Samayeli1 19:5 - LAWA A BOO SONBORE

⁵ Á n din kɔ gɛ̀ la, á Filisiti min lɛ dɛ, Dɛnaa Lawa gɔ̀lɔ̀baa gole kɔ Izirayeli minin tumaa la. Ń bɛ yɛ, á n foo kɔɔ̃n kɔ. Davida sii kɔn la wa. Wàa na á baa n tá re Davida dii, n zɛ̀rɛbaãnaa kɛ mà kaa, á sii baraa zɛnaa?»

LAWA A BOO SONBORE 2011

⁵ Á n din kɔ gɛ̀ la, á Filisiti min lɛ dɛ, Dɛnaa Lawa gɔ̀lɔ̀baa gole kɔ Izirayeli minin tumaa la. Ń bɛ yɛ, á n foo kɔɔ̃n kɔ. Davida sii kɔn la wa. Wàa na á baa n tá re Davida dii, n zɛ̀rɛbaãnaa kɛ mà kaa, á sii baraa zɛnaa?»

Samayeli1 19:5 Iomraidhean Croise

Samayeli2 23:10

Sɛnɛ, Eleyazaara lɛ sɛ́ golee giĩbaa la, á Filisiti minin lɛn dɛ yǎa a gɔn laa á dama a gɔya sa ganaa. Dɛnaa Lawa sii gole zɛnaa ǹ nɛ bɛa pinaa kɛ nɛ, á ǹ si Filisiti minin lɛn la. Eleyazaara a woo kio ne, zaman lɛ wusoo a kio, ǹ nə́ daa geren lɛn mànan goa.

KZS1 11:14

Eleyazaara sɛ laanka a minin man nə́ woo n doa bɛa wuru lɛ fùlu bii, ǹ nə́ Filisiti minin lɛn dɛ. Bɛa yɔrɔ lɛ la, Dɛnaa Lawa gɔ̀lɔ̀baa gole kɔ Izirayeli minin la.

KZS1 11:18

Yǎa zia-baali babaraa sɔɔ lɛ tɔ́n wo kiɛ̃ Filisiti minin giã ǹ bǎã lɛ nɛ ka pàã nɛ. Tù mɛn lɛ bɛ́ Bɛtlehɛmu kiwi a kiɛnlɛ-a, ǹ nə́ woo bɛ lɛ a mu si ǹ nə́ daa kɔ Davida la. Sɛnɛ, Davida lɛ kɔ á mu lɛ mi wa, á kaa tán á Dɛnaa Lawa gɔ nɛ.

Loen 109:5

Ǹ nə́ maa bǐɛ̃ saraa ka baraa nɛ, ǹ nə́ maa dàãbaa saraa ka zɔ́ɔbaa nɛ.

Loen 119:109

Koe n ma lɛnpɛnɛ biikoo tumaa li, sɛnɛ, masɛ yiri a boe ka n landa boon kɛn nɛ wa.

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 69:4

Má n lɛ dɛ má nɔmaa, ma lɛn nə́ tã, má n yii da maa Lawa la, ma yii wɔ̃.

Loen 94:21

Maǹ yɔ boe min peperen ganaa, maǹ zɛ̀rɛ koɛ zɛ̀rɛbaãnan ganaa.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Zeremii 26:15

Sɛnɛ, ka doamaa-n ka sii goon dɔ̃. Bɛ̀ ka ma dɛ ma gã, kasɛn, Zeruzalɛmu laanka a minin, ka dɔ̃ mà zɛ̀rɛbaãdɛnaa a gɛ̀ n kuĩ ka mìi ni. A giala, Dɛnaa Lawa na á ma dia sonbore mà ma da boo kɛ tumaa pɛ ka nɛ.»

Matiə 27:24

Pilati bɛ́ á dɔ̃, mà asɛ a die boe la a sii kɔ́n zɛnaa wa, mà màn nə́ tɔn miɛ zaman lɛ a lala diɛ li, á mu saa, á n gɔn pii zaman lɛ yɔrɔ-a, á pɛ: «Ma gòɛ̃ ba giĩ kɛ a gɛ̀ sii-n wa! Ka dinin mìi gɔ́ɔ̃ ǹ sii ni!»

Matiə 27:4

á pɛ ǹ nɛ: «Maa zɛ̀rɛ baãnaa kɔ ka la ke, má sii baraa zɛnaa!» Ǹ nə́ tɔ́n pɛ nɛ: «Wɔsɛn wàa n sii n bɛ nɛ? N din mìi gɔ́ɔ̃ ǹ sii ni!»

Zaã a sɛ́wɔ 15:25

Boo mɛn nə n kiɛ̃ ǹ landa sɛ́wɔ nɛ, a na á kaa bɛ lɛ: «Ǹ nə́ ma baa zɔ́ɔ kooro.»

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Filipi minin 2:30

A giala, á baa re giɛ̃ Krita a dí kɛ a nya gɔ́ɔ̃ nɛ; ka dia dɔmalɛ mɛn koe ma la, ka dinin nə́ ka a boe la ka á die-n wa, a nyin baa re goɛ̃ bɛ gɔ́ɔ̃ nɛ.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Sii yɔrɔ-bɔlen 12:3

Ma bɛ́ má yɛ, máa ka a re die ma sii ǹ la wa, bɛ lɛ nɛ, ma gɛ̀ laanka nyuù kaa kun, má woo Amɔn tɔrɔn lɛn gialaa. Dɛnaa Lawa nə́ ǹ wɔ ma gɔn. Wàa na á baa, ka tá yui die zia biɛ masɛ ganaa pelo?»

Sii yɔrɔ-bɔlen 9:17

Maa díi na á zia baa kaa lɛa ka a gã, á tɔ́n ka si Madiã minin kɛn la.

Samayeli1 11:13

Sayulu pɛ: «Min kɔn ba n dii lɛawaa kɛ miã li wa, a giala, pelo lɛ nɛ Dɛnaa Lawa Izirayeli si á da.»

Samayeli1 14:45

Zaman lɛ pɛ Sayulu ni: «Zonaatan lɛ n die giɛ̃ koɛ, asɛ mɛn nə́ ke, á gɔ̀lɔ̀baa gole kɛ yɛ, Izirayeli a lɛa? Bɛ boo bie wa! Dɛnaa Lawa Yiikoonanaa tɔ taman yii, a mìi ka goon ba re papaɛ̃ wa. A giala, a màn mɛn din nya pelo dinin, Lawa a dɔmalɛ nɛ.» Zaman lɛ Zonaatan si bɛa gɔn kɛ lɛ la á da. A gã wa.

Samayeli1 19:6

Sayulu Zonaatan bɔlɔ si, á tɔ́n nə n liɛ ka Dɛnaa Lawa Yiikoonaa tɔ nɛ mà asɛ a die Davida dii wa.

Samayeli1 20:32

Zonaatan nə́ ǹ di Sayulu lɛ lɛ si á pɛ nɛ: «Wàa na á baa, ǹ tá re Davida nyin boe? A na á wàa mɛn sii la?»

Samayeli1 22:14

Akiimelɛki kii lɛ lɛ si á pɛ-n kɛnɛn: «N dí-nyalin lɛn tumaa bii, die na a tan ka Davida bɛ́ lɔn foo n doa nɛ a ganaa? A n kii lɛ daãgiĩ lɛa, min mɛnɛn bɛ́ kii lɛ lɛduĩ, a n bɛn goledɛnaa lɛa. Á guguru kii lɛ a kion.

Samayeli1 28:21

Lɔ lɛ daa Sayulu genli, á yɛ Sayulu gɔ́ɔ̃ yii nə́ n lɔlɔkɔn. Á lɛ pɛ Sayulu ni: «Á ke, n bɛ̀rɛlɔ nə́ n too kɔ n lon. Má n din da gɛ̀ gɔn lɛ-a, sɛnɛ, n boo mɛn yii pɛ masɛ nɛ, má si.