Samayeli1 23:1 - LAWA A BOO SONBORE

¹ Ǹ nə́ daa pɛ Davida-n kɛnɛn: «Á ke, Filisiti minin lɛn nə́ daa kɔ Kelaa kiwi lɛ ka zia nɛ. Ǹ nə́ goã ǹ wuru gɔ́ɔ̃ mànan gɔgoɛ ǹ duwəə ǹ bǎã nɛ.»

LAWA A BOO SONBORE 2011

¹ Ǹ nə́ daa pɛ Davida-n kɛnɛn: «Á ke, Filisiti minin lɛn nə́ daa kɔ Kelaa kiwi lɛ ka zia nɛ. Ǹ nə́ goã ǹ wuru gɔ́ɔ̃ mànan gɔgoɛ ǹ duwəə ǹ bǎã nɛ.»

Samayeli1 23:1 Iomraidhean Croise

Lawa a wúlu-bɔlen 26:16

Bɛa biikoo li, masɛ dɔ n die kɛ zɛnɛɛ ka nɛ: Man die toɛ gɔ̀nɔn-woɛ̃ ka kũ, ka pɛrɛ, bɛ lɛ nyɛ́ɛ dɛ a wurəə ka ganaa. Bɛa busun lɛn tá re kaa ga ǹ gɔn ziziɛ̃, ǹ ka pàã nya. Ka màn mɛn da kaa wuru-n, kooro ne. Kaa zɔ́ɔn man die bii.

Misee 6:15

Kasɛn kɛn, ka á re màn diɛ kaa wuru-n, sɛnɛ, ka n ka a re kuri wa. Kasɛn kɛn, ka á re *olivie nyɔɔ boe, sɛnɛ, ka n ka a re loe ka ganaa wa. Ka á re rezɛ̃ mu boe, sɛnɛ, ka n ka a re a duvɛ̃ mii wa.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 28:51

Ǹ tá re kaa tɔɔn kuĩ ǹ nə ǹ si ka la, ka kaa tán-kɔsiɛ mànan nɛ, yǎa bòo ka dii. Kaa *belee ne, kaa duvɛ̃ nɛ, kaa nyɔɔ nɛ, haalɛ kaa diin nɛn, sère nɛn nɛ ka bòe nɛn nɛ, ǹ ba re bɛ kɔn toɛ wa. Maǹ die nɔmiɛ̃ ǹ ka papaã.

Zozoe 15:44

Kiilaa, Akziibu, Maresaa. Bɛn man kiwi dadara manangɔrɔ ka ǹ kiwi bisinin ni.

Sii yɔrɔ-bɔlen 6:11

Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.

Sii yɔrɔ-bɔlen 6:4

Maǹ nə́ goã giɛ̃ Izirayeli minin lɛn li, bɛ̀ ǹ gána lɛ a mànan ziziɛ̃, yǎa ǹ woe doe Gaazaa kiwi. Ǹ goã màn kɔn toɛ Izirayeli gána nɛ bii ǹ màn lɛa wa: Sère bie wa, dii bie wa, dundun bie wa.