Samayeli1 23:9 - LAWA A BOO SONBORE

⁹ Davida bɔ a siére-a, mà Sayulu n sii baraa yɔrɔ boe asɛ taman yii. Á tɔ́n pɛ Lawa a wúlu-bɔle Abiataara nɛ: «Da ka Lawa a dí nya ǹ mɔnaa lɛ nɛ.»

LAWA A BOO SONBORE 2011

⁹ Davida bɔ a siére-a, mà Sayulu n sii baraa yɔrɔ boe asɛ taman yii. Á tɔ́n pɛ Lawa a wúlu-bɔle Abiataara nɛ: «Da ka Lawa a dí nya ǹ mɔnaa lɛ nɛ.»

Samayeli1 23:9 Iomraidhean Croise

Kiin1 2:26

Bɛ kio, kii lɛ pɛ Lawa a wúlu-bɔle Abiataara nɛ: «Wo n di-kion Anaatɔti, a giala, n wɔ n ka gɛ̀ nɛ. Sɛnɛ, ma ba re n nyín boe pelo wa, a giala, ń Dɛnaa Lawa a goo lɛ gũ masɛ di Davida yɔrɔ-a, ka bɛ dɔ nɛ, Davida goã á nɔmaa mɛn yii si a ganaa, n dɔ bɛ lɛ yii si n ganaa.»

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Ozee 3:4

A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Minin nimi 27:21

Zozoe lɛ die a goã bɛ̀ a golee Lawa a wúlu-bɔle Eleyazaara kɛ yɔrɔ-a, bɛ̀ a ga a sii giala li Lawa li, ka Lawa dùũ dɔ ǹ mànan kɛn nɛ. Zozoe lɛ laanka Izirayeli zaman lɛ die a Eleyazaara lɛ bɔlɔ si ka sii yii ni.»

Nya ǹ dín 14:6

Sɛnɛ, Pooli laanka Barnabaasi bɛ́ ǹ nə́ bɛa sii kɛ lɛ dɔ̃, ǹ nə́ soo ǹ nə́ baa si ǹ nə́ woo Likawonii gána nɛ, ǹ nə́ wɔ Listrə laanka Dɛrbə kiwi, ka ǹ lɛkoro lɛ-a kiwin ni.

Nya ǹ dín 9:24

Bɛ lɛ nɛ, ǹ nə́ goã kiwi lɛ a kiɛnlɛn lɛduĩ tèlò-n ka penleen ne, màn mɛn bɛ́ toɛ, ǹ dɔ a ganaa ǹ dɛ a gã. Sɛnɛ, Sooli bɔ ǹ sii lɛ siére-a.

Samayeli1 10:22

Ǹ nə́ wusoo ǹ nə́ nɔ̀n da Dɛnaa Lawa la: «Min kɔsɔ tan, ǹ dɛnaa n kànaa?» Dɛnaa Lawa pɛ: «Á ke durii-n tán guĩn genli.»

Samayeli1 14:18

Sayulu pɛ Ayia nɛ: «Dɛnaa Lawa a goo lɛ wɔlɔ kunu kɔ.» A giala, bɛa biikoo lɛ li, Dɛnaa Lawa a goo lɛ goã a tan Izirayeli nɛnyaanan lɛn li.

Samayeli1 22:20

Akiimelɛki lɛ, Ayitubu a nɛ lɛa, bɛa nɛgiĩ goon dinsɔɔ̃ na á la, a gã wa. A tɔ na á goã Abiataara. Á baa si á woo n ti Davida ganaa.

Samayeli1 23:10

Davida pɛ: «Dɛnaa Lawa, Izirayeli a Lawa, má a boo ma, mà a tá Sayulu gɔ́ɔ̃ nɛ, a da Kelaa kiwi bɔ̀n baa masɛ taman yii.

Samayeli1 23:6

Akiimelɛki a nɛgiĩ Abiataara bɛ́ baa sii liɛ, woe Davida li Kelaa kiwi, Lawa a wúlu-bɔlen dí nya ǹ mɔnaa goã a gɔn.

Samayeli1 23:8

Sayulu zia gu da zaman lɛ tumaa ne, mà ǹ wo Kelaa kiwi, ǹ Davida laanka a minin lɛnpɛnɛ.

Samayeli1 30:7

Lawa a wúlu-bɔle Abiataara lɛ, Ayimelɛki a nɛ lɛa, Davida pɛ-n kɛnɛn: «Bǐɛ̃ kɔ n da ka Lawa a dí nya ǹ mànan lɛn nɛ!» Abiataara daa ǹ kɔ Davida la.