Samayeli1 3:13 - LAWA A BOO SONBORE

¹³ Má pɛ nɛ, máa ma á re dɔlɔ boe a kion ganaa duduu a sã lɛ taman yii. Á goã doɛ̃ mà a nɛnyaanan lɛn man barka boe masɛ Lawa nɛ, sɛnɛ, a na á bɔ ǹ gɔn lɛ-a wa.

LAWA A BOO SONBORE 2011

¹³ Má pɛ nɛ, máa ma á re dɔlɔ boe a kion ganaa duduu a sã lɛ taman yii. Á goã doɛ̃ mà a nɛnyaanan lɛn man barka boe masɛ Lawa nɛ, sɛnɛ, a na á bɔ ǹ gɔn lɛ-a wa.

Samayeli1 3:13 Iomraidhean Croise

Kiin1 1:6

Adoniya yɛ tán nɛ lɛa lɔn, ǹ di bin na a zɛ̀rɛ baa ǹ kɔn pinaa á pɛ nɛ mà wàa na á baa a tá kɛ biɛ kɛnɛn ka kɛnɛn wa. Ka bɛ dɔ nɛ, á goã siĩn parsiini. Abusalɔn goã zizi ni.

Kiin1 2:44

Bɛ kio, kii lɛ pɛ Simeyii ni: «N sii baraa mɛn tumaa zɛnaa ma di Davida nɛ, n din tá bɛ doɛ̃ n foo ne. Dɛnaa Lawa n die dɔlɔ boe n ganaa n baraabaa lɛ taman yii.

KZS2 20:12

Wɔa Lawa, n din ba re bɛa kiri kuri wɔa lɛa wa? Wɔ pàã á kiɛɛrɛ sɔraasi kuru damata kɛ ganaa die wɔ gialaa ka zia nɛ. Wɔ bɛ́ re n biɛ lɔn, wɔ a doɛ̃ wa. Bɛ lɛ nɛ, wɔ yii n doa nɛ n din la.

Suusun 19:18

N nɛnyaan doroo a kɔnpɛ ka a doroo biikoo ne. Sɛnɛ n foo yoo gɔ́ɔ̃ nɛ, n nyan nə ǹ dɛ n nə ǹ koa gɛ̀ li wa.

Suusun 29:15

Mandɛ ka sɛ̀-pɛma-a n yiri koe min la. Sɛnɛ nɛnyaan mɛn bɛ́ ǹ ba n gɔn diɛ a ganaa wa, a n sìi diɛ ǹ dan ganaa.

Boo-laakalaali 7:22

A giala n tá doɛ̃ n din gɔ́ɔ̃ nɛ, mà gunyin gigiã, mà nsɛ dɔ lɛn baraa bíi min kɔsɔn li.

Ezekieli 18:30

Bɛ lɛ na á toa, Izirayeli tɔrɔn lɛn, ma á re kiri kuri didie la a kɔnpɛ ka a nya ǹ dín ni. Ma din Dɛnaa Lawa a da ǹ boo ne. Ka kaa giã ǹ gɔn bɔyaa, ka kaa zɛnaa ǹ sii baraan kɛn kaa, bɛ n die toɛ, ka nyan mɛnaa sii baraa n doo wa.

Ezekieli 7:3

Sisia kəni, kaa wɔ nya. Man die die ka gialaa ka ma foo ne, ma kiri kuru ka la a kɔnpɛ ka kaa zɛnaa ǹ siin ni, ma kaa sii bɔbɔnɛɛn kɛn tumaa a dɔlɔ da ka mìi ni.

Matiə 10:37

Min mɛn bɛ́ ǹ di hinlaa ǹ dan narɛ á la masɛ nɛ, bɛa dɛnaa doamaa bie ka masɛ-n wa; min mɛn bɛ́ a nɛgiĩ hinlaa a nɛlɔ narɛ á la masɛ nɛ, bɛa dɛnaa doamaa bie ka masɛ-n wa.

Timəə dí-pɛn 17:12

Sɛnɛ, giĩ mɛn bɛ́ re din gole kɔ ǹ sii zɛnɛɛ, a ná a ba n too koe wúlu-bɔle lɛ a boo li wa, ǹ mɛn lɛ bɛ́ golee ne Lawa a bǎã sonbore kɛ nɛ, dí nyɛɛ kaa Lawa, Dɛnaa Lawa nɛ, a ná a ba n too koe sii yɔrɔ-bɔle kɛ dɔ a boo li wa, ka bɛa giĩ lɛ dɛ a gã. Bɛ á re toɛ ka sii baraa bɔ ka bɔ Izirayeli minin bii.

Timəə dí-pɛn 21:18

Bɛ̀ nɛgiĩ too kaka-a piã wole ta giĩ mɛn lon, haalɛ ta ǹ di laanka ǹ dan dɛ, a ná a ba n too koe ǹ boo li wa,

Zaã1 3:20

Taãn nɛ, bɛ̀ wɔ gɔ́ɔ̃ á wɔ zɛ̀rɛ biɛ, wɔ á doɛ̃ wáa Lawa á gole á la wɔ gɔ́ɔ̃gɔ́ɔ̃ ǹ wɔ kɛ nɛ, wáa á màn tumaa dɔ doɛ̃.

Samayeli1 2:12

Yiili a nɛgiĩn lɛn man nə́ goã min gɛsɛn lɛa, ǹ goã Dɛnaa Lawa doɛ̃ wa.

Samayeli1 2:17

Nɛ tenən lɛn sii baraa gole kɔ parsiini Dɛnaa Lawa yɔrɔ-a, a giala, ǹ nə́ goã barka boe Dɛnaa Lawa a wúlu màn lɛ nɛ.