Samayeli1 26:10 - LAWA A BOO SONBORE

¹⁰ Davida tɔ́n pɛ: «Dɛnaa Lawa yii tá koo! Dɛnaa Lawa din nə die Sayulu dii. Bɛ̀ a tɔ gɛ̀ dɛ a biikoo li wa, a wo zia la, zia bii.

LAWA A BOO SONBORE 2011

¹⁰ Davida tɔ́n pɛ: «Dɛnaa Lawa yii tá koo! Dɛnaa Lawa din nə die Sayulu dii. Bɛ̀ a tɔ gɛ̀ dɛ a biikoo li wa, a wo zia la, zia bii.

Samayeli1 26:10 Iomraidhean Croise

Siin Giala 47:29

A gɛ̀ bɛ́ dirii ǹ mɛn waáraa, a ná a nɛgiĩ Zozɛfu lɛ bíi, á pɛ nɛ: «Bɛ̀ ma sii a kɔɔ̃nɛ n ganaa, n kɔn-narɛɛ laanka n bɔlɔgoondɛnaabaa nyaa ma nɛ. N baran ma gere bĩ Ezipti gána-n wa. N gɔn wɔ ma gisi li, n nyaa, mà ń lɛ kɔ.

Zɔbu 14:14

Bɛ̀ geren yii n wusii á kiɛ, bɛ̀ man die maa dí kaka kɛ tumaa nyɛɛ ma nə́ n yii diɛ, yǎa min die ma gɔn lɛ sii.

Zɔbu 14:5

N bɛ́ ń lɛawaa lɛ koa a tá kanaa la, ń ná a mui lɛ nimi ń koa, ń biikoo koa, a doamaa bie a kiɛ̃ bɛ la wa,

Zɔbu 7:1

Minbuiin nɛ a sii ba a din gɔn wa. Kanaa lɛ á kaka á la yii ni. Minbuiin nɛ na a nɛ ka sɔraasi bɛ́ lɔn. A n ka dí-nyali bɛ́ lɔn.

Loen 37:10

Kànaa ka boɛɛn nɛ, min baraa á re papaɛ̃. Ta n ga li lɔn, n ba re a gòɛ̃ yii wa.

Loen 37:13

Sɛnɛ, Dɛnaa Lawa n yaa we min baraa ganaa, a giala, a yii tá a bɔ̀n baa ǹ lɛawaa ganaa die.

Loen 94:23

Ǹ bɛ́ giɛ baraa mɛn li, maa wɔ paǹ li, wɔa Dɛnaa Lawa lɛ na á ǹ saraa ka bɛ lɛ nɛ. Á ǹ dinin baraabaa lɛ kuməə ǹ mìi ni, á ǹ sàabaa nɛ.

Boo-laakalaali 3:2

Yɛ biikoo tan, gɛ̀-wɔ biikoo tan. Da-zumii biikoo tan, da-woɛ̃ biikoo tan.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Timəə dí-pɛn 31:14

Bɛ kio, Dɛnaa Lawa tɔ́n pɛ Muizu ni: «N gɛ̀ lɛawaa diri. Lɛ dia Zozoe la, ka da kun, kɔn yɛ ka Lawa nɛ ǹ kion kɛ nɛ, man gɔn waa nɛ.» Muizu laanka Zozoe woo kɔn yɛ ǹ kion lɛ nɛ.

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Ebrəə 10:30

Sonbore, Lawa mɛn boo kɛ da, wɔ á bɛ doɛ̃: «Ma din nə gɛ̀ dòo boe, ma din nə dòo sarɛɛ.» Á pɛ doo: «Ma din Dɛnaa á re kiri kuri maa zaman la.»

Ebrəə 9:27

A n minbuiin nɛ gogoonmaa mìi ni, a gã gunyin goon toto, bɛ kio kiri dɔ a ganaa.

Sii-nyaan 18:8

Bɛ lɛ a lɛa nɛ, koen mɛnɛn tumaa bɛ́ a wɔ lɛa, ǹ tá re die kiɛ la pinin goon toto: busu ni, gɛ̀-koa nɛ, bòo ne, ka tɛ mɛn bɛ́ re kuĩ. A giala Dɛnaa Lawa mɛn bɛ́ á kiri wɔ a ganaa, Pàãyiidɛnaa nɛ.

Samayeli1 24:12

Maa díi, ga koɛ, ga n dɔnkɛ lɛkoro ganaa ma gɔn. Màn mɛn toa, má boo la má n dɔnkɛ lɛkoro kuru, má n ma n dɛ dɔn wa, a yɛ n dɔ̃ foaãnɛ, piã laanka sii baraa zɛnaa ba masɛ gɔ́ɔ̃-n wa. A yɛ n dɔ̃ dɔn, mà masɛ sii la n la wa. N din ni zoɛ̃ masɛ nyin li, mà n bɔ.

Samayeli1 24:15

Nsɛ, Izirayeli a kii, ma nə n soo woe die gialaa? Ma n die kio lui? Masɛ din kooro kɛ lɛ. Ma a soɛ gin gere-n wa, ma a soɛ dìwi dɔ-n wa.

Samayeli1 25:26

Dɛnaa Lawa din nə n kurəə, n baran dòo bɔ n zɔ́ɔn ganaa, n nə ǹ dɛ wa. Sisia, Dɛnaa Lawa Yiikoonaa tɔ lɛ taman yii, masɛ n pii n ni, máa n zɔ́ɔn laanka min mɛnɛn yii tumaa bɛ́ giɛ mà ǹ sii baraa zɛnaa n nɛ, dɔlɔ tá re n boe ǹ ganaa ka Naabaali wɔ bɛ́ lɔn.

Samayeli1 25:38

Lɛawaa fù, bɛ kio, Dɛnaa Lawa Naabaali dɛ á gã.

Samayeli1 25:39

Davida ma, mà Naabaali gã, á tɔ́n pɛ: «Barka tá Dɛnaa Lawa ganaa, a giala, Naabaali bɛ́ á ga ma lɛ li, Dɛnaa Lawa din na á bɔ maa lɛ-a, á ná a bɛ̀rɛgiĩ kurəə sii baraa zɛnaa ganaa. Dɛnaa Lawa na á toa Naabaali a baraabaa lɛ kũ a din mìi ni.» Davida minin dia mà ǹ wo pɛ Abigayili ni mà asɛ n giɛ li a saa lɔ lɛa.

Samayeli1 31:4

Sayulu pɛ a ziabaa ǹ mànan-gũli ni: «N gɔya woɛ̃ a kii ni, n masɛ fɔ̃ nɛ, ń giɛ Lawa doɛ̃baã wolen kɛn baran da ma fɔ̃, ǹ sàn kɔ ka ma-n wa.» Sɛnɛ, a ziabaa ǹ mànan-gũli lɛ nə́ n piã, a giala, nyɛ́ɛ goã a ganaa taãn-taãnɛ. Sayulu tɔ́n a din a gɔya saa, á bɔ á n wɔ lɛ tán.

Samayeli1 31:6

Sayulu ni, a nɛgiĩ sɔɔ lɛ nɛ, a ziabaa ǹ mànan-gũli lɛ nɛ, ka a minin tumaa nɛ, ǹ nə́ gã kun bɛa pinaa kɛ lɛ nɛ.