Samayeli1 22:3 - LAWA A BOO SONBORE

³ Davida nə́ n toa walan á kiɛ̃, á woo Misipee kiwi, Moabu gána nɛ. Á pɛ Moabu gána a kii-n kɛnɛn: «Bǐɛ̃ kɔ n toa, maa náa laanka maa díi da giã ka li, ǹ goã ka li miɛ̃, yǎa ma doɛ̃ Lawa bɛ́ re sii mɛn zɛnɛɛ ma nɛ.»

LAWA A BOO SONBORE 2011

³ Davida nə́ n toa walan á kiɛ̃, á woo Misipee kiwi, Moabu gána nɛ. Á pɛ Moabu gána a kii-n kɛnɛn: «Bǐɛ̃ kɔ n toa, maa náa laanka maa díi da giã ka li, ǹ goã ka li miɛ̃, yǎa ma doɛ̃ Lawa bɛ́ re sii mɛn zɛnɛɛ ma nɛ.»

Samayeli1 22:3 Iomraidhean Croise

Siin Giala 47:11

Zozɛfu giã ǹ bǎã kɔ ǹ di laanka ǹ dɔɔ̃nɔn lɛn la. Á tán kɔ ǹ la, Ezipti gána lɛ a bǎã sonbore ne, Ramusɛsi kiwi, ka Faarahɔn bɛ́ á pɛ lɔn.

Samayeli2 8:2

Davida boo Moabu minin kɛn dɔn la. A na á goã ǹ kuĩ, bɛ̀ a ǹ naa tán ka pàã nɛ. Bɛ̀ á ǹ nimi min sɔɔ, a n màn paa dii a goon toa walan. Moabu minin lɛn nə́ nɔmaa ǹ nə́ Davida a dí-nyalin baa, ǹ nə́ goã nyin giɔ̀mɔ din sarɛɛ la.

Bɔ bɛ̀rɛbaa nɛ 20:12

- N díi laanka n náa guguru kɔ, màn mɛn bɛ́ toɛ, n nyin sasa yɛ gána kɛ nɛ, n Dɛnaa Lawa din kɔ n la.

Timote1 5:4

Sɛnɛ, bɛ̀ nɛnyaanan tá lɔ giɔɔrɔ mɛn lon, hinlaa ta a nɔ̀ɔnɔn manɛ, bɛn lɛn doamaa nɛ, ǹ nə ǹ kɔ Lawa a zii lɛ nyaa ǹ dinin kion minin man bɔrɔ, ǹ nə ǹ yɛ-wolen gɔn dòo saraa ǹ la. Màn mɛn bɛ́ kɔɔ̃n Lawa ganaa, a din lɛ n ka bɛ nɛ.

Sii yɔrɔ-bɔlen 11:29

Dɛnaa Lawa yiri gisĩ Zɛftee la. Á bɔ Galaati gána nɛ, á woo Manaasee tɔrɔn gána nɛ. Bɛ kio, á woo bɔ Mispee kiwi, Galaati gána nɛ, á n toa walan, á woo Amɔn tɔrɔn lɛn gialaa.

Uruti 4:10

Maalɔn a lɔ Uruti lɛ Moabu tɔrɔ lɛa, masɛ bɛ dɔ saa lɔ lɛa, màn mɛn bɛ́ toɛ, ma woo wole lɛ tɔ koa a gɔn màn la, a tɔ dɔ baran papaã a n bɔ ǹ dɔɔ̃nɔn bii wa, a baran papaã a n bɔ kiwi dɔ a sii yɔrɔ bɔ ǹ bǎã-n wa. Ka dinin man bɛa siéren lɛa pelo.

Uruti 4:17

Lɔn mɛnɛn bɛ́ ǹ miã kɛnɛn lɛa, bɛn nə́ pɛ: «Naomii lɛ nɛgiĩ yɛ kəni!» Ǹ ná a tɔ kɔ mà Obɛdi. A din lɛ na á Davida ǹ di Zesee a díi baa.

Samayeli1 14:47

Sayulu bɛ́ á pàã saa Izirayeli gána nɛ, a goã zɔ́ɔn mɛnɛn tumaa bii, á zia da bɛn ganaa. Á zia da Moabu gána ganaa, á zia da Amɔn tɔrɔn ganaa. Á zia da Edɔmu ganaa. Á zia da Sobaa a kiin ganaa ka Filisiti minin ni. A goã n boyɛɛ bǎã mɛn din tumaa li ka zia nɛ, á goã boe ǹ la.

Samayeli1 22:2

Min mɛnɛn tumaa goã foo ziziɛ̃ gɔ́ɔ̃ nɛ, giɔ̀mɔ goã min mɛnɛn tumaa ganaa, min mɛnɛn tumaa yɔrɔ goã kɔsiɛ nɛ, ǹ nə́ woo kaa kun ka Davida nɛ, á n baa ǹ goledɛnaa lɛa. Ǹ nə́ dɔ min biɛsii (400) kɛ miã kun ni.

Samayeli1 22:4

Davida woo ǹ ne Moabu gána a kii lɛ li. Ǹ nə́ goã kii lɛ li, Davida a durii waáraa lɛ tumaa gɔ́ɔ̃ nɛ.

Samayeli1 3:18

Bɛ kio, Samayeli boo lɛ yii laakalaa nɛ, a ǹ kɔn duru la wa. Elii tɔ́n pɛ: «N din ni Dɛnaa Lawa lɛa, sii mɛn bɛ siĩni n din yii li, n die n bɛ zɛnaa.»