Samayeli1 2:9 - LAWA A BOO SONBORE

⁹ Min mɛnɛn bɛ́ a wɔn lɛa, a n bɛn tamaɛ, sɛnɛ sii baraa-zɛnaalin man papaɛ̃ wɔlɔ tì li. A giala, minbuiin nɛ ba boe la a gɔ̀lɔ̀ baa ka a din pàã-n wa.

LAWA A BOO SONBORE 2011

⁹ Min mɛnɛn bɛ́ a wɔn lɛa, a n bɛn tamaɛ, sɛnɛ sii baraa-zɛnaalin man papaɛ̃ wɔlɔ tì li. A giala, minbuiin nɛ ba boe la a gɔ̀lɔ̀ baa ka a din pàã-n wa.

Samayeli1 2:9 Iomraidhean Croise

Zɔbu 18:18

Maǹ nyɛnɛɛ ǹ bɔ wɔlɔ fúlu li, ǹ da wɔlɔ tì li, maǹ boe ǹ bɔ kanaa kɛ gɔ́ɔ̃ nɛ.

Zɔbu 40:13

Ǹ tumaa kaa tii li yɔrɔ goon la, ǹ tumaa kaa gɛ̀ a kòso-n!

Zɔbu 5:16

Foo-doa tá pàãwɛɛnaa lon, sii kɔkɔrɔ-zɛnaalin sɛn tá re n lɛ tiɛ̃.

Zɔbu 5:24

N tá re là nyantoro yii n kion, n tá re woe boe n tɔɔn zìã nɛ, n wo yaa màn kɔn nə ǹ nyaabaa wa.

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Loen 105:37

Á toa a din a zaman kɛ soo ka wɔrɔ laanka sana nɛ. Min kɔn din gòã talaa a din a tɔrɔ minin kɛn bii wa.

Loen 121:3

Dɛnaa Lawa a toɛ n gòã talaa wa. N lɛduə̃li lɛ a nyuù we wa.

Loen 121:5

Dɛnaa Lawa nə n lɛduə̃li lɛa. Á giã nɛ n li, n koe n lɛ ka da wúlu ni.

Loen 121:8

N woo ne ka n bɔyaa nɛ, Dɛnaa Lawa á re n tamaɛ, a saa kanna ganaa yǎa duduu.

Loen 145:20

Min mɛn tumaa bɛ́ Dɛnaa Lawa narɛ, á re bɛn tamaɛ. Sɛnɛ, á re min baraan kɛn tumaa bɔ̀n biɛ.

Loen 31:17

N din a bɛ̀rɛgiĩ n masɛ nɛ, n yɔrɔ bǐɛ̃ da ma la. N din a kɔn-narɛɛ gole kɛ taman yii, ma kirisibaa.

Loen 37:28

A giala, peperebaa n kɔɔ̃n Dɛnaa Lawa ganaa. Dɛnaa Lawa ba a minin kiɛ wa, a n giɛ ǹ walan baraabaraa. Sɛnɛ, min baraa tɔrɔn kɛn, á re bɛn wɛɛ a ǹ bɔ gána lɛ nɛ.

Loen 94:18

Bɛ̀ má pɛ lɔn gɔrɔ máa man die mɛnɛɛ, n din Dɛnaa Lawa lɛ n die ka kɔn-narɛɛ gole ne, n ma kũ.

Loen 97:10

Kasɛn mɛnɛn bɛ́ Dɛnaa Lawa lɛ narɛ, ka toa ka sii baraa baa zɔ́ɔ. A din lɛ na a wɔ a goleemali wolen nyin tamaɛ. A nə ǹ kanbiɛ min baraan-a.

Suusun 16:9

Minbuiin nɛn manə ǹ zii boe, sɛnɛ, Dɛnaa Lawa n tɔ wɔ bǐɛ̃ koe.

Suusun 2:8

Min mɛnɛn bɛ́ koe a dí-pɛn lɛ, a n bɛn tamɛɛ. Min mɛnɛn bɛ́ bɔlɔgoondɛnan lɛa, a n bɛn zii lɛduĩ.

Suusun 3:26

A giala, Dɛnaa Lawa á re n tamɛɛ, á re n kanbiɛ kan ganaa.

Boo-laakalaali 5:17

Ma màn mɛn yɛ siĩni, bɛ á ke: min nə siĩni, a màn bii, a màn mi. Lawa bɛ́ á lɛawaan mɛnɛn kɔ la kanaa, a bɛ́ dí mɛn tumaa nyɛɛ bɛn gɔ́ɔ̃ nɛ, a bɛ́ màn mɛn tumaa boe bɛ nɛ, a n siĩni, a n nyɛnyɛɛ bɛ la, a giala a wɔ gii n ka bɛ lɛ nɛ.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Izayii 27:3

«Ma din Dɛnaa Lawa n bɛa rezɛ̃ da wuru lɛ a lɛduə̃li lɛa. Man mu kiɛ a ganaa paapaa, ma ń giɛ a walan, penleen ka tèlò, màn mɛn bɛ́ toɛ min kɔn baran baraa zɛnaa-n wa.

Izayii 47:5

Giã tán, n nə n lɛ tã kiĩni Baabilonii kiwi. N duru wɔlɔ tì li. A giala, ǹ ba re n bíi "gánan kii lɔ" doo wa.

Zeremii 8:14

Waa na á baa wɔ á tán kànaa? Ka wɔ n lɛ sɔkɔn wɔa kiwi tamaa wole sonboren kɛn nɛ, wɔ n yii da gɛ̀ la, a giala, wɔa Lawa, Dɛnaa Lawa n zoɛ̃ li a wɔ dɛ. A n wɔ kiɛ sèwò mii ganaa. A giala wɔ n wɔ́ sii baraa zɛnaa nɛ.

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Nahumu 1:8

Sɛnɛ a n die Ninivu yui lenlen ka mu gole ne. A na a zɔ́ɔn papaɛ̃, a nə́ ǹ kiɛ wɔlɔ tì biribiri li.

Sofonii 1:15

Foo-yoo lɛawaa nɛ, bɔ̀n ka nyɛ́ɛ lɛawaa nɛ, ziziɛ̃ nɛ, ka gɛ̀ nɛ, tèlò ka wɔlɔ tì lɛawaa nɛ.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Minin nimi 6:24

«Dɛnaa Lawa die a n dɔ ka lɛ, a ka tamaa.

Matiə 8:12

Sɛnɛ, *Lawa a kiibaa ǹ bǎã lɛ bɛ́ min mɛnɛn kíɛ̃ lɛa, ǹ tá re bɛa dɛnan lui ǹ nə ǹ kaa kanaa wɔlɔ tì biribiri li, ǹ wuu pɛ walan, ǹ sɔ kere bɔ.»

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Timəə dí-pɛn 33:3

Sonbore, Dɛnaa Lawa á minin narɛ, min mɛnɛn bɛ́ a wɔn lɛa, ǹ mɛnɛn bɛ́ woe giɛ̃ tán a li, bɛ̀ ǹ nə n too kɔ a boo li, bɛn lɛn sii na a gɔn.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Piɛrɛ2 2:17

Bɛa minin-daraali soɛ-bɔlen kɛn lɛn man goon ka mu yalan nɛ, mu ba ǹ nɛ wa. Maǹ ka labaran mɛnɛn bɛ́ piɛ̃ nə́ ǹ goɛ kiɛ̃ ǹ nɛ. Nɔmaa ǹ bǎãn mɛnɛn bɛ́ wɔlɔ tì lɛa taãn-taãnɛ, Lawa n bɛn koɛ ǹ nɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Zude 1:13

Bɛa minin kɛn lɛn man ka yìsi mu a bìn-diɛ gàãnaa bɛ́ lɔn, yìsi mu bɛ́ woe lɔn a kaã gɔgɔrɛ toa walan, ǹ nya ǹ dín là n ka ǹ dinin sìi ni. Maǹ goon ka leeren bibiə̃ wolen kɛn nɛ, Lawa na á ǹ koa wɔlɔ tì biribiri kɛ wɔn lɛa yǎa duduu.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.

Samayeli1 25:26

Dɛnaa Lawa din nə n kurəə, n baran dòo bɔ n zɔ́ɔn ganaa, n nə ǹ dɛ wa. Sisia, Dɛnaa Lawa Yiikoonaa tɔ lɛ taman yii, masɛ n pii n ni, máa n zɔ́ɔn laanka min mɛnɛn yii tumaa bɛ́ giɛ mà ǹ sii baraa zɛnaa n nɛ, dɔlɔ tá re n boe ǹ ganaa ka Naabaali wɔ bɛ́ lɔn.