Samayeli1 8:7 - LAWA A BOO SONBORE

⁷ Dɛnaa Lawa pɛ Samayeli ni: «Zaman lɛ bɛ́ re boo mɛn din tumaa diɛ, n too kɔ a ganaa, a giala, nsɛ Samayeli bie ǹ tá n piɛ̃-n wa, masɛ din ni. Ǹ ba li masɛ goã ǹ mìi la doo wa.

LAWA A BOO SONBORE 2011

⁷ Dɛnaa Lawa pɛ Samayeli ni: «Zaman lɛ bɛ́ re boo mɛn din tumaa diɛ, n too kɔ a ganaa, a giala, nsɛ Samayeli bie ǹ tá n piɛ̃-n wa, masɛ din ni. Ǹ ba li masɛ goã ǹ mìi la doo wa.

Samayeli1 8:7 Iomraidhean Croise

Izayii 66:4

Á bǐɛ̃ kɔ, ma dɔ n die koe yɔrɔ boe ǹ wɔ lɛa. Sii mɛn bɛ́ nyɛ́ɛ diɛ ǹ ganaa, man die bɛ lɛ diɛ ǹ la. A giala, má lɛ dia, min kɔn ma lɛ si wa. Má boo da, min kɔn nə n too kɔ wa. Sii mɛn bɛ́ bɔbɔnɛɛ ma yii li, ka sii mɛn bɛ́ a kɔɔ̃n ma ganaa wa, ka ǹ bɛ lɛ zɛnɛɛ.

Zeremii 34:14

Man má pɛ ǹ nɛ: Kànaa ka lɛ̀ sɔbaa, didie doamaa nɛ a ǹ dɔɔ̃n Ebrəə min toa walan, ǹ mɛn lɛ nə n din sã ka la. Lɛ̀ sɔrɔ gɔ́ɔ̃ nɛ, a n die goɛ̃ kaa bɛ̀rɛ lɛa, sɛnɛ, a lɛ̀ sɔbaabaa ǹ wɔ li ka ǹ dɛnaa toa walan.» Sɛnɛ, ka digolon nə n too kɔ ma lon wa, ǹ nə n yiri kɔ maa boon li wa.

Ezekieli 2:3

Á tɔ́n pɛ ma-n kɛnɛn: – Nsɛ minbuiin a nɛ, man die n diɛ Izirayeli minin kɛn li, bɛa piã-wɔlen kɛn lɛn ǹ nə́ n gòãn dii masɛ ganaa. Ǹ digolon nə ma bɔlɔ tii lɔn, a din lɛ n ke ǹ dɔn tá la, a da pelo kɛ lɛ yaa.

Ezekieli 3:7

Sɛnɛ, Izirayeli tɔrɔn lɛn ba re n too koe n lon wa, a giala, ǹ ba li ǹ nə n too kɔ ma din lon wa. Sonbore ne, Izirayeli tɔrɔn lɛn tumaa too n kaka, n laɛ sii dɔ ganaa.

Minin nimi 22:20

Lawa daa Balaamu li tèlò-n á pɛ nɛ: «Bɛ̀ bɛa minin kɛn lɛn man nə́ daa lɛ dia n la, yoo n dɔ ǹ ganaa n woo. Sɛnɛ, bɛ̀ ma boo mɛn pɛ n nɛ, n doamaa nɛ n bɛ lɛ dinsɔɔ̃ zɛnaa.»

Matiə 10:40

Bɛ̀ min mɛn nə́ ka kũ doɛ̃ bɛa dɛnaa na á masɛ kũ doɛ̃; bɛ̀ min mɛn masɛ kũ doɛ̃ bɛa dɛnaa na á masɛ a dia wole kũ doɛ̃.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Luku 19:27

Giĩ lɛ mà asɛ a zɔ́ɔn kɛn, min mɛnɛn bɛ́ mà ǹsɛn ba li asɛ giã ǹ mìi la wa, mà ǹ da ǹ nɛ kànaa, ǹ nə ǹ bɔlɔ kuru asɛ yɔrɔ-a.

Zaã a sɛ́wɔ 13:16

Man taãn pii ka nɛ, bɛ̀rɛ kɔ́n ba gole á la ǹ Dɛnaagiĩ-n wa, dia dí-a wole kɔ́n dɔ a gole á la a dia wole-n wa.

Sii yɔrɔ-bɔlen 8:23

Zediɔ̃ nə́ ǹ lɛ si: «Ma a re giɛ̃ ka mìi la kii lɛa wa, maa a nɛ dɔ a re giɛ̃ ka mìi la wa. Dɛnaa Lawa á re giɛ̃ ka mìi la.»

Samayeli1 10:19

Sɛnɛ ka dinin man ke pelo, ká n piã ka kaa Lawa nɛ, asɛ mɛn bɛ́ n doe ka lɛ, kaa nɔmaan laanka kaa fuu tumaa gɔ́ɔ̃ nɛ. Ka pɛ nɛ mà yǎa ma kii koe kasɛn la. «Ka kiɛ̃ kanna kəni, ka giã bii-a Dɛnaa Lawa yɔrɔ-a, tɔrɔ lɛ yii li, tanlɛ yii li.»

Samayeli1 12:1

Samayeli pɛ Izirayeli minin tumaa nɛ: «Á ke, ka bɛ́ ka màn mɛn tumaa pɛ ma nɛ, má n too kɔ a ganaa: Ka bɛ́ mà ma kii koa ka mìi la,

Samayeli1 12:12

Sɛnɛ, ka bɛ́ ka yɛ mà Amɔn gána a kii Naasi lɛ n die koe ka lɛ ka zia nɛ, ka pɛ ma nɛ mà haba! Mà yǎa kii goɛ̃ kasɛn mìi la. A da yaa kaa Lawa, Dɛnaa Lawa lɛ n kaa kii lɛa.

Samayeli1 8:22

Dɛnaa Lawa tɔ́n pɛ Samayeli ni: «Ǹ bɛ́ giɛ màn mɛn li, bɛ zɛnaa. Kii kɔ ǹ la.» Bɛ kio, Samayeli pɛ Izirayeli minin tumaa nɛ mà didie nə n bɔyaa a wo a kiwi.

Samayeli1 8:8

Ǹ lɛ mui sii ni. Masɛ din ni má ǹ waa má ǹ bɔ Ezipti gána nɛ. A kũ bɛa biikoo lɛ ganaa, a da kaa pelo lɛ, ǹ nə́ masɛ toa walan, ǹ nə́ dí nyɛɛ lawa kɔsɔn manɛ. Ǹ sii mɛn zɛnaa masɛ nɛ, a din lɛ n ke ǹ tá zɛnɛɛ n dɔ nɛ.