Samayeli2 1:14 - LAWA A BOO SONBORE

¹⁴ Davida tɔ́n pɛ nɛ: «Kɛ na á saa lɔn? Dɛnaa Lawa kii mɛn bɔ á koa, wàa na á baa, n nyɛ́ɛ baa bɛa dɛ-n wa?»

LAWA A BOO SONBORE 2011

¹⁴ Davida tɔ́n pɛ nɛ: «Kɛ na á saa lɔn? Dɛnaa Lawa kii mɛn bɔ á koa, wàa na á baa, n nyɛ́ɛ baa bɛa dɛ-n wa?»

Samayeli2 1:14 Iomraidhean Croise

Loen 105:15

Ka baran n gɔn da maa yii-gɔgoɛ̃ wolen kɛn-a wa. Ka baran sii baraa zɛnaa maa boo gii-dalin kɛn man wa.

Busii pɛ 4:20

Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Minin nimi 12:8

Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Samayeli1 10:1

Samayeli nyɔɔ màn saa, á nyɔɔ kaa Sayulu mìi ni. Bɛ kio, á n sɔɔ Sayulu ni, á pɛ nɛ: – Dɛnaa Lawa na á n bɔ, á n koa kii lɛa n din a zaman Izirayeli minin lɛn mìi la.

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»

Samayeli1 24:11

N yii yɛ pelo dinin, Dɛnaa Lawa nə n wɔ ma gɔn, yala lɛ nɛ. Ǹ nə́ pɛ mà man dɛ, sɛnɛ, n makara na á ma kũ, ma tɔ́n nə n toa: «Ma ba re n gɔn diɛ maa dɛnaagiĩ ganaa wa, a giala, Dɛnaa Lawa na á n bɔ, á n koa.»

Samayeli1 24:6

Sɛnɛ bɛ kio, Davida foo ná a din zɛ̀rɛ baa, a giala, a na á Sayulu a dɔnkɛ lɛkoro kuru.

Samayeli1 24:7

Á pɛ a minin lɛn manɛ: «Dɛnaa Lawa die a ma kanbaa bɛa sii baraa kɛ miã zɛnaa ganaa, maa dɛnaagiĩ ni, Dɛnaa Lawa min mɛn lɛ bɔ á koa. Ma ba re n gɔn diɛ a ganaa wa, a giala, Dɛnaa Lawa na á bɔ.»

Samayeli1 26:11

Dɛnaa Lawa min mɛn bɔ á koa, Dɛnaa Lawa die a ma kanbaa bɛa dɛ ganaa! Sɛmiɛ̃ mɛn bɛ́ a mìi wɔlɔ li, bɛ laanka mu tɔn lɛ sɛ saa, wɔ n tan.»

Samayeli1 26:9

A din ba doe maa fɔ̃ gunyin paa ganaa wa.» Davida pɛ Abisayii ni: «N baran dɛ wa! Dɛnaa Lawa min mɛn bɔ á koa, die gɔn nə boe la a mɛn bɛ ganaa, ǹ dɛnaa goã kooro dɔlɔ bɔmaa baã?»

Samayeli1 31:4

Sayulu pɛ a ziabaa ǹ mànan-gũli ni: «N gɔya woɛ̃ a kii ni, n masɛ fɔ̃ nɛ, ń giɛ Lawa doɛ̃baã wolen kɛn baran da ma fɔ̃, ǹ sàn kɔ ka ma-n wa.» Sɛnɛ, a ziabaa ǹ mànan-gũli lɛ nə́ n piã, a giala, nyɛ́ɛ goã a ganaa taãn-taãnɛ. Sayulu tɔ́n a din a gɔya saa, á bɔ á n wɔ lɛ tán.