Samayeli1 18:5 - LAWA A BOO SONBORE

⁵ Sayulu goã Davida diɛ woe koe bǎãn mɛnɛn tumaa lɛ, á goã gɔ̀lɔ̀baa yii. Sayulu Davida kũ á da a zia-baalin mìi la. Davida a sii goã siĩni zaman lɛ tumaa yii li. Á goã siĩni Sayulu a dí-nyalin dɔn yii li.

LAWA A BOO SONBORE 2011

⁵ Sayulu goã Davida diɛ woe koe bǎãn mɛnɛn tumaa lɛ, á goã gɔ̀lɔ̀baa yii. Sayulu Davida kũ á da a zia-baalin mìi la. Davida a sii goã siĩni zaman lɛ tumaa yii li. Á goã siĩni Sayulu a dí-nyalin dɔn yii li.

Samayeli1 18:5 Iomraidhean Croise

Siin Giala 39:23

Kòso kion-lɛduə̃li lɛ dí mɛn toa Zozɛfu gɔn, a din goã giɛ ǹ kɔn walan doo wa, a giala, mà Dɛnaa goã kun Zozɛfu ni. A bɛ́ á goã dí woo dí nyɛɛ, Dɛnaa goã a tumaa bǐɛ̃ koe a gɔn.

Samayeli2 5:10

Màn na á goã miɛ Davida pàã li woe miɛ̃. Dɛnaa Lawa mɛn bɛ́ pàã tumaa dɛnaa Lawa lɛa, bɛ́ goã kun ni.

Samayeli2 5:2

Haalɛ bibi dinin, bɛ̀ Sayulu bɛ́ wɔa kii lɛa, n din Davida na á goã miɛ̃ wɔsɛn Izirayeli minin zia-baalin nyɛɛnɛ, bɛ̀ n soo ǹ ne, bɛ̀ n nə n bɔyaa ǹ nɛ. Dɛnaa Lawa pɛ n nɛ dɔn dinin: «N din nə die giɛ maa zaman Izirayeli minin lɛn walan, n din nə die Izirayeli minin lɛn mìilandɛnaa biɛ.»

KZS2 17:3

Dɛnaa Lawa na á goã kun ka Zozafati ni, a giala, asɛ a giã ǹ gɔn na á goã ka ǹ digolo Davida a yoo tán waáraa wɔ bɛ́ lɔn. A ga dì baalin li wa.

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 101:2

Man giɛ li ma yiri bɔ maa tɔ wɔ ǹ gɔn li, a boo la a goã siĩni. Man die boe ma li biĩ kəni? Maa sumu minin bii, ma tá re ma din kuĩ maa tɔ wɔ ǹ gɔn goã siĩni.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.

Efɛɛzi minin 5:17

Bɛ lɛ a lɛa, ka baran goã yiri baãnaan lɛa wa. Sɛnɛ, ka n doa, Dɛnaa bɛ́ giɛ li mà ka sii zɛnaa lɔn, ka bɛ giala ma.

Kolɔɔsi minin 4:5

Ka tɔ wɔ ka sii-doɛ̃ nɛ, Lawa-nyankɔle baãnaan wɔ a paǹ li. Ka dɔ biikoo sonbore gogoonmaa ganaa.

Sii yɔrɔ-bɔlen 1:19

Dɛnaa Lawa goã kun ka Zudaa minin ni, ǹ nə́ kele yii bǎãn lɛn kũ ǹ nə́ baa ǹ wɔ lɛa. Sɛnɛ, ǹ boo la ǹ nə́ nyankɔrɔ basadɛnan kɛn loo wa, a giala, fɔlɔ wotoron man nə́ goã bɛn lon, ǹ nə́ zia biɛ nɛ.

Samayeli1 13:2

Sayulu giĩ duu sɔɔ (3 000) bɔ Izirayeli gána nɛ. A duu paa (2 000) goã kun ka a din ni Mikmaasi kiwi, ka Betɛli kele la nɛ. Á duu goon (1 000) kɛ dɔ́ goã kun ka Zonaatan nɛ Gibeya, Bɛnzamɛn tɔrɔn tán la. Sayulu zaman gialakun lɛ dia piɛ.

Samayeli1 14:52

A Sayulu toa a yii n koo, zia lɛ na á goã woɛ̃ nɛ ka kasagaa Filisiti minin lɛn gialaa. Min mɛnɛn tumaa goã ǹ foo n tã, ǹ nɛgininbaa dɔ, bɛ̀ Sayulu bɛ mɛn yɛ, a n kuĩ a da kun ka a din ni.

Samayeli1 18:16

Sɛnɛ, Davida goã kɔɔ̃nɛ Izirayeli minin tumaa laanka Zudaa minin tumaa ganaa, a giala, a din lɛ na á goã miɛ̃ ǹ nyɛɛnɛ bɛ̀ a wo zia la, a n bɔyaa.

Samayeli1 18:30

Filisiti minin kiin nə́ goã soe woe zia biɛ, ǹ woo gogoonmaa, Davida goã gɔ̀lɔ̀baa yii á la Sayulu a sɔraasin tumaa nɛ. Davida tɔ nɔmaa á bɔ parsiini.

Samayeli1 18:4

Dɔnkɛ gole mɛn goã Zonaatan ganaa, á sɔlɔ á kɔ Davida la. Zonaatan ná a mɔnaan dɔn kɔ la, haalɛ a gɔya sa, a sa nɛ ka a maabɛlɛ nɛ, á bɛn dɔn kɔ la.

Samayeli1 18:6

Davida bɛ́ á Filisiti min lɛ dɛ, a nə́ n bɔyɛɛ die piɛ kun ka sɔraasin lɛn nɛ, lɔn nə́ soo Izirayeli a kiwin tumaa nɛ ǹ nə́ daa ǹ da kii Sayulu lɛ. Lɔn lɛn bɛ́ die, maǹ nə́ goã loe loe, bɛ̀ biɛ tùtu laanka maà wuu li, bɛ̀ ǹ tá ǹ nyɛnyɛɛ ǹ lɛ dii.

Samayeli1 3:19

Samayeli bɛ́ gole koe woe, Dɛnaa Lawa goã kun ni, a boon lɛn kɔn goã kooro, lɛ-pã baã wa.