Samayeli1 18:1 - LAWA A BOO SONBORE

¹ Davida bɛ́ á boo da ka Sayulu ni á nya, Zonaatan dama Davida ganaa, á narɛ ka a dinmaa bɛ́ lɔn.

LAWA A BOO SONBORE 2011

¹ Davida bɛ́ á boo da ka Sayulu ni á nya, Zonaatan dama Davida ganaa, á narɛ ka a dinmaa bɛ́ lɔn.

Samayeli1 18:1 Iomraidhean Croise

Siin Giala 44:30

Bɛ̀ ma dɔ maa díi li sisia, nɛginin kɛ ná a kun ka wɔ-n wa, a bɛ́ na á n baa a nyin lɛa,

Samayeli2 1:26

Ma dɔɔ̃n Zonaatan, ma foo ziziɛ̃maa-n parsiini n din a lɛa. N sii goã kaka ma ganaa á la yii ni. N giaárabaa lɛ na á goã kaãbaa diɛ ma ganaa. Á goã siĩni á la giĩ a lɔ narɛɛ nɛ.

KZS1 12:17

Bɛnzamɛn tɔrɔ kɔsɔn laanka Zudaa tɔrɔn nə́ woo Davida li a duru ǹ bǎã lɛ nɛ.

Loen 86:11

Dɛnaa Lawa, n zii nyaa ma nɛ, ma á re tɔ we, a kɔnpɛ ka n sonbore ne. Bɛ lɛ dinsɔɔ̃ da ma foo ne, màn mɛn bɛ́ toɛ, ma nyɛ́ɛ baa n tɔ kɛ nɛ.

Suusun 18:24

Giaára gigiã á boe la ǹ bɔ̀n da min ganaa. Sɛnɛ, giaára sonbore la dɔɔ̃n nɛ.

Timəə dí-pɛn 13:6

Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Kolɔɔsi minin 2:2

Man giɛ li máa ka foo tãbaa yɛ, ka kaa kun taãn-taãnɛ kɔn-narɛɛ gɔ́ɔ̃ nɛ. Man giɛ li máa ka sii-doɛ̃ sonbore yɛ parsiini, là bɛ́ sii-doɛ̃ mɛn nɛ, Lawa din duru á daa dɔ pelo ganaa, bɛ giala, mà *Krita din.

Sii yɔrɔ-bɔlen 20:11

Izirayeli minin lɛn tumaa kɔn wɔ ma, ǹ nə́ n lɛ sɔkɔn, mà maǹ die yui kiwi lɛ gialaa.

Samayeli1 14:45

Zaman lɛ pɛ Sayulu ni: «Zonaatan lɛ n die giɛ̃ koɛ, asɛ mɛn nə́ ke, á gɔ̀lɔ̀baa gole kɛ yɛ, Izirayeli a lɛa? Bɛ boo bie wa! Dɛnaa Lawa Yiikoonanaa tɔ taman yii, a mìi ka goon ba re papaɛ̃ wa. A giala, a màn mɛn din nya pelo dinin, Lawa a dɔmalɛ nɛ.» Zaman lɛ Zonaatan si bɛa gɔn kɛ lɛ la á da. A gã wa.

Samayeli1 18:3

Zonaatan nə́ n lɛ kɔ Davida la, a giala, a na á goã narɛ ka a dinmaa bɛ́ lɔn.

Samayeli1 19:1

Sayulu pɛ a nɛgiĩ Zonaatan laanka a dí-nyalin tumaa nɛ, mà ǹ Davida dɛ a gã. Sɛnɛ, Davida sii goã kɔɔ̃n, Sayulu a nɛgiĩ Zonaatan lɛ ganaa parsiini.

Samayeli1 19:2

Zonaatan boo lɛ pɛ Davida nɛ: «Ma di Sayulu lɛ n giɛ li a n dɛ, n gã. Biɛ̃ baayɛlɛ, n die n bǐɛ̃ kɔ n yiri bɔ n din li, ga duru ǹ bǎã li n giã walan. N bɛ́ re goɛ̃ durii-n bǎã mɛn li

Samayeli1 20:17

A giaárabaa lɛ gɔ́ɔ̃ nɛ ka Davida nɛ, Zonaatan wusoo doo, á n lɛ kɔ Davida la, a giala, a na á goã Davida narɛ ka a din bɛ́ lɔn.

Samayeli1 20:8

Bǐɛ̃ kɔ n dí-nyali lɛ-a, a giala, n nə n lɛ kɔ ma la ka Dɛnaa Lawa tɔ nɛ. Sɛnɛ, sii woo sii má zɛnaa, bɛ̀ ma zɛ̀rɛ n ka ǹ mɛn nɛ, n dinmaa lɛ ma dɛ, a giala, wàa na á baa, n tá re woe ka ma nɛ yǎa n di li?

Samayeli1 22:8

Bɛ lɛ nɛ, ka tumaa tá n bɔyɛɛ ma li ka durii ni? Ma dinmaa a nɛgiĩ na á n lɛ kɔ Zesee a nɛgiĩ Davida la, min kɔn pɛ ma-n wa. Ka kɔn din ba n gɔ́ɔ̃ bii ka masɛ-n wa. Ka kɔn pɛ masɛ nɛ mà Davida lɛ, ma dinmaa a minin lɛn goon lɛa, mà a n giɛ masɛ dɛ ǹ gɔn li biikoo kɛ-n wa. Ka bɛ dɔ nɛ, min kɔn pɛ masɛ nɛ, mà maa nɛgiĩ na a foo taɛ̃ wa.»

Samayeli1 23:18

Ǹ dinin paanan lɛ-kɔ wɔ Dɛnaa Lawa yɔrɔ-a. Davida goã daã lɛ nɛ, Zonaatan nə́ n bɔyaa á woo piɛ.