Samayeli2 1:11 - LAWA A BOO SONBORE

¹¹ Foo ziziɛ̃ gɔn, Davida ná a mɔnaan kũ á ǹ tɔtoɛ̃. A tá-kun wolen tumaa zɛnaa miɛ̃.

LAWA A BOO SONBORE 2011

¹¹ Foo ziziɛ̃ gɔn, Davida ná a mɔnaan kũ á ǹ tɔtoɛ̃. A tá-kun wolen tumaa zɛnaa miɛ̃.

Samayeli2 1:11 Iomraidhean Croise

Siin Giala 37:29

Urubɛn bɛ́ á n bɔyaa, á daa nyankɔrɔ lɛ lɛ-a, a Zozɛfu yɛ a gɔ́ɔ̃-n doo wa. A foo busiimaa, a ná a din a mɔnaan kũ á ǹ toɛ̃.

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Siin Giala 44:13

Sii lɛ bɛ́ á ǹ tumaa kã, ǹ nə́ ǹ mɔnaan tɔtoɛ̃, didie ná a guĩ saa, á da a dundun la, ǹ nə́ n bɔyaa ǹ nə́ daa kiwi gɔ́ɔ̃ nɛ.

Samayeli2 13:19

Tamaara ton goa á kaa a din mìi ni, á ná a mɔnaa sɛsia lɛ kũ á toɛ̃, á n gɔnɔn kaa a mìi ni, á woo bɛ̀ a tá n lɛ dii ka gɛ̀ na á gã la.

Samayeli2 13:31

Kii yoo a ná a mɔnaan tɔtoɛ̃, á na á waa tán foo ziziɛ̃ gɔn. A dí-nyalin tumaa goã golee-n walan, ǹ mɔnaan nə́ tɔtoɛ̃ nɛ.

Samayeli2 3:31

Davida pɛ Zoabu laanka Zoabu a tá-kun wolen lɛn tumaa nɛ: «Ka kaa mɔnaan tɔtoɛ̃, ka gɛ̀ koa ǹ mɔnaan wɔ, ka mɛ Abnɛɛrɛ gere nyɛɛnɛ, ka a gɛ̀ wuu pɛ.» Kii Davida din na á goã tɔ we gere lɛ kio.

Kiin2 5:7

Kii lɛ bɛ́ á sɛ́wɔ lɛ pɛ á nya, a ná a mɔnaan tɔtoɛ̃ foo ziziɛ̃ gɔn á pɛ: «Siirii gána a kii lɛ din bɛ́ yui min diɛ masɛ li mà ma a gɔ̀nɔn ki busu babaraa nya ma bɔ a ganaa, Lawa n ka masɛ nɛ, boe nyin nya laanka nyin kɔ la? Ka yɛ ka dɔ̃, mà a n giɛ ma lɛ li.»

KZS2 34:27

N bɛ́ n boon kɛn ma má ǹ da Zeruzalɛmu ganaa ka a minin ni, á dí nya n foo ne, n nə́ n din gisĩ ma yɔrɔ-a. N nə́ n mɔnaan tɔtoɛ̃, n wuu pɛ ma yɔrɔ-a. Haya, masɛ dɔ nə́ n lɛ ma. Ma din Dɛnaa Lawa a da ǹ boo ne.

Ɛsidrasi 9:3

Ma bɛ́ má bɛ ma, má maa mɔnaan kũ má ǹ tɔtoɛ̃, má ma mìi ka laanka ma lɛtoro ka kũ má wɔ̃woɛ̃, má giã tán ma foo ń busii ni.

Zeremii 36:24

Sɛnɛ, kii laanka a gána nyɛɛnaandɛnan nə́ boo lɛ tumaa giala ma. Sɛnɛ a nyɛ́ɛ goon din da ǹ ganaa wa, ǹ foo ziziɛ̃ boɛɛn dinin wa.

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Nya ǹ dín 14:14

Dia dí-a wole Pooli laanka Barnabaasi bɛ́ ǹ nə́ bɛa boo kɛ ma, ǹ foo ziziɛ̃ parsiini. Ǹ nə́ ǹ mɔnaan toɛ̃, ǹ nə́ n gòã saa ǹ nə́ woo zaman lɛ li, ǹ nə́ paraa:

Rɔmu minin 12:15

Ka n nyɛnyɛɛ kun ka nyɛnyɛɛ wolen ne, ka wuu pɛ kun ka wuu-pɛlen ne.

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.