Samayeli1 24:11 - LAWA A BOO SONBORE

¹¹ N yii yɛ pelo dinin, Dɛnaa Lawa nə n wɔ ma gɔn, yala lɛ nɛ. Ǹ nə́ pɛ mà man dɛ, sɛnɛ, n makara na á ma kũ, ma tɔ́n nə n toa: «Ma ba re n gɔn diɛ maa dɛnaagiĩ ganaa wa, a giala, Dɛnaa Lawa na á n bɔ, á n koa.»

LAWA A BOO SONBORE 2011

¹¹ N yii yɛ pelo dinin, Dɛnaa Lawa nə n wɔ ma gɔn, yala lɛ nɛ. Ǹ nə́ pɛ mà man dɛ, sɛnɛ, n makara na á ma kũ, ma tɔ́n nə n toa: «Ma ba re n gɔn diɛ maa dɛnaagiĩ ganaa wa, a giala, Dɛnaa Lawa na á n bɔ, á n koa.»

Samayeli1 24:11 Iomraidhean Croise

Samayeli2 1:14

Davida tɔ́n pɛ nɛ: «Kɛ na á saa lɔn? Dɛnaa Lawa kii mɛn bɔ á koa, wàa na á baa, n nyɛ́ɛ baa bɛa dɛ-n wa?»

Kiin2 5:13

Sɛnɛ Naaman a dí-nyalin nə́ n zɔ̃, ǹ nə́ dɔ, ǹ nə́ n toa a ganaa kɛnɛn: «Díi, bɛ̀ Lawa a boo gii-dali lɛ na á pɛ n nɛ mà n sii zɛnaa sii mɛn nə́ ke a zɛnaa n kaka, a bɛ́ maa bɛ̀ n ba bɛ zɛnɛɛ wa? Sanparɛ a bɛ́ mà n nə n zoo kooro mà n tá re yoreen koe.»

Zɔbu 10:16

Bɛ̀ má n mìi saa lon lɔn gɔrɔ, ma n ma lui ka yàra bɛ́ min lui lɔn, ma n ma yɔyɔrɛ ka n pàã gole kɛ nɛ.

Loen 119:161

KIIN man fuu nyɛɛ ma nɛ, mìi ba la wa. Man nyɛ́ɛ biɛ n boon kɛn dininsɔɔ̃nɔn manɛ.

Loen 140:11

Toa tɛ nàn nə kaa ǹ la, ǹ nyɛnaa ǹ nə ǹ zũ tɛ-n, n nə ǹ zũ nyankɔrɔ zuzulu kɛ nɛ, ǹ baran boo la ǹ soo duduu wa.

Loen 35:7

Ǹ nə́ yala fɔ̃, ǹ nə́ kan koa ma nɛ kooro, maǹ nə́ fɔ̃, ǹ nə́ giɛ mà ǹ ma nyin bɔ kooro.

Loen 59:3

Ma si sii baraa-zɛnaalin kɛn la, n ma kirisibaa mà-kaali bɔbɔnɛɛn kɛn-a.

Loen 7:5

bɛ̀ má baraa zɛnaa maa tá kun wole ne, min mɛn bɛ́ giɛ ma lɛ li kooro, bɛ̀ má bɛ gɔn mànan goa,

Suusun 15:1

Lɛ si ka bɔlɔ kɔɔ̃n nɛ n foo wɛɛ. Sɛnɛ, boo baraa n foo diɛ yoo ganaa.

Busii pɛ 4:18

Maǹ gɔn diɛ wɔ ganaa, wɔ a boe la wɔ á n gòan boe kɔn doɛ̃ wa. Wɔa gɔn nyɔmɔɔ dɔ. Wɔa lɛawaa dɔ, wɔa wɔ nya.

Ezekieli 13:18

n pɛ: Masɛ Dɛnaa Lawa n kɛ pii: Bɔ̀n tá re ka yii. A giala, ka n mɔnaa gɔnɔn zɛnɛɛ, ka n kiɛ min tumaa gɔn wìi-a, ka n pataran zɛnɛɛ, mà min tumaa bɛ kɔ a mìi lɛ, màn mɛn bɛ́ toɛ ka gɔn dɔ ǹ telenboenen ganaa. Ka n giɛ li ka maa zaman kɛa minin telenboenen kũ, ka dinin telenboenen kɛn, ka bɛn tamaa. Bɛ giala n ka wàa nɛ?

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Zaã a sɛ́wɔ 15:25

Boo mɛn nə n kiɛ̃ ǹ landa sɛ́wɔ nɛ, a na á kaa bɛ lɛ: «Ǹ nə́ ma baa zɔ́ɔ kooro.»

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»

Samayeli1 18:27

Davida bɔ á mɛ zii la á woo ka a minin ni. Á min biɛpaa (200) dɛ Filisiti minin lɛn bii. Davida daa ka ǹ giulun lɛpiin ni, ǹ ná a lɛ-piɛ̃ kɔ kii lɛ nɛ, màn mɛn bɛ́ toɛ Davida kii lɛ daãgiĩ baa. Sayulu tɔ́n na a nɛlɔ Mikaali kɔ Davida la lɔ lɛa.

Samayeli1 23:14

Davida giã Ziifu diə gole ne, á goã duru ǹ bǎãn nɛ, kele yii ni. Bɛa biikoo kɛ lɛ yii gɔ́ɔ̃ nɛ, Sayulu goã giɛ Davida li, sɛnɛ, Lawa wɔ a gɔn wa.

Samayeli1 23:23

Duru ǹ bǎãn mɛnɛn tumaa bɛ́, á n boe la, a n duru ǹ ni, ka ga bɛn li, ka ǹ dɔ̃. Bɛ̀ ka waa la ǹ mɛn waáraa, ka n bɔyaa ka da bɔ masɛ li, ma á die woe kun ka nɛ. Bɛ̀ a ta gána lɛ nɛ, ma á die n yii talɛɛ li sɔnbɔraanɛ Zudaa a tanlɛn tumaa a minin bii, ma yɛ.»

Samayeli1 25:28

Bǐɛ̃ kɔ n nə n bɛ̀rɛlɔ a sã toa nɛ. Dɛnaa Lawa tá re n biɛ kii lɛa, a nə n nɛnyaanan dɔn baa a lɛa, a giala, ń zian da, Dɛnaa Lawa a lɛa. N yiikoonaabaa tumaa gɔ́ɔ̃ nɛ, min baran baraa yɛ n paǹ li wa.

Samayeli1 26:18

Davida tɔ́n nɔ̀n da kɛnɛn: «Wàa na á baa maa dɛnaagiĩ tá a bɛ̀rɛgiĩ kio lui? Man má wàa sii la kəni? Wàa sii baraa-n ma gòɛ̃ nɛ?

Samayeli1 26:20

Sisia, ma ba li, ma gã bǎã kɔsɔ nɛ ma wɔlɔ n sɔsɔɔ Dɛnaa Lawa ganaa wa. A giala, masɛ din dìwi kooro kɛ lɛ, Izirayeli a kii na á soo á n giɛ ma li a n ma lui, ka ǹ bɛ́ dɔɔn lui kele yii-n lɔn.»

Samayeli1 26:23

Dɛnaa Lawa die a didie saraa a kɔnpɛ ka a peperebaa laanka a bɔlɔgoondɛnaabaa nɛ. Dɛnaa Lawa na á goã á n wɔ ma gɔn pelo, sɛnɛ, Dɛnaa Lawa min mɛn bɔ á koa, má n piã, man gɔn da bɛ ganaa wa.