Samayeli1 2:2 - LAWA A BOO SONBORE

² Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.

LAWA A BOO SONBORE 2011

² Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.

Samayeli1 2:2 Iomraidhean Croise

Samayeli2 22:3

Lawa n ma tamaali lɛa, man kiɛ a din yele. A din nə maa goóro lɛa, a din pàã kɛ n ma kirisibiɛ. A din nə maa baa si a duru ǹ bǎã lɛa. E, ma kirisibaali, ń ma kanbaa min kakaarɛn kɛn ganaa.

Samayeli2 22:32

A giala, die kɔsɔ n Lawa lɛa kəni, bɛ̀ n din bie wa, Dɛnaa Lawa? Die kɔsɔ n wɔ tamaɛ, bɛ̀ wɔa Lawa kɛ bie wa?

Samayeli2 7:22

Dɛnaa Lawa, n din ni maa Lawa lɛa, n din nə gole. Wɔsɛn nə màn mɛn tumaa ma ka wɔ too ne, bɛ n ka kɛ nɛ: «N miã banban, Lawa kɔsɔ banban á kiɛ̃ n din la wa.»

Kiin1 8:23

– Izirayeli a Lawa, Dɛnaa Lawa, lon laanka tán la, lawa kɔn banban ka Nsɛ bɛ lɔn wa! Lɛ kɔ kɔnla laanka kɔn narɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, ma n bǐɛ̃ koe bɛn ganaa.

Loen 111:9

Dɛnaa Lawa din na á ná a minin si sii la, á lɛ kɔ kɔn la wɔ ǹ nɛ yǎa duduu. Dɛnaa Lawa tɔ lɛ n siĩni, a n gole.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 18:31

Lawa din a zii lɛ n pepere, bɛ̀ Dɛnaa Lawa boo mɛn da, a n goɛ̃ bɛ-a. A n ka goóro bɛ́ lɔn, min mɛn tumaa bɛ́ kiɛ a yele, a n bɛn tamaɛ.

Loen 71:19

Lawa! N peperebaa lɛ á gole, á la yii ni, ń dí dadaran dɔn nya. Lawa! N miã banban.

Loen 71:3

N din nə goã maa kele lɛa, man duru n kio. N goã maa giã ǹ bǎã lɛa, ma bɛ́ boe la ma kirisibaa bǎã mɛn nɛ. Sonbore, n din lɛ n ma tamaali lɛa, ka maa duru ǹ bǎã nɛ.

Loen 73:25

Maa min kɔsɔ banban lon wa, yǎa n din. Màn kɔsɔ a ma foo kɔɔ̃n koe tán la wa, yǎa n din.

Loen 86:8

Dɛnaa, n miã banban lawan bii wa. N bɛ́ dí mɛn nyɛɛ, a zɔɔ̃ kɔn-a banban.

Loen 89:6

Dɛnaa Lawa, toa lon a dia dí-a wolen nə n tɔ bɔ, n kaãbaa ǹ siin zɛnaa a lɛa. Toa min sonbore zaman nə n peperebaa kɛ pɛ.

Loen 89:8

Lon a dia dí-a wolen lɛ-sɔkɔn bǎã nɛ, Lawa, n pàã gole kɛ á nyɛ́ɛ diɛ parsiini, n pàã á gole, á nyɛ́ɛ diɛ á la n lɛnpɛnɛɛ wolen kɛn tumaa nɛ.

Loen 99:3

Min tumaa die a n tɔ bɔ, n tɔ gole ke, nyɛ́ɛ diɛ. Sonbore, n tá siĩni.

Loen 99:5

Ka wɔsɛn Dɛnaa Lawa kɛ a golebaa pɛ, ka kaa tán, a gòãn kaa ǹ yoron kɛ li. Sonbore, Dɛnaa Lawa lɛ á siĩni.

Loen 99:9

Ka wɔsɛn Dɛnaa Lawa kɛ a golebaa pɛ. Ka kaa tán, ka n yɔrɔ dia a din a kele sonbore kɛ la. Sonbore, wɔsɛn Dɛnaa Lawa lɛ á siĩni.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Izayii 40:18

Wɔ n boe la wɔ Dɛnaa Lawa zɔɔ̃ kɔn ka die ne? Wɔ n boe la wɔ wàa mɛn baa a kɔnboe lɛa?

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 6:3

Maǹ nə́ goã parɛɛ, ǹ nə́ pii kɔn nɛ kɛnɛn: «N tá sonbore, n tá sonbore, n tá sonbore Dɛnaa Lawa Pàãyiidɛnaa! N tɔ golebaa tán tumaa pã.»

Zeremii 10:6

Min kɔn ba ka n bɛ lɔn ma Dɛnaa Lawa. N tá gole, n pàã n tɔ golebaa koe n la.

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 11:45

A giala, ma din Dɛnaa Lawa n ma ka waa má ka bɔ Ezipti gána nɛ, màn mɛn bɛ́ toɛ, ma kaa Lawa baa. Bɛ lɛ taman yii, ka doamaa nɛ ka goã masɛ wɔbaa nɛ, a giala, man yoreene.

Lawa a wúlu-bɔlen 19:2

Boo da ka Izirayeli zaman lɛ tumaa nɛ, n pɛ ǹ nɛ: Ka goã min *yoreen lɛa ka ma dinmaa bɛ́ yoreen lɔn, masɛ Dɛnaa Lawa din nə kaa Lawa lɛa.

Rɔmu minin 15:4

A da yaa, màn mɛn yii nə n kiɛ̃ lɛlɛ, bɛ na á n kiɛ̃ wɔa yiri kɔmala a lɛa, màn mɛn bɛ́ toɛ, Lawa a boo lɛ wɔ foo taã, a sii simaa kɔ wɔ la, wɔ foo boo la a goã doa nɛ.

Rɔmu minin 4:8

Lawa bɛ́ a ba giɛ min mɛn ganaa sii baraa-zɛnaali lɛa wa, barkadɛnaa n ka bɛ nɛ.»

Timəə dí-pɛn 3:24

«Ma nə n sii kɛ zɛnaa, n tá n golebaa laanka n boo sii la nyɛɛ ma nɛ. A giala, lawa mɛn kɔsɔ bɛ́ boe la a n nya ǹ dín kɛn miã nya, a n tɔ bɔ ǹ siin kɛn zɛnaa, a banban lon wa, a banban tán wa.

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Timəə dí-pɛn 4:35

Bɛ na á n nyaa ka nɛ, màn mɛn bɛ́ toɛ ka dɔ̃, mà Dɛnaa Lawa n Lawa lɛa, bɛ̀ á n bɔ a din ni, lawa kɔsɔ banban.

Timəə dí-pɛn 4:39

Ka dɔ̃ pelo kəni, ka kũ ka yiri ni, mà Dɛnaa Lawa n Lawa lɛa lon, a din nə Lawa lɛa tán. Bɛ̀ á n bɔ a din ni, lawa kɔsɔ banban.

Piɛrɛ1 1:16

A giala, a tá kiɛ̃-n Lawa a sɛ́wɔ nɛ: «Ka goã min yoreen lɛa ka ma dinmaa bɛ́ yoreen lɔn.»