Samayeli1 3:20 - LAWA A BOO SONBORE

²⁰ A saa Dan kiwi ganaa a wo Bɛɛr-Sebaa yaa, Izirayeli minin tumaa dɔ̃ mà ǹ nə́ Samayeli koa Dɛnaa Lawa a boo gii-dali lɛa.

LAWA A BOO SONBORE 2011

²⁰ A saa Dan kiwi ganaa a wo Bɛɛr-Sebaa yaa, Izirayeli minin tumaa dɔ̃ mà ǹ nə́ Samayeli koa Dɛnaa Lawa a boo gii-dali lɛa.

Samayeli1 3:20 Iomraidhean Croise

Samayeli2 17:11

Sɛnɛ, ma bɛ́ yiri mɛn koe n la, bɛ n ka kɛ nɛ: Izirayeli minin lɛn, gigiã ka kɔ̀ mu lɛ-a ǹ nyɔɔsɔ̃ bɛ́ lɔn, a saa Dan kiwi ganaa gɔsɛ a lɛ̀gɔn la a wo Bɛɛr-Sebaa yaa, gusin a lɛ̀gɔn la, ǹ tumaa da n sɔkɔn n din li, n dinmaa tɔ wɔ ǹ nyɛɛnɛ, n wo zia lɛ la.

Samayeli2 3:10

Dɛnaa Lawa na á pɛ kɛnɛn: «Man die kiibaa lɛ sii Sayulu a kion minin la, ma Davida koa kii lɛa Izirayeli laanka Zudaa mìi la, a saa Dan ganaa gɔsɛ a lɛ̀gɔn la a wo Bɛɛr-Sebaa yaa gusin a lɛ̀gɔn la.»

Ezekieli 33:33

Ma màn mɛn pɛ, bɛ á re n zɛnɛɛ, a sàabiɛ wa. Ǹ tá re doɛ̃ bɛa biikoo li, mà Lawa a boo gii-dali n ka giĩ kɛ lɛ nɛ, á goã kun ka ǹsɛn nɛ.

Amɔɔsi 2:11

Má kaa nɛnyaanan kɔnɔn dɔn dinin bɔ maa boo gii-dalin lɛa, má kaa tɔntɔraa tenən kɔnɔn bɔ, din-kɔlen lɛa, maa dí kɛa lɛa. A n zɛnaa miɛ̃ wa, Izirayeli minin lɛn? Masɛ Dɛnaa Lawa n nɔ̀n diɛ ka la!

Nya ǹ dín 13:20

Bɛa sii kɛ lɛ din tumaa na á n zɛnaa, lɛ̀ biɛsii ka posooro (450) miã gɔ́ɔ̃ nɛ. Bɛ kio, Lawa kiri-kurulin koa ǹ mìi la, yǎa á woo dɔ a din a boo gii-dali Samayeli ganaa.

Timəə dí-pɛn 18:21

Kɔntan, ka n die nɔ̀n diɛ ka dinin la kɛnɛn: «Min nə siɛ lɔn a dɔ̃, mà Dɛnaa Lawa bie á boo lɛ da wa?»

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.

Samayeli1 12:11

Dɛnaa Lawa na á tɔ́n Zerubaali dia, Bedan nɛ, ka Zɛftee ka masɛ Samayeli ni. Kaa zɔ́ɔn mɛnɛn bɛ́ ǹ nə́ ka da bii, á ka si bɛn la á ka kaa. Ká giã gána lɛ nɛ, ka yii-nyɛɛ nɛ.