Samayeli1 2:10 - LAWA A BOO SONBORE

¹⁰ Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»

LAWA A BOO SONBORE 2011

¹⁰ Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»

Samayeli1 2:10 Iomraidhean Croise

Samayeli2 22:14

Dɛnaa Lawa paraa lon papapã, lon a Lawa gole boo da. La gii kɛ n boe lon kiɛ, a n tɛ pii yɛlɛlɛ yɛlɛlɛ.

Samayeli2 7:13

Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

Samayeli2 7:8

Bɛ lɛ nɛ, wo pɛ maa dí-nyali Davida nɛ mà masɛ Dɛnaa Lawa mɛn bɛ́ pàã tumaa a Dɛnaa lɛa, mà masɛ n kɛ pii: «Ma din ni má n bɔ má n bɔ tɔɔn kio tɔɔn lɛduə̃ ǹ bǎã nɛ, màn mɛn bɛ́ toɛ n masɛ a zaman, Izirayeli minin lɛn mìilandɛnaa baa.

Zɔbu 40:9

Pàã tá n lon ka masɛ Lawa wɔ bɛ́ lɔn? N lɛn dɔ maa la a paraa kɛ wuu li?

Loen 132:17

Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

Loen 148:14

Á wusoo á pàã kɔ a minin la, Izirayeli nɛnyaanan lɛn, bɛa tɔrɔ kɛ lɛ mɔrɛɛ nɛ a ganaa. Bɛ lɛ nɛ, ǹ tumaa tá loe loe a tɔ boe ne. Aleluya, ka Dɛnaa Lawa tɔ bɔ!

Loen 2:2

Kanaa lɛ a kiin nə́ n lɛ kaa kun, a min dadaran lɛn nə́ yoo Dɛnaa Lawa gialaa, kun ka a kii kɛ nɛ, á bɔ á koa.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 2:9

Pàã mɛn bɛ́ kaka ka fɔlɔ nɛ, n tá re bɛ nyɛɛ ǹ nɛ, n tá re ǹ yɔyɔrɛ ka gì donkolon bɛ́ lɔn.

Loen 20:6

Bɛa biikoo li, wɔ á re n lɛ dii wɔ n nyɛnyɛɛ n gɔ̀lɔ̀baa kɛa lɛa, wɔ á re zanzan diɛ lon ka wɔa Lawa tɔ nɛ. N bɛ́ giɛ màn mɛn tumaa li, Dɛnaa Lawa die a bɛ kɔ n la.

Loen 20:7

Ma á doɛ̃ dinin gɔrɔ, máa Dɛnaa Lawa din kii mɛn bɔ á koa, á re gɔ̀lɔ̀baa koe bɛ la. A nə n toɛ a din a bǎã sonbore kɛ-n lon a tá a lɛ sii, a ná a lɛ sii ka a din a boo sii la pàã nɛ.

Loen 21:1

LOE-saalin goledɛnaa loe mɛn lɔ. Davida a loe.

Loen 28:8

Dɛnaa Lawa din na a minin kɛn pàã lɛa, a kii mɛn bɔ á koa, a din pàã n bɛ kirisibiɛ.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 89:17

A minin man die bɛ̀ biɛ baraabaraa, nyɛnyɛɛ gɔn n din a lɛa, maǹ die yui ǹ golee, n din a peperebaa la.

Loen 89:24

A giala, mà ma á re a zɔ́ɔn tuturi a nyɛɛnɛ, ma á re a baa zɔ́ɔbaa wolen dii.

Loen 89:25

Maa kɔn-narɛɛ gole laanka maa bǐɛ̃ duduu kɛ á re goɛ̃ kun ni, ma din nə die a pàã gole koe.

Loen 96:13

Ǹ nə n nyɛnyɛɛ Dɛnaa Lawa lɛ yɔrɔ-a, a giala, mà á die. A n die a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ. A n zɛnɛɛ a kɔnpɛ ka sonbore ne.

Loen 98:9

Dɛnaa Lawa lɛ yɔrɔ-a, a giala mà á die. A n die, a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ, a n zɛnɛɛ a kɔnpɛ ka sonbore ne.

Bɔ bɛ̀rɛbaa nɛ 15:6

Pàã gole tá n lon, Dɛnaa, Pàã tá n lon, n tá n zɔ́ɔn ziziɛ̃ nɛ.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 12:14

Sonbore, Lawa tá re nya ǹ dí tumaa a kiri we, ka sii mɛn tumaa bɛ́ durii ni, ta bǐɛ̃ nɛ, hinlaa baraa nɛ.

Izayii 29:6

Dɛnaa Lawa Pàãyiidɛnaa á re sii zɛnɛɛ n wɔ a paǹ li, ka la a ginii ni, tán a bìn diɛ nɛ, ka bìn diɛ gole ne piɛ̃ gole giulun, la giulun ka la a tɛ-pɛ nɛ.

Izayii 32:1

Á ke kii á re yii, a kiibaa zɛnaa ka peperebaa nɛ, kiãn tá re nyɛɛnaan boe ka sonborebaa nɛ.

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Ezekieli 29:21

«Bɛa pinaa kɛ lɛ nɛ, ma á re màn diɛ Izirayeli minin kɛn pàã li. Ma á re toɛ nsɛ Ezekieli boo la n boo da ǹ bii. Ǹ tá re doɛ̃ ka bɛ lɛ-n kəni, mà ma din nə Dɛnaa Lawa lɛa.»

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Luku 1:69

A na á nyin-sili kɔ wɔ la, bɛ n nyin-sili pàãdɛnaa lɛa. Bɛ na a din a dí-nyali Davida a nɔ̀ɔn lɛa, Davida mɛn bɛ́ á goã wɔa kii gole lɛa.

Luku 19:27

Giĩ lɛ mà asɛ a zɔ́ɔn kɛn, min mɛnɛn bɛ́ mà ǹsɛn ba li asɛ giã ǹ mìi la wa, mà ǹ da ǹ nɛ kànaa, ǹ nə ǹ bɔlɔ kuru asɛ yɔrɔ-a.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 4:27

Sonbore, maǹ nə́ n lɛ kaa kun taãn-taãnɛ, Zeruzalɛmu kiwi kɛ lɛ nɛ, kii Erɔdi laanka kii gole Pɔnsi Pilati ni, kun ka tɔrɔ kɔsɔn laanka Izirayeli minin ni, ǹ nə́ n gòãn doa Yezu-a, Lawa din a dí-nyali sonbore ke, á bɔ a dí a lɛa.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Sii yɔrɔ-bɔlen 5:31

Dɛnaa Lawa, toa ǹ zɔ́ɔn lɛn tumaa gã ka Sizeraa wɔ kɛ bɛ́ lɔn. Sɛnɛ, toa ǹ giaáran lɛn tumaa goã ka wasa bɛ́ lɔn ka zereen a bɔ tán waáraa. Bɛ lɛ n ke gána lɛ goã susui la lɛ̀ pusi gɔ́ɔ̃ nɛ.

Samayeli1 12:13

Sisia, ka min mɛn bɔ kii lɛa á ke. Ka dinin man ka nɔ̀n da nɛ, á ke Dɛnaa Lawa koa ka mìi la sisia.

Samayeli1 12:17

Táa *belee kurii biikoo n ka kɛ-n sisia? Masɛ n die Dɛnaa Lawa nyankoe. Á re die ka la a paraa laanka la nɛ. Bɛ̀ bɛ nə́ n zɛnaa, ka tɔn dɔ̃ kəni mà ka nɔ̀n mɛn da Dɛnaa Lawa la ka kii-n ke, sii baraa gole ne, ka zɛnaa Dɛnaa Lawa yii li.

Samayeli1 12:18

Samayeli Dɛnaa Lawa nyankɔ. Dɛnaa Lawa la da ginii ganaa, á la kaa, a din pinaa kɛ lɛ nɛ. Zaman lɛ tumaa nyɛ́ɛ baa Dɛnaa Lawa laanka Samayeli ni parsiini.

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»

Samayeli1 15:28

Samayeli pɛ nɛ: «Dɛnaa Lawa Izirayeli a kiibaa lɛ kũ á si n la pelo, á kɔ min kɔsɔ la, min mɛn nə́ ke soɛ n nɛ.

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

Samayeli1 7:10

A Samayeli toa wúlu màn lɛ tiɛ̃, Filisiti minin lɛn nə́ n wɔlɔ kunu kɔ Izirayeli minin ganaa ka zia nɛ. Sɛnɛ bɛa pinaa kɛ lɛ nɛ, Dɛnaa Lawa yoo Filisiti minin lɛn gialaa ka la a paraa gole ne. Á nyɛ́ɛ da ǹ ganaa, Izirayeli minin lɛn nə́ boo ǹ la.