Samayeli1 13:7 - LAWA A BOO SONBORE

⁷ Ebrəə minin nə́ yɛ, ǹ nə́ Zurdɛ̃ tà lɛ kuru, ǹ nə́ woo Gaadi gána laanka Galaati gána nɛ. Bɛ́ daa yaa bɛ̀ Sayulu tá tɔn Gilgaali, zaman lɛ din tumaa gɔ̀nɔn nə́ bìn diɛ a kio.

LAWA A BOO SONBORE 2011

⁷ Ebrəə minin nə́ yɛ, ǹ nə́ Zurdɛ̃ tà lɛ kuru, ǹ nə́ woo Gaadi gána laanka Galaati gána nɛ. Bɛ́ daa yaa bɛ̀ Sayulu tá tɔn Gilgaali, zaman lɛ din tumaa gɔ̀nɔn nə́ bìn diɛ a kio.

Samayeli1 13:7 Iomraidhean Croise

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Timəə dí-pɛn 20:8

Zaman-lɛduə̃lin lɛn nə wusoo ǹ nɔ̀n da doo ǹ pɛ: «Min tá ka bii nyɛ́ɛ ná a ganaa, a foo n biɛ niɛ ya? Bɛa dɛnaa wusoo a wo piɛ, màn mɛn bɛ́ toɛ, a baran ǹ dɔɔ̃nɔn lɛn gù dɛ ka a din wɔ bɛ́ lɔn wa.»

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 3:12

Bɛa gána lɛ, wɔ́ si wɔ́ baa wɔa wɔ lɛa bɛa waáraa lɛ nɛ. A n siɛ Aroɛɛrɛ kiwi ganaa Arnɔn tà lɛ-a, a Galaati a kele yii kɛa talɛɛ laanka a kiwin kaa a nɛ. Man má bɛn kɔ Urubɛn tɔrɔn laanka Gaadi tɔrɔn la.

Zozoe 13:11

Galaati gána dɔ tá a nɛ, Gesuuru bǎã kɛ nɛ, Maakaa tɔrɔn bǎã kɛ nɛ, Ɛrmɔn kele kɛ tumaa ka Basan bǎã kɛ tumaa nɛ, a wo yǎa Salkaa kiwi.

Zozoe 13:8

Dɛnaa Lawa a dí-nyali Muizu bǎã mɛn kɔ Urubɛn tɔrɔn laanka Gaadi tɔrɔn la ka Manaasee tɔrɔ minin kɛn talɛɛ nɛ Zurdɛ̃ tà kio lɛ̀giala-n, bɛ́ bɛn kíɛ̃ baa.

Sii yɔrɔ-bɔlen 7:3

Bɛ lɛ nɛ, kɛ pɛ zaman lɛ nɛ: «Min woo min tá nyɛ́ɛ biɛ, a gɔ̀nɔn nə́ bìn diɛ, bɛ nə n lɛ goa, a n wɔlɔ lui Galaati kele kɛ ganaa.» Zaman lɛ a min duu fuəwenpaa wusoo, a gialakun nə́ n zɔ̃ á goã min duu fù.

Samayeli1 13:8

Sayulu nə́ n yii da Samayeli la yǎa lɛawaa sɔbaa, ka Samayeli din pɛ lɔn. Sɛnɛ, Samayeli da Gilgaali wa. Zaman lɛ sasawaa á Sayulu toa walan.

Samayeli1 17:11

Filisiti min lɛ boon mɛnɛn da, Sayulu laanka Izirayeli minin tumaa bɛn ma. Nyɛ́ɛ gole nə́ ǹ kũ, á ǹ gù yii dɛ.

Samayeli1 31:7

Izirayeli minin mɛnɛn nə goã giã-n Zizereyɛli a nyankɔrɔ lɛ a wàã kɔsɔ-a, ka ǹ mɛnɛn nə goã Zurdɛ̃ tà a lɛ̀giala gɔn la, ǹ bɛ́ ǹ nə́ yɛ mà Filisiti minin nə́ boo Izirayeli minin la, ǹ nə́ Sayulu laanka a nɛgiĩ sɔɔ dɛ, bɛn nə́ baa si ǹ nə́ ǹ kiwin toa walan. Bɛ kio, Filisiti minin lɛn nə́ dɔ, ǹ nə́ giã bɛa kiwin lɛn nɛ.