Samayeli1 2:12 - LAWA A BOO SONBORE

¹² Yiili a nɛgiĩn lɛn man nə́ goã min gɛsɛn lɛa, ǹ goã Dɛnaa Lawa doɛ̃ wa.

LAWA A BOO SONBORE 2011

¹² Yiili a nɛgiĩn lɛn man nə́ goã min gɛsɛn lɛa, ǹ goã Dɛnaa Lawa doɛ̃ wa.

Samayeli1 2:12 Iomraidhean Croise

Kiin1 21:10

Ka min paa kaa tán a yɔrɔ-a, min mɛnɛn nə́ ke min kɔrɔn lɛa. Bɛa min kɔrɔn kɛn lɛn die ǹ nə n koa nɛ, ǹ pɛ mà a na á Lawa laanka kii piɛ̃ bɔ. Bɛ kio, ka kũ ka soo ne, ka dɛdɛ ka kɔlɔn nɛ, a gã.»

Kiin1 21:13

Min paa kɔn daa giã tán Naabɔti yɔrɔ-a, min kɔrɔn manɛ. Bɛa min kɔrɔ paa lɛ yoo, ǹ tá n koɛ ka Naabɔti ni zaman lɛ yɔrɔ-a, ǹ nə́ pii: «Naabɔti na á Lawa laanka kii piɛ̃ bɔ.» Bɛ kio, ǹ nə́ tɔ́n Naabɔti kũ, ǹ nə́ soo-n kiwi lɛ nɛ, ǹ nə́ dɛdɛ ka kɔlɔn nɛ, á gã.

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

Zeremii 22:16

A na á goã doobaan laanka nɔmaa wolen zia gii diɛ. A sii tumaa goã yɔrɔ yii. Bɛ lɛ bie masɛ Lawa doɛ̃ lɛa wa? Dɛnaa Lawa a da ǹ boo ne.

Zeremii 9:3

Didie nə n parabaa n giaára nɛ. Min kɔn doamaa bie a n foo doa ǹ dɔɔ̃n ganaa wa. Sàabaa ba la wa, á re ka siɛ̃. Haalɛ ń giaára dinmaa n die soɛ diɛ n la.

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Ezekieli 22:26

Ǹ Lawa wúlu-bɔlen nə́ maa dí-pɛ kɛ ziziɛ̃, ǹ nə́ sàn kɔ ka maa màn sonboren ne. Màn mɛn bɛ́ maa wɔ lɛa, màn mɛn dɔ bɛ́ a ba maa wɔ lɛa wa, ǹ bɛa bɔkɔnlɛ wɔ wa. Sii *yoreen laanka a gɔgɔrɛ nɛ, ǹ bɛ dɔ a bɔkɔnlɛ nyaa minin man wa. Ǹ nə́ n yii tã maa susu ǹ piin kɛn ganaa, minin nə́ nɔmaa ǹ nə́ sàn kɔ ka ma nɛ kiwi lɛ nɛ.

Zaã a sɛ́wɔ 16:3

Maǹ die zɛnɛɛ miɛ̃, a giala, ǹ masɛ a Díi dɔ̃ wa, ǹ masɛ din dɔ dɔ̃ wa.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Rɔmu minin 1:21

Ta ǹ nə́ Lawa dɔ̃, ǹ na a guguru kɔ Lawa lɛa wa, ǹ barka dɔ da-n wa. Ǹ taasiɛn nə́ kooro baa, ǹ nə́ n piã ka sii giala miɛ nɛ, ǹ gɔ́ɔ̃ tii.

Korɛnti2 6:15

*Krita n siɛ lɔn, a kɔn wɔ ma ka *Sɛtaan nɛ? Hinlaa goleemali wole a wàa n boe la, a goã kun ka goleemali baãnaa wɔ nɛ?

Timəə dí-pɛn 13:13

Kaa Lawa, Dɛnaa Lawa kiwin mɛnɛn lɛn kɔ ka la mà ka giã ǹ nɛ, kɔntan ka á re miɛ ǹ kɔn pinaa,

Timəə dí-pɛn 13:14

mà min kooron nə́ soo ka bii, ǹ nə́ ǹ kiwi minin nyɛnɛɛ ǹ kiɛ lawa kɔsɔn guguru kɔ ganaa, ka bɛ́ ka a lawan mɛnɛn doɛ̃ wa.

Sii yɔrɔ-bɔlen 19:22

Ǹ bɛ́ tán màn bii pɔpasɛ pɔpasɛ, bɛ̀ kiwi lɛ a minin nə́ ke die. Min gɛsɛn manɛ. Ǹ nə́ kion lɛ lɛnpɛnɛ, ǹ nə́ kiɛnlɛ dɛdɛ. Giĩ gole mɛn bɛ́ kiondɛnaa lɛa, ǹ nə́ pɛ bɛ-n kɛnɛn: «Giĩ kɛ lɛ á wɔ n kion, a bɔ n soo ne, màn mɛn bɛ́ toɛ, wɔsɛn nə giã kun ni.»

Sii yɔrɔ-bɔlen 2:10

Bɛa biikoo kɛ lɛ a minin tumaa daa ǹ nə́ gã. Ǹsɛn kio, min kɔsɔn nə́ yoo. Sɛnɛ, bɛn nə goã Dɛnaa Lawa doɛ̃ wa, a dí mɛn tumaa nya Izirayeli minin wɔ paǹ li, ǹ goã bɛ dɔ doɛ̃ wa.

Samayeli1 10:27

Sɛnɛ min kɔrɔn nə́ yɛ, ǹ nə́ goã pii kɛnɛn: «Wàa-n sɛn! Kɛ lɛ n die wɔsɛn boe a nɛ!» Ǹ pàã wɔ Sayulu n wa, ǹ bǐɛ̃ goon baa la wa. Sɛnɛ Sayulu giã ka a din ni.

Samayeli1 25:17

Sisia, n doamaa bɛ́ nɛ n sii mɛn zɛnaa, ga bɛ li n dɔ̃ a giala, Davida laanka a minin lɛn man nə́ golee wɔa dɛnaagiĩ laanka a kion bɔ̀n baa li. Naabaali dinmaa lɛ sɛ sɔ̀n bɛ́ bɔbɔnɛɛ, min bɛ́ a ba doe a li ka boo-n wa.»

Samayeli1 3:13

Má pɛ nɛ, máa ma á re dɔlɔ boe a kion ganaa duduu a sã lɛ taman yii. Á goã doɛ̃ mà a nɛnyaanan lɛn man barka boe masɛ Lawa nɛ, sɛnɛ, a na á bɔ ǹ gɔn lɛ-a wa.

Samayeli1 3:7

Bɛa biikoo li, bɛ̀ Samayeli tɔn Dɛnaa Lawa dɔ̃ bɔrɔ wa. Bɛ̀ Dɛnaa Lawa din bin tɔn boo da-n wa.