Samayeli1 7:10 - LAWA A BOO SONBORE

¹⁰ A Samayeli toa wúlu màn lɛ tiɛ̃, Filisiti minin lɛn nə́ n wɔlɔ kunu kɔ Izirayeli minin ganaa ka zia nɛ. Sɛnɛ bɛa pinaa kɛ lɛ nɛ, Dɛnaa Lawa yoo Filisiti minin lɛn gialaa ka la a paraa gole ne. Á nyɛ́ɛ da ǹ ganaa, Izirayeli minin lɛn nə́ boo ǹ la.

LAWA A BOO SONBORE 2011

¹⁰ A Samayeli toa wúlu màn lɛ tiɛ̃, Filisiti minin lɛn nə́ n wɔlɔ kunu kɔ Izirayeli minin ganaa ka zia nɛ. Sɛnɛ bɛa pinaa kɛ lɛ nɛ, Dɛnaa Lawa yoo Filisiti minin lɛn gialaa ka la a paraa gole ne. Á nyɛ́ɛ da ǹ ganaa, Izirayeli minin lɛn nə́ boo ǹ la.

Samayeli1 7:10 Iomraidhean Croise

Loen 18:15

Á kiɛ kaã bɔ, á zɔ́ɔn kɛn pɛsɛ̃, á paparaa, á ǹ sasawaa.

Loen 29:3

Dɛnaa Lawa lɛn tá boe mu la, Lawa guguru lɛ á gini mu la, Dɛnaa Lawa din nə kɔ̀ mu dadaran kɛn mìi la.

Loen 29:4

Dɛnaa Lawa lɛn lɛ n kaka, Dɛnaa Lawa lɛn lɛ n gole.

Loen 78:66

Á kɔ zɔ́ɔn kɛn kio lɛ á ǹ dɛ, á sìi da ǹ ganaa, sìi mɛn bɛ́ a nyɛɛ duduu wa.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Timəə dí-pɛn 28:7

Bɛ̀ kaa zɔ́ɔn nə́ yoo ka gialaa, Dɛnaa Lawa á re toɛ ka boo ǹ la. Bɛ̀ ǹ nə́ kɔ zii goon lɛ ǹ nə́ daa ka gialaa, ǹ tá re sasawɛɛ ǹ zii sɔbaa saa, ǹ nə́ baa sii ka nyɛɛnɛ.

Zozoe 10:10

Dɛnaa Lawa baa da ǹ gòã li Izirayeli minin lɛn nyɛɛnɛ, á bɔ̀n gole da ǹ ganaa kunu Gabawɔ̃ kiwi li. Á ǹ loo miɛ̃, á Bɛti-Ɔrɔn kele a dii ǹ zii kɛ saa ǹ nɛ. Á saa Azekaa ganaa á ǹ dɛ yǎa Makedaa.

Sii yɔrɔ-bɔlen 4:15

Dɛnaa Lawa mɛ a nyɛɛnɛ, á baa da Sizeraa gòã li, kɔnlɛ ka a ziabaa ǹ wotoron lɛn tumaa laanka a zia-baalin lɛn tumaa nɛ. Sizeraa din gisĩ á n bɔ a ziabaa ǹ wotoro la, á baa si ka a gòã nɛ.

Sii yɔrɔ-bɔlen 5:20

Lon a leeren dɔn nə́ zia baa. Ǹ nə́ n toa ǹ kiɛ̃ ǹ zii la ǹ nə́ zia baa Sizeraa ganaa.

Sii yɔrɔ-bɔlen 5:8

Maǹ nə́ goã lawa tiin boe, bɛ lɛ nɛ, zia goã yui ǹ ganaa. Izirayeli giĩ duu pusi bii, á kaka n goóro laanka sɛmiɛ̃ yɛ ǹ gɔn.

Samayeli1 12:17

Táa *belee kurii biikoo n ka kɛ-n sisia? Masɛ n die Dɛnaa Lawa nyankoe. Á re die ka la a paraa laanka la nɛ. Bɛ̀ bɛ nə́ n zɛnaa, ka tɔn dɔ̃ kəni mà ka nɔ̀n mɛn da Dɛnaa Lawa la ka kii-n ke, sii baraa gole ne, ka zɛnaa Dɛnaa Lawa yii li.

Samayeli1 14:15

Nyɛ́ɛ wɔ Filisiti minin sɔraasin giã ǹ bǎã nɛ ka ǹ kiwin ni. Nyɛ́ɛ zaman lɛ tumaa kũ. Sɔraasin mɛnɛn nə goã giã-n bǎã lɛ nɛ ka ǹ mɛnɛn dɔn nə soo ǹ nə́ woo basaã kɔ, nyɛ́ɛ nə́ ǹ tumaa kũ. Tán bìn da. Lawa na á nyɛ́ɛ gole da ǹ ganaa.

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»

Samayeli1 7:11

Izirayeli minin lɛn nə́ soo Misipaa, ǹ nə́ Filisiti minin lɛn kio loo, ǹ nə́ ǹ dɛ miɛ̃ yǎa ǹ nə́ diri Bɛti-Kaara la.