Samayeli1 27:8 - LAWA A BOO SONBORE

⁸ Davida laanka a minin nə́ goã nɛn bɛ̀ ǹ soo ǹ wo zia da Gesuuru minin ganaa ka Girizii minin laanka Amalɛki tɔrɔn nɛ. A giala, bɛa tɔrɔn kɛn lɛn man giã nɛ gána lɛ nɛ, haalɛ bibi, a kũ dia-n woe Suuru ganaa yǎa a die doe Ezipti gána nɛ.

LAWA A BOO SONBORE 2011

⁸ Davida laanka a minin nə́ goã nɛn bɛ̀ ǹ soo ǹ wo zia da Gesuuru minin ganaa ka Girizii minin laanka Amalɛki tɔrɔn nɛ. A giala, bɛa tɔrɔn kɛn lɛn man giã nɛ gána lɛ nɛ, haalɛ bibi, a kũ dia-n woe Suuru ganaa yǎa a die doe Ezipti gána nɛ.

Samayeli1 27:8 Iomraidhean Croise

Samayeli2 14:23

Zoabu yoo á zii saa, á woo Gesuuru kiwi, á Abusalɔn kũ á daa nɛ Zeruzalɛmu.

Samayeli2 14:32

Abusalɔn tɔ́n pɛ Zoabu ni: «A giala, má goã má lɛ dia n la máa n da kànaa, màn mɛn bɛ́ toɛ, ma n dia woe pii kii ni máa wàa na á baa má bɔ Gesuuru má daa piɛ. Bɛ̀ man tɔn walan, bɛ̀ á soɛ ma ganaa. Kanna, man giɛ li ma kii lɛ yɛ. Bɛ̀ á daa yaa má sii kɔn la, a ma dɛ.»

Samayeli2 15:8

A giala, ma bɛ́ Gesuuru kiwi, Siirii gána nɛ ǹ mɛn waáraa, man má n lɛ kɔ Dɛnaa Lawa la má pɛ: «Bɛ̀ Dɛnaa Lawa wusoo á daa ka masɛ-n Zeruzalɛmu sɛn, ma á re wúlu mànan koe Dɛnaa Lawa la.»

Samayeli2 3:22

Sɛnɛ, boɛɛnɛ, bɛ̀ Zoabu laanka Davida a minin lɛn nə ke boe zia la die ka màn gigiã nɛ. Bɛ á zɛnɛɛ, bɛ̀ Abnɛɛrɛ ba Davida li Ebrɔn doo wa. A giala, Davida toa á woo ka là nyantoro ne.

Samayeli2 3:3

A paabaa ǹ wɔ n ka Kileyabu ni. Abigayili mɛn goã Karmɛli min Naabali a lɔ lɛa, a na á Kileyabu yɛ bɛ ganaa. A sɔɔbaa ǹ wɔ n ka Abusalɔn nɛ. Gesuurun kii Talmayii a nɛlɔ Maakaa n bɛ dan lɛa.

Samayeli2 8:12

Á ǹ kɔn si Siirii minin la, Moabu minin ni, Amɔn tɔrɔn nɛ, Filisiti minin ni, Amalɛki tɔrɔn nɛ. A mànan mɛnɛn dɔn si Rehɔbu a nɛgiĩ Sobaan kii Adadezɛɛrɛ la, á bɛn dɔn kɔ Dɛnaa Lawa la.

KZS1 2:23

Sɛnɛ Gesuurun kii laanka Aramun kii Yayiiri a kiwi bisinin si ǹ nə́ nɔmɔ ǹ ganaa, kɔnlɛ ka Kenaati kiwi laanka a lɛkoro lɛ-a ǹ kiwi bisinin ni. Ǹ kiwi mɛnɛn si ǹ tumaa a kaakun kiwi pɔsɔrɔ. Min mɛnɛn nə goã bɛa kiwin lɛn nɛ, ǹ tumaa n Galaati ǹ di Makiiri tɔrɔ lɛa.

Bɔ bɛ̀rɛbaa nɛ 15:22

Muizu Izirayeli nɛnyaanan lɛn nyɛɛnaa ǹ bɔ. Ǹ nə́ soo ǹ nə́ n bɔ Sawɛɛ tà bǎã nɛ, ǹ nə́ n yɔrɔ dia Suuru a don la. Ǹ nə́ tɔ wɔ lɛawaa sɔɔ don gɔ́ɔ̃ nɛ, ǹ nə́ ǹ ba mu yii wa.

Bɔ bɛ̀rɛbaa nɛ 17:8

Amalɛki minin nə́ daa zia da Izirayeli nɛnyaanan ganaa Refidimu bǎã nɛ.

Minin nimi 13:29

Amalɛki tɔrɔn man giã nɛ a gusin a lɛ̀gɔn la bǎã nɛ, Ɛti tɔrɔn nɛ, Zebuzu tɔrɔn nɛ, ka Amɔɔrɔ tɔrɔn nɛ, bɛn nə́ giã nɛ kele yii kɛ nɛ, Kanaan minin nə́ giã nɛ yìsi mu lɛ-a ka Zurdɛ̃ tà lɛ-a nɛ.»

Minin nimi 14:45

Amalɛki tɔrɔn laanka Kanaan minin mɛnɛn bɛ́ giã-n bɛa kele mìin lɛn nɛ, bɛn nə́ gisĩ, ǹ nə́ Izirayeli minin lɛn dɛ ǹ nə́ ǹ zɔzɔɔ, yǎa Ɔrmaa kiwi.

Zozoe 12:5

A na á goã giã-n Ɛrmɔn kele bǎã kɛ dɔ mìi la, ka Salkaa kiwi ni, ka Basan bǎã kɛ tumaa nɛ, a wo yǎa Gesuuru tɔrɔn kɛn laanka Makaati tɔrɔn kɛn gèlè la, a wo kaa Ɛsibɔn kii Sihɔn kɛa bǎã a talɛɛ lɛ Galaati gána nɛ.

Zozoe 13:13

Sɛnɛ, Izirayeli minin lɛn nə Gesuuru minin kɛn laanka Maakaa tɔrɔn kɛn loo wa. Bɛ lɛ n ke, Gesuuru minin lɛn laanka Maakaa tɔrɔn lɛn nə́ giã Izirayeli minin lɛn bii, yǎa á daa kaa pelo lɛawaa kɛ lɛ.

Zozoe 13:2

Gána lɛ a paǹ mɛn goã, bɛ n ka kɛ nɛ: Filisiti minin bǎãn kɛn tumaa ka Gesuuru tɔrɔn kɛn bǎã tumaa nɛ.

Zozoe 16:10

Kanaan minin mɛnɛn nə goã giã-n Gezɛɛrɛ, ǹ bɛn loo wa. Bɛ lɛ n ke, Kanaan minin lɛn nə́ giã Efrayimu minin lɛn bii yǎa á daa kaa pelo lɛ. Sɛnɛ, maǹ nə́ ǹ kaa pàã dí ganaa.

Sii yɔrɔ-bɔlen 1:29

Kanaan minin mɛnɛn nə goã giã-n Gezɛɛrɛ, Efrayimu tɔrɔn nə bɛn loo wa. Kanaan minin lɛn nə́ nɔmaa ǹ nə́ giã Gɛzɛrɛ, Efrayimu tɔrɔn lɛn bii.

Samayeli1 29:6

Akiisi lɛ dia Davida la, á pɛ-n kɛnɛn: «Ka Dɛnaa Lawa Yiikoonaa lɛ tɔ nɛ, n tá min pepere lɛa. N tá kɔɔ̃n masɛ ganaa, ma n yɛ woe zia biɛ kun ka ma nɛ. A giala, a kũ n da masɛ li lɛ ganaa, a da kaa pelo lɛ, masɛ zɛ̀rɛbaa ǹ bǎã yɛ n ganaa wa, sɛnɛ, n ba kɔɔ̃n masɛ miã kiin lɛn ganaa wa.

Samayeli1 30:1

Lɛawaa sɔɔ bɛ kio, Davida laanka a minin nə́ dɔ Siklagi kiwi. Bɛ́ dɔ daa yaa, bɛ̀ Amalɛki tɔrɔn nə́ daa soo Zudaa gána a gusin a lɛ̀gɔn la, ǹ nə́ kɔ Siklagi kiwi lɛ ka zia nɛ. Ǹ nə́ bɔ̀n da a ganaa, ǹ nə́ tɛ da a ganaa.