Samayeli1 6:5 - LAWA A BOO SONBORE

⁵ Ka nyínin zɛnaa kaa gɔ̀nɔn kokoree busu lɛ a kɔnboe lɛa. Kɛ́nɛn mɛnɛn dɔn nə́ goã bɔ̀n diɛ kaa gána lɛ-a, ka bɛn dɔn nyín zɛnaa ka gugurubaa kɔ Izirayeli a Lawa la: Kɔntan, á die kaa dɔlɔ bɔma-a lɛ diɛ, ka dinin ni, kaa dìn ni ka kaa gána nɛ.

LAWA A BOO SONBORE 2011

⁵ Ka nyínin zɛnaa kaa gɔ̀nɔn kokoree busu lɛ a kɔnboe lɛa. Kɛ́nɛn mɛnɛn dɔn nə́ goã bɔ̀n diɛ kaa gána lɛ-a, ka bɛn dɔn nyín zɛnaa ka gugurubaa kɔ Izirayeli a Lawa la: Kɔntan, á die kaa dɔlɔ bɔma-a lɛ diɛ, ka dinin ni, kaa dìn ni ka kaa gána nɛ.

Samayeli1 6:5 Iomraidhean Croise

KZS1 16:28

Kanaa a tɔrɔn lɛn, ka da zín kɔ Dɛnaa Lawa la. Ka golee li, mà gugurubaa laanka pàã n Dɛnaa Lawa lɛ wɔ lɛa.

KZS1 16:29

Ka golee li, mà gugurubaa lɛ na a din tɔ wɔ lɛa. Ka da ka kaa Lawa gɔ ǹ mànan nɛ, ka wɔ a kion lɛ a sumu-n. Bɛ̀ Dɛnaa Lawa ná a sonborebaa a la yii-n kɛ nyã, ka tumaa kaa tán a yɔrɔ-a.

Loen 18:44

Ń ma kanbaa zaman kɛa kɔn lɛ babaã ganaa. Ń ma koa tɔrɔn mìi la, tɔrɔn mɛnɛn dinin bɛ́ ma a ǹ doɛ̃ wa, ń ma koa bɛn mìi la.

Loen 32:4

A giala, penleen laanka tèlò ne, má n gɔn lɛ yɛ, ma gɔ̀nɔn mu dama ka taãlan gòɛ̃ nɛ. *Doa.

Loen 39:10

Sisia kəni, masɛ nə́ n lɛ tã, ma a n lɛ buĩ doo wa. A giala, n din nə die n wɔ nyɛɛ.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Bɔ bɛ̀rɛbaa nɛ 12:12

Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa.

Bɔ bɛ̀rɛbaa nɛ 8:17

Bɛ̀ n toa maa zaman lɛ woo wa, man die nyuun sɔn-dɔlen diɛ n la, ka n kiodɛnan nɛ, ka n gána minin ni. Ǹ tá re n kionən piɛ̃, ka Ezipti gána minin kionən ne, haalɛ ka bɛ́ tán mɛn la, bɛ lɛ dɔ din tá re piɛ̃ ǹ nɛ.

Bɔ bɛ̀rɛbaa nɛ 8:24

Faarahɔn pɛ: «Ma á re toɛ ka wo wúlu màn lɛ bɔ, ka kɔ kaa Dɛnaa Lawa lɛ la don bii. Sɛnɛ, sii goon toto n ke, ka baran wo sɔsɔɔ wa dɛ! Ka Lawa nyankɔ maa lɛa.»

Bɔ bɛ̀rɛbaa nɛ 8:5

Muizu pɛ Faarahɔn nɛ kɛnɛn: «N din nə Lawa nyankɔ ǹ biikoo lɛ bɔ, ma boo la ma Lawa nyankɔ n lɛa, ka n kiodɛnan nɛ ka n gána minin tumaa nɛ, màn mɛn bɛ́ toɛ, a sɔmɔnɔn lɛn papaã a ǹ bɔ ka ganaa, a ǹ bɔ kaa kionən ne, ǹ gialakun dinsɔɔ̃ boo la ǹ goã tà mu li.»

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 42:12

Dɛnaa Lawa tɔ nə n bɔ, mu gánan mɛnɛn da bii, bɛn na a tɔ bɔ ka lɛn gole ne.

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zowɛli 2:25

Bisin nɛ muən ne, bisin tenən ne, bisin dadaran laanka tangiəə̃nən ne, kɛn lɛn má ǹ dia die ka gialaa, gigiã ka sɔraasin bɛ́ lɔn, bɛn nə basaã mɛn kɔ ka nɛ, lɛ̀ damata gɔ́ɔ̃ nɛ ma á re bɛ dòo sarɛɛ.

Zonaasi 3:9

Min ba boe sii la wa, kɔntan, Lawa bɛ́ mà a n die dɔlɔ mɛn boe, á re wusii ka a kio ne, a ba wɔ dii wa. Bɛ̀ á n baa miɛ̃, wɔ a re bɔ̀n biɛ wa.

Malakii 2:2

Ka n too kɔ ma lon, ka n doa gugurubaa mɛn bɛ́ maa wɔ lɛa ka bɛ kɔ ma la. Bɛ bie wa, ma á re lɛn baraa bíi ka li, ma yii-nyɛɛ mɛn lɛ kɔ ka la ma á re bɔyɛɛ ma baa lɛn baraa lɛa ka ganaa. Hiĩ, a giala kaa sii kɔn kuĩ ka ka parasii-n wa.

Minin nimi 33:4

Bɛ á zɛnɛɛ, bɛ̀ Ezipti minin lɛn sɛn tá a gialaa ǹ nɛgiĩ bibinaan gere bĩ. Dɛnaa Lawa na á bɛa nɛgiĩ bibinaan lɛn tumaa dɛ, á dɔlɔ bɔ Ezipti minin lɛn dìn ganaa nɛ.

Zaã a sɛ́wɔ 9:24

Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.

Sii-nyaan 14:7

Á goã pii ka a lɛn gole-n kɛnɛn: «Ka nyɛ́ɛ baa Lawa nɛ, ka a guguru kɔ! A giala, a kiri wɔ minbuiinin ganaa biikoo dɔ. Lawa mɛn lon zɛnaa, ka tán nɛ, ka yìsi mu gole ne, ka mu yalan nɛ, ka bɛ guguru kɔ.»

Sii-nyaan 16:9

Tɛ fuu gole bɛ́ á minbuiinin tã, Lawa mɛn bɛ́ koe kɛ a bɔ ǹ pàã ná a lon, ǹ nə́ n tã la, ǹ nə́ sɔ kiɛ la, ǹ wusoo ǹ sii-zɛnaan kio ǹ nə́ gugurubaa kɔ Lawa la duduu wa.

Samayeli1 5:11

Ǹ lɛ dɔ Filisiti minin kiin tumaa ganaa mà ǹ da n lɛ sɔkɔn. Ǹ nə́ pɛ: «Ka Izirayeli a Lawa a goo lɛ dia a bɔ ǹ bǎã nɛ, ń giɛ a ba wɔsɛn bɔ̀n biɛ wa, wɔsɛn laanka wɔa zaman nɛ.» Nyɛ́ɛ na á goã ka a daa a kiwi minin lɛn tumaa dɛ, a giala, Lawa dɔlɔ baraa bɔ a minin ganaa.

Samayeli1 5:9

Sɛnɛ goo lɛ a dɔ kio, Dɛnaa Lawa baraa kɔ kiwi lɛ ganaa, bɛ́ nyɛ́ɛ da kiwi lɛ ganaa parsiini. Lawa gɔ̀nɔn kokoree busu da kiwi lɛ a minin ganaa, nɛnyaanan laanka min golen ne.

Samayeli1 6:8

Ka die ka Dɛnaa Lawa a goo lɛ saa ka da wotoro lɛ la. Ka bɛ́ re sana mànan mɛnɛn koe la sii baraa sawaa ǹ wɔn lɛa, ka ǹ kaa goo boɛɛn nɛ, ka da goo lɛ genli ka tɔn toa a woo.