Samayeli1 27:1 - LAWA A BOO SONBORE

¹ Davida taasɛ a din gɔ́ɔ̃-n kɛnɛn: «Ta á n baa lɔn, masɛ á re bɔ̀n biɛ Sayulu gɔn ǹ kɔn pinaa. Màn kɔn din ba soɛ masɛ ganaa, á dɔ maa baa si a wo Filisiti minin gána-n li wa. Bɛ̀ á n baa miɛ̃, Sayulu á re masɛ a gamali lɛ diɛ, Izirayeli gána kuturu ni, bɛ á re n biɛ maa la lɛa Sayulu la.»

LAWA A BOO SONBORE 2011

¹ Davida taasɛ a din gɔ́ɔ̃-n kɛnɛn: «Ta á n baa lɔn, masɛ á re bɔ̀n biɛ Sayulu gɔn ǹ kɔn pinaa. Màn kɔn din ba soɛ masɛ ganaa, á dɔ maa baa si a wo Filisiti minin gána-n li wa. Bɛ̀ á n baa miɛ̃, Sayulu á re masɛ a gamali lɛ diɛ, Izirayeli gána kuturu ni, bɛ á re n biɛ maa la lɛa Sayulu la.»

Samayeli1 27:1 Iomraidhean Croise

Kiin1 12:26

Zeroboamu taasɛ a din gɔ́ɔ̃ nɛ mà sii kɛ bɛ́ gòã mɛn ganaa, mà kiibaa lɛ á boe la a wusoo a dɔ Davida a minin ganaa.

Kiin1 12:28

Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»

Kiin1 19:3

Yilii bɛ́ á yɛ miɛ̃, á yoo á ga la ǹ wɔlɔ li. Á ná a dí-nyali kũ, ǹ nə́ woo Bɛɛr-Sebaa kiwi, Zudaa gána nɛ. Ǹ bɛ́ ǹ nə́ dɔ walan, Yilii ná a dí-nyali lɛ toa walan.

KZS2 25:17

Zudaan kii Amasiya nɔ̀n da ka min kɔsɔn taasiɛ nɛ. Á tɔn minin dia Izirayelin kii Zoasi li, ke Zoakazi a nɛgiĩ lɛa, Zewu a nɔ̀ɔn lɛa, mà ǹ pɛ nɛ: «Daa wɔ golee kɔn yɔrɔ-a wɔ zia baa.»

Loen 55:7

Bɛ lɛ nɛ má pɛ, máa bɛ̀ wuruun nyàa kan man ma lon! Bɛ̀ man die piɛ̃, ma ga susu ǹ bǎã li.

Bɔ bɛ̀rɛbaa nɛ 14:12

Táa wɔ pɛ n nɛ gána lɛ-n walan, wáa n toa wɔ dí nya Ezipti minin lɛn manɛ! Wɔa dí nya Ezipti minin lɛn ma-n tá soɛ wɔ ganaa gã don bii kɛ nɛ.»

Suusun 13:12

Bɛ̀ min nə n yii da màn la á belebɔ nɛ, a foo n ziziɛ̃. Sɛnɛ, n yiri bɛ́ màn mɛn ganaa, bɛ̀ n bɛ yɛ, a n goon ka yiikoonaabaa da nɛ.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Minin nimi 14:3

Wàa na á baa Dɛnaa Lawa á woe ka wɔsɛn nɛ bɛa gána kɛ miã nɛ, zia bɛ́ re wɔ bii bǎã mɛn nɛ? Maǹ die wɔa lɔn laanka wɔa nɛnyaanan kuĩ. A ba soɛ wɔ ganaa, wɔ n bɔyaa wɔ wo Ezipti gána-n wa?»

Matiə 14:31

A din bǎã-n gɔrɔ Yezu nə́ n gɔn dia á kũ. Á tɔ́n pɛ nɛ: «N golee Lawa li á kiɛɛrɛ dɛ! Wàa na á baa n foo biɛ na?»

Marki 4:40

Yezu tɔ́n pɛ a kialandɛnan lɛn manɛ: «Wàa na á baa ka á nyɛ́ɛ biɛ? Goleemali ba ka lon haalɛ tɔn pelo wa?»

Korɛnti2 7:5

Haalɛ ma bɛ́ má dɔ Masedoanɛ gána nɛ, ma susui yɛ ka duduu wa. Sii kakan nə́ ma yɛ paǹ din tumaa ganaa: má yɔ bɔ kɔn ka min kɔsɔn nɛ, nyɛ́ɛ n ma foo ne.

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

Samayeli1 16:13

Samayeli nyɔɔ lɛ saa màn bɛn lɛ nɛ á lɔ a ganaa ǹ golon lɛn yɔrɔ-a. Dɛnaa Lawa yiri gisĩ Davida la. A kũ bɛa pinaa kɛ lɛ ganaa, a na á goã Davida la miɛ̃. Bɛ kio, Samayeli zii saa á woo Ramaa.

Samayeli1 20:3

Davida nə́ n liɛ á pɛ doo: «Zonaatan n di lɛ tá doɛ̃ taãn-taãnɛ, mà maa sii á kaka n gɔn. N di lɛ á maa á pɛ a gɔ́ɔ̃ nɛ, mà Zonaatan ba siĩni a bɔ kɛ siére-a wa, màn mɛn bɛ́ toɛ, a foo baran busu wa. Sɛnɛ, Dɛnaa Lawa yii á koo, n dɔ yii á tɔn koo. Bɛa liere banban. Gɛ̀ gɔn dɔ masɛ ganaa á nya.»

Samayeli1 22:5

Lawa a boo gii-dali Gaadi pɛ Davida nɛ: «N baran goã n durii lɛ gɔ́ɔ̃-n wa, kiɛ̃ n nə n ta Zudaa gána nɛ!» Davida kiɛ̃ á woo á dɔ Erɛti daã li.

Samayeli1 23:17

Zonaatan pɛ nɛ: «Nyɛ́ɛ baran n kũ wa. Ma di Sayulu gɔn ba re doe n ganaa wa. N din nə die pàã zɛnɛɛ Izirayeli mìi la, masɛ n die koɛ n la, n kio. Ma di Sayulu dinmaa lɛ tá bɛ doɛ̃, a giala yii li.»

Samayeli1 25:30

Dɛnaa Lawa lɛ-kɔ kɔ̃ɔn mɛn yii wɔ maa dɛnaagiĩ la, Dɛnaa Lawa bɛ́ re bɛ lɛ piɛ̃ ǹ mɛn waáraa, a n die n koɛ Izirayeli a kii lɛa.

Samayeli1 26:19

Maa dɛnaagiĩ kii lɛ die a bǐɛ̃ kɔ sisia, a n too kɔ a bɛrɛgiĩ a boo ganaa. Bɛ̀ Dɛnaa Lawa nə n sɔmɛ n diɛ ma ganaa, Lawa gɔ ǹ màn die a Dɛnaa Lawa foo basã! Sɛnɛ, bɛ̀ minin manə n sɔmɛ n diɛ ma ganaa, bɛn dɛnan wɔ die a ziziɛ̃ Dɛnaa Lawa yɔrɔ-a. A giala, maǹ nə́ ma loo pelo, ǹ nə́ ma bɔ Dɛnaa Lawa a kíɛ̃ ganaa, ǹ nə́ die ma diɛ lawa kɔsɔn guguru kɔ ganaa.

Samayeli1 29:2

Filisiti minin kiin nə́ goã sɔraasi kurun mìi la, n gòã zoɛ̃. Kuru lɛ tɛn nə min paabiɛ, ǹ tɛn dɔ n min duu goon (1 000) Davida laanka a minin man nə́ n gòã zɔɔ̃ nyɔɔbaa kun ka Akiisi ni.

Samayeli1 29:3

Filisiti minin kiin lɛn nə́ n toa: «*Ebrəən kɛn dɔn wɔ giala n ka wàa nɛ?» Akiisi tɔ́n pɛ Filisiti minin kiin lɛn manɛ: «Davida lɛ nɛ. Izirayeli gána a kii Sayulu a dí-nyali kɛ lɛ! A lɛ̀ goon hinlaa a lɛ̀ paa n ke, á n kun ka ma nɛ. A kũ a daa lɛ ganaa, a da kaa pelo lɛ, ma zɛ̀rɛbaa ǹ bǎã yɛ a ganaa wa.»