Samayeli1 2:1 - LAWA A BOO SONBORE

¹ Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.

LAWA A BOO SONBORE 2011

¹ Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.

Samayeli1 2:1 Iomraidhean Croise

KZS2 20:27

Bɛ kio, Zeruzalɛmu minin ni ka Zudaa minin gialakunun ni, kun ka Zozafati ni ǹ nyɛɛnɛ, ǹ nə́ zii saa ǹ nə́ woo Zeruzalɛmu ka foo kɔɔ̃n nɛ. A giala, Dɛnaa Lawa na á ǹ kirisibaa ǹ zɔ́ɔn ganaa á foo kɔɔ̃n kɔ gole kɔ ǹ la.

Nehemii 11:17

Misee tɔrɔ Matania ke, Zabdii tɔrɔ lɛa, Azaafu tɔrɔ lɛa, Lawa guguru kɔ ǹ loe nyɛɛnaan-bɔle lɛa Lawa nyankɔ ǹ bǎã nɛ, bɛ nɛ, ka Balbukia kɛ nɛ koɛ la ǹ dɔɔ̃nɔn bii, ka Samuwa tɔrɔ Abdaa kɛ nɛ, Galaati laanka Yedutunu tɔrɔ lɛa.

Zɔbu 16:15

Má gɛ̀ koa ǹ mɔnaa wɔ ma din ganaa, má n mìi dɔ ma li, má giã tán gusuũ li.

Loen 118:14

Dɛnaa Lawa n ma pàã laanka maa zia gii-dali lɛa. A din na á ma kirisibaa.

Loen 13:5

Bɛ bie wa, maa zɔ́ɔn kɛn man die pii, mà ǹsɛn nə́ boo ma la. Maa zɔ́ɔn kɛn man die n nyɛnyɛɛ maa mɛnaa kɛa lɛa.

Loen 148:14

Á wusoo á pàã kɔ a minin la, Izirayeli nɛnyaanan lɛn, bɛa tɔrɔ kɛ lɛ mɔrɛɛ nɛ a ganaa. Bɛ lɛ nɛ, ǹ tumaa tá loe loe a tɔ boe ne. Aleluya, ka Dɛnaa Lawa tɔ bɔ!

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 20:5

A die a n foo sii zɛnaa n nɛ. N bɛ́ màn mɛn li, a die a bɛ kɔ n la.

Loen 21:2

E Dɛnaa Lawa! Kii lɛ nə n nyɛnyɛɛ ka n din pàã nɛ. N dɔmalɛ kɛ foo kɔɔ̃nbaa mɛn kɔ la, lɛ a pii wa.

Loen 35:9

Bɛ̀ ń zɛnaa miɛ̃, ma foo á re kɔɔ̃n koe ka n sii ni, Dɛnaa Lawa. Ma á re n nyɛnyɛɛ, a giala n din nə ń ma kirisibaa.

Loen 51:15

Min mɛnɛn nə sii la, ma á re n zii lɛ nyɛɛ bɛn manɛ. Sii baraa-zɛnaalin tá re wusii ǹ da n li.

Loen 71:8

N tɔ dinsɔɔ̃ n ma lɛ-n loe lɛa. Baraabaraa, ma nə n gugurubaa kɛ boo diɛ.

Loen 75:10

Masɛ wɔ paǹ li kəni, man die Zakɔba a Lawa kɛ laakalɛɛ biikoo tumaa li, bɛ̀ má n loe loe, a tɔ boe ne.

Loen 89:17

A minin man die bɛ̀ biɛ baraabaraa, nyɛnyɛɛ gɔn n din a lɛa, maǹ die yui ǹ golee, n din a peperebaa la.

Loen 89:18

Sonbore, n din nə ǹ pàã gole lɛa, n din a bǐɛ̃ zɛnaa lɛ n wɔ mìi siɛ lon.

Loen 89:24

A giala, mà ma á re a zɔ́ɔn tuturi a nyɛɛnɛ, ma á re a baa zɔ́ɔbaa wolen dii.

Loen 9:14

Makara bɔ ma-a, Dɛnaa Lawa. Maa zɔ́ɔn kɛn nə nɔmaa mɛn da ma mìi ni, n din ga bɛ ganaa. N din ma kanbaa gɛ̀ ganaa,

Loen 92:10

Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

Bɔ bɛ̀rɛbaa nɛ 15:1

Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ: Man die loe loe ma Dɛnaa tɔ bɔ nɛ, a giala, á sii gole zɛnaa. Á sùin laanka ǹ lɛ-kũlin kaa tà mu li.

Bɔ bɛ̀rɛbaa nɛ 15:21

Miriamu loe saa á lɔ: Ka Dɛnaa tɔ bɔ, á sii gole zɛnaa, á sùin laanka ǹ lɛ-kũlin kaa tà mu li!

Abakuku 3:1

Lawa a boo gii-dali Abakuku a Lawa nyankɔ goon nə́ ke. A na á lɔ ka bɛ̀ dɛ ǹ màn nɛ.

Abakuku 3:18

Sɛnɛ, masɛ n maa foo kɔɔ̃nbaa yii Dɛnaa Lawa li. Lawa mɛn bɛ́ ma kirisibiɛ, ma nə n nyɛnyɛɛ a din taman yii.

Luku 1:69

A na á nyin-sili kɔ wɔ la, bɛ n nyin-sili pàãdɛnaa lɛa. Bɛ na a din a dí-nyali Davida a nɔ̀ɔn lɛa, Davida mɛn bɛ́ á goã wɔa kii gole lɛa.

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Timəə dí-pɛn 33:17

Zozɛfu nyàa á lon! A n kaka ka dii gɔ̀lɔ̀ bɛ́ lɔn, ka lɛlɛ a don a zù kɛ bɛ́ lɔn. Á bɛn gegere màn paa bɔ, goon nə ka Efrayimu tɔrɔ gigiã kɛ nɛ, goon nə ka Manaasee tɔrɔ duu damata kɛ nɛ. A n tɔrɔn dii ka a bɛnɛn lɛn nɛ, a ǹ loo a wo ǹ koa kanaa lɛ dan ganaa.»

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!

Filipi minin 4:6

Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Samayeli1 1:6

Ǹ miãgoã Peninaa dɔ na á goã a foo ziziɛ̃ ǹ sii zɛnɛɛ miɛ̃ duduu màn mɛn bɛ́ toɛ a foo yoo, a giala, Dɛnaa Lawa nɛ kɔ la wa.

Samayeli1 1:7

A na á goã miɛ̃ lɛ̀ tumaa nɛ, Anɛɛ a wo Lawa a kion gogoonmaa, Peninaa na á goã a foo ziziɛ̃ miɛ̃. Bɛ lɛ nɛ, Anɛɛ goã wuu pii bɛ̀ a n piã, a màn bii wa.