Samayeli1 2:3 - LAWA A BOO SONBORE

³ Ka baran din golee kɔ ǹ boo mɔnaa wa. Ka baran din koa ǹ boo da wa. Lawa mɛn bɛ́ sii-dɔɛ̃, bɛ n ka Dɛnaa Lawa nɛ. A din ni minbuiinin zɛnaa ǹ sii tumaa a kiri kuri.

LAWA A BOO SONBORE 2011

³ Ka baran din golee kɔ ǹ boo mɔnaa wa. Ka baran din koa ǹ boo da wa. Lawa mɛn bɛ́ sii-dɔɛ̃, bɛ n ka Dɛnaa Lawa nɛ. A din ni minbuiinin zɛnaa ǹ sii tumaa a kiri kuri.

Samayeli1 2:3 Iomraidhean Croise

Kiin1 8:39

n too kɔ ǹ lon kəni n giã ǹ bǎã lɛ-n lon. Ǹ zɛ̀rɛn toa ǹ nɛ, n nə n dɔ ǹ lɛ, n nə ǹ saraa a kɔnpɛ ka ǹ zɛnaa ǹ sii tumaa nɛ. A giala, n din nə ǹ taasiɛ doɛ̃. Sonbore, n dinsɔɔ̃ n minbuiin nɛ tumaa a taasiɛ doɛ̃.

Zɔbu 31:6

Lawa din ma zɔɔ̃ màn zɔɔ̃ ǹ màn sonbore la a ga-a, á re maa peperebaa yii.

Loen 147:5

Wɔa Dɛnaa lɛ á gole, Pàãyiidɛnaa nɛ. A sii-doɛ̃ kɛ lɛ dan banban.

Loen 17:10

Makara kɔn ba ǹ foo-n wa. Ǹ boo tumaa din koa ǹ boo.

Loen 31:18

Dɛnaa Lawa, bɛ̀ ma á lɛ diɛ n la, n nyan toa sìi ma kũ wa. Sɛnɛ, min baraan kɛn lɛn, toa sìi bɛn kũ, toa ǹ dinin kɛn lɛn nə gã, ǹ lɛ kuru ka kiĩn.

Loen 44:21

Bɛ̀ wɔ yiri na á bɔ ka n tɔ kɛ nɛ, wɔa Lawa, bɛ̀ wɔ n wɔ́ n gɔn dia lawa kɔsɔ la,

Loen 75:5

Man pii ga tɔ li wolen manɛ máa ǹ nə n ga tɔ li lɛ doa. Man pii min baraan dɔn manɛ máa ǹ din gole kɔ ke, ǹ toa miɛ̃.

Loen 94:4

Maǹ boo ziziɛ̃n diɛ, ǹ tá ǹ dinin kalɛɛ, bɛa baraa-zɛnaalin kɛn lɛn tumaa.

Suusun 16:2

Minbuiin nɛ n taasɛ mà asɛ n sii sonbore zɛnɛɛ biikoo tumaa li. Sɛnɛ, Dɛnaa Lawa n kiri we foo ganaa.

Suusun 24:12

Kɔntan n tá re pii mà n ba sii kɔn siére-a wa. Sɛnɛ, min mɛn bɛ́ sii tumaa doɛ̃, bɛ á doɛ̃. A n giɛ n ganaa, á re didie sarɛɛ a kɔnpɛ ka a zɛnaa ǹ siin ni.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Izayii 26:7

Dɛnaa Lawa, min mɛn bɛ́ n bɔlɔ sii, bɛa dɛnaa a zii n pepere. Ń zii pepere yɔrɔ bɔ a wɔ lɛa.

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Ezekieli 35:13

Ká din gole kɔ ǹ boo da ma ganaa, ká din koa ǹ boon dada ma ganaa. Má ma!

Malakii 3:13

Dɛnaa Lawa pɛ: – Ka n boo baraa diɛ masɛ ganaa ka n nɔ̀n diɛ: «Wàa boo baraa n wɔ da n ganaa?»

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

Zozoe 22:22

– Dɛnaa Lawa n lawan Lawa lɛa. Wɔsɛn nə sii mɛn zɛnaa ke, màn mɛn nə wɔsɛn da a ganaa, Dɛnaa Lawa, lawan Lawa lɛ á doɛ̃. Izirayeli minin lɛn tumaa dɔ á re doɛ̃. Bɛ̀ á daa yaa sonbore wɔsɛn nə́ n piã ka Dɛnaa Lawa nɛ, wɔ sii babaraa la la, a nyan toa pelo a lɛawaa kɛ kiɛ̃ wɔsɛn la wa.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii yɔrɔ-bɔlen 9:38

Zebulu tɔ́n pɛ nɛ: – Táa ma nə n goã boo pipiã woɛ̃ n nə́ pii: «Abimelɛki n wàa lɛa wɔsɛn nə tɔn dí nya nɛ? Minin kɛn lɛn bie ń goã ǹ puusə koe wa ya? Baalaan wɔ n soo kanna kəni, n zia baa wɔ ganaa.»

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»