Samayeli1 9:16 - LAWA A BOO SONBORE

¹⁶ «Biɛ̃ kɛnɛn yirəə, ma á die giĩ goon diɛ n li, a n Bɛnzamɛn tɔrɔ lɛa. N die n nyɔɔ lɔ a ganaa, màn mɛn bɛ́ toɛ, a maa zaman Izirayeli lɛ a kii baa, a ǹ si Filisiti minin lɛn la. A giala, má maa zaman lɛ a nɔmaa yɛ, ǹ lɛ-dɛ dɔ ma ganaa.»

LAWA A BOO SONBORE 2011

¹⁶ «Biɛ̃ kɛnɛn yirəə, ma á die giĩ goon diɛ n li, a n Bɛnzamɛn tɔrɔ lɛa. N die n nyɔɔ lɔ a ganaa, màn mɛn bɛ́ toɛ, a maa zaman Izirayeli lɛ a kii baa, a ǹ si Filisiti minin lɛn la. A giala, má maa zaman lɛ a nɔmaa yɛ, ǹ lɛ-dɛ dɔ ma ganaa.»

Samayeli1 9:16 Iomraidhean Croise

Samayeli2 3:18

sii zɛnaa biikoo lɛ n ke. Sonbore, Dɛnaa Lawa na á pɛ Davida wɔ paǹ li kɛnɛn: «Ma á die maa zaman Izirayeli minin lɛn sii ma ǹ bɔ Filisiti minin laanka ǹ zɔ́ɔn tumaa a pàã giulun, ka maa dí-nyali Davida pàã nɛ.»

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Loen 102:1

Min mɛn bɛ́ á nɔmaa, a pàã nya, bɛa nyankɔ n ke, a na a busii pii Dɛnaa Lawa nɛ.

Loen 106:44

Ka bɛ yii ni, Dɛnaa Lawa ga ǹ nɔmaa ganaa, á ǹ lɛ dɛ ma.

Loen 25:18

Ga maa fuu laanka maa nɔmaa kɛ ganaa, n maa sii baraan tumaa toa ma nɛ.

Suusun 16:9

Minbuiin nɛn manə ǹ zii boe, sɛnɛ, Dɛnaa Lawa n tɔ wɔ bǐɛ̃ koe.

Zeremii 32:8

Ka Dɛnaa Lawa goã á pɛ ma-n lɔn, ma dɔɔ̃ngiĩ Hanaaneyeli daa ma yaa wɔlɔ-lɛduə̃lin sumu-n, á pɛ ma-n kɛnɛn: «Maa wuru kɛ pii Anaatɔti, Bɛnzamɛn gána nɛ. A giala, n din nə ma dɔɔ̃n taãn lɛa, a pii n doe n din ganaa.» Má dɔ̃ ka bɛ-n kəni, máa Dɛnaa Lawa na á boo da ma nɛ.

Samayeli1 10:1

Samayeli nyɔɔ màn saa, á nyɔɔ kaa Sayulu mìi ni. Bɛ kio, á n sɔɔ Sayulu ni, á pɛ nɛ: – Dɛnaa Lawa na á n bɔ, á n koa kii lɛa n din a zaman Izirayeli minin lɛn mìi la.

Samayeli1 14:20

Sayulu din laanka zaman lɛ mɛn tumaa goã kun, ǹ nə́ n sɔkɔn, ǹ nə́ woo dɔ zia bǎã lɛ nɛ, bɛ̀ Filisiti minin lɛn nə́ ke kɔn dii ka gɔyan nɛ, ǹ nə́ ǹ ba boe la ǹ tá bɔkɔnlɛ goon din we doɛ̃ wa.

Samayeli1 14:23

Bɛa pinaa kɛ lɛ nɛ, Dɛnaa Lawa gɔ̀lɔ̀baa kɔ Izirayeli minin la. Ǹ nə́ zia lɛ baa yǎa ǹ nə́ woo Bɛti-Avɛn da ǹ kio.

Samayeli1 15:1

Samayeli pɛ Sayulu ni: – Dɛnaa Lawa na á goã á masɛ din dia, má nyɔɔ lɔ n ganaa, ń kii baa Lawa a zaman Izirayeli minin lɛn mìi la. Bɛ lɛ n ke sisia, Dɛnaa Lawa bɛ́ re boo mɛn diɛ, n too kɔ bɛ ganaa.

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

Samayeli1 16:3

Wúlu lɛ a bɔ waáraa, n die n Zesee bíi a tɔ-a. N doamaa bɛ́ nɛ, n sii mɛn zɛnaa, ma din tá re bɛ nyɛɛ n nɛ. Ma din bɛ́ re min mɛn nyɛɛ n nɛ, n die n nyɔɔ lɛ lɔ bɛ ganaa masɛ wɔ lɛa.»