa, ń Sedrɔn a nyankɔrɔ basa kɛ da n kio, a dɔ̃ foaãnɛ, mà ma n giɛ̃, sàabaa ba la wa. N din sii n die goɛ̃ ka bɛ nɛ.»

Zɔbu 15:6

Masɛ sii bie ke wa. N din lɛ n die n diɛ sii ni, n din lɛwɔn nə n din gialaa.

Suusun 6:2

Ń boo da hinlaa ń lɛ kɔ wɔ bɛa paǹ li ya?

Ezekieli 18:13

A n giɔ̀mɔ diɛ minin ganaa á n giɛ là li, a n là babaraa boe. Bɛ lɛ miã yii á boe la a goã koo sonbore? A yii a boe la a goã koo wa, a giala, á bɛa sii bɔbɔnɛɛ kɛ lɛ tumaa zɛnaa. Sàabaa ba la wa, á re giɛ̃. Bɛ̀ á gã dɔn, a din sii ni.

Ezekieli 33:5

A giala, á bɛn wuu lɛ ma, sɛnɛ, a na a gɔn-waa lɛ si wa. Ǹ dɛnaa din sii ni. Bɛ̀ a na á gɔn waa lɛ si, bɛ̀ a n die kanbiɛ.

Lawa a wúlu-bɔlen 20:16

Bɛ̀ lɔ mɛn nə́ n mɔrɔ tɔɔ ganaa á giã kun ni, ǹ lɔ lɛ laanka tɔɔ lɛ dɛ. Ǹ nə ǹ dɛ, ǹ gɛ̀ lɛ a dɔlɔ nə ǹ dinin mìi ni.

Lawa a wúlu-bɔlen 20:27

Bɛ̀ giĩ hinlaa lɔ tá boobaa ǹ dí nyɛɛ minin manɛ, ka kɔlɔ kaã bɔ ǹ ganaa, ka ǹ dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.

Lawa a wúlu-bɔlen 20:9

Bɛ lɛ nɛ, bɛ̀ min mɛn sɔ kɔ ǹ di hinlaa ǹ dan ganaa, ka ǹ dɛnaa dɛ a gã. Ǹ dɛnaa a gɛ̀ lɛ a dɔlɔ na a din mìi ni, a giala, a na á sɔ kɔ ǹ di laanka ǹ dan ganaa.

Matiə 27:25

Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

Luku 19:22

Á pɛ a dɔ nɛ mà dí-nyali naarɛ ke, mà asɛ n die kiri kuri la, a kɔnpɛ a din lɛ gɔ́ɔ̃ ǹ boon ne. Mà táa á dɔ̃ mà asɛ n min kakaarɛ lɛa, mà asɛ màn mɛn koa wa mà asɛ n bɛ siɛ, asɛ màn mɛn da wa asɛ n bɛ kuri.

Nya ǹ dín 18:6

Zuifun lɛn bɛ́ n piɛ̃, ǹ nə́ sɔ koe, Pooli nə́ n gɔn pii á bɔ ǹ sii ni. Á pɛ ǹ nɛ: «A n kuĩ ka dinin mìi ni, màn kɔ́n ba boe masɛ li doo wa. Sisia kəni, masɛ n die n yɔrɔ diɛ tɔrɔ kɔsɔn la.»

Nya ǹ dín 20:26

Masɛ á boe la ma pɛ pelo ka tumaa yɔrɔ-a, bɛ̀ kaa min mɛn papaã, masɛ sii bie wa.

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Timəə dí-pɛn 19:10

Ka die ka zɛnaa miɛ̃, màn mɛn bɛ́ toɛ, kaa Lawa, Dɛnaa Lawa bɛ́ re gána mɛn lɛ koe ka la mà a kaa wɔ baa, zɛ̀rɛbaãnaa mà nyan kaa tán a-n wa. Bɛ bie wa, a sii n goɛ̃ ka dinin mìi ni.

Zozoe 2:19

Bɛ̀ ǹ mɛn soo á n kion lɛ a kiɛnlɛ da a kio, bɛ̀ wɔ bɛ dɛ, bɛa dɛnaa a sii na a din mìi ni, wɔsɛn sii ba bɛ-n wa. Sɛnɛ, min mɛnɛn tumaa bɛ́ kunun n ni kion lɛ nɛ, bɛ̀ wɔ n gɔn da bɛn goon ganaa, bɛa sii n die goɛ̃ wɔsɛn dɔn mìi ni.

Sii yɔrɔ-bɔlen 9:24

Sonbore ne, a sii babaraa mɛn zɛnaa Yerubaali a nɛgiĩ pɔsɔbaa kɛ nɛ, yǎa bɛa gɛ̀-dòo nə n boe a ganaa. Ǹ mìi gɔ́ɔ̃ ǹ sii n doe ǹ dɔɔ̃n Abimelɛki lɛ din ganaa, asɛ mɛn bɛ́ á ǹ dɛ. Ǹ mìi gɔ́ɔ̃ ǹ sii n doe Sisɛmu kiwidɛnan lɛn dɔn ganaa, ǹsɛn mɛnɛn bɛ́ ǹ nə́ n dɔ Abimelɛki lɛ, á ǹ dɔɔ̃nɔn lɛn dɛ.

Samayeli1 25:39

Davida ma, mà Naabaali gã, á tɔ́n pɛ: «Barka tá Dɛnaa Lawa ganaa, a giala, Naabaali bɛ́ á ga ma lɛ li, Dɛnaa Lawa din na á bɔ maa lɛ-a, á ná a bɛ̀rɛgiĩ kurəə sii baraa zɛnaa ganaa. Dɛnaa Lawa na á toa Naabaali a baraabaa lɛ kũ a din mìi ni.» Davida minin dia mà ǹ wo pɛ Abigayili ni mà asɛ n giɛ li a saa lɔ lɛa.

Samayeli1 26:9

A din ba doe maa fɔ̃ gunyin paa ganaa wa.» Davida pɛ Abisayii ni: «N baran dɛ wa! Dɛnaa Lawa min mɛn bɔ á koa, die gɔn nə boe la a mɛn bɛ ganaa, ǹ dɛnaa goã kooro dɔlɔ bɔmaa baã?»