Samayeli1 13:6 - LAWA A BOO SONBORE

⁶ Izirayeli minin lɛn yii na á goã a ganaa mà ǹsɛn tá re bɔ̀n biɛ, a giala, Filisiti minin lɛn nə́ kunu kɔ zaman lɛ ganaa ǹ ná a lɛ gɛwaa. Zaman lɛ nə́ n duru kele yalan nɛ, kɔlɔ biin ni, nyankɔrɔ gɔ́ɔ̃n nɛ, ka da kusin ni.

LAWA A BOO SONBORE 2011

⁶ Izirayeli minin lɛn yii na á goã a ganaa mà ǹsɛn tá re bɔ̀n biɛ, a giala, Filisiti minin lɛn nə́ kunu kɔ zaman lɛ ganaa ǹ ná a lɛ gɛwaa. Zaman lɛ nə́ n duru kele yalan nɛ, kɔlɔ biin ni, nyankɔrɔ gɔ́ɔ̃n nɛ, ka da kusin ni.

Samayeli1 13:6 Iomraidhean Croise

Samayeli2 24:14

Davida tɔ́n pɛ Gaadi ni: «Ma foo ziziɛ̃ á la yii ni. Dɛnaa Lawa dɔlɔ bɔ ma ganaa, bɛ á soɛ minbuiinin nə dɔlɔ bɔ ma ganaa nɛ, a giala Dɛnaa Lawa a makara-doɛ̃ á gole.»

Izayii 42:22

Sɛnɛ, á ke, ǹ nə́ ka kokoo, ǹ nə́ màn tumaa sii ka la. Ka tumaa lɛ tiɛ̃maa-n nyankɔrɔ zuzulu ni, ka n durii-n kòso ne. Kaa zɔ́ɔn nə́ ka kokoo ka ǹ bɛ́ naforo goɛ zia la lɔn. Min kɔn dɔ da n dɔ ka lɛ wa. Ǹ nə́ màn tumaa si ka la, min kɔn dɔ pɛ mà ǹ ka toa walan wa.

Zeremii 41:9

Isimayeli min mɛnɛn lɛn dɛ kun ka Gedalia nɛ, a ǹ gere zũ nyankɔrɔ mɛn lɛ nɛ, kii Azaa na á fɔ̃ bɛ̀ a bɛ́ zia biɛ kɔn ka Izirayelin kii Bayesaa nɛ. Isimayeli bɛ pã ka gere ne.

Ezekieli 33:27

N die n kɛ pɛ ǹ nɛ: «A ma toa ma yii n koo, masɛ Dɛnaa Lawa n kɛ pii: Ǹ kiwi mɛn lɛ yu, min mɛnɛn bɛ́ a nɛ, ǹ tá re bɛn dii. Min mɛn bɛ́ don, ma á re bɛ koe don màn babaraan la ǹ màn-bii lɛa. Min mɛnɛn bɛ́ kele la, ka kele yalan nɛ, bɛn tá re giɛ̃ piɛ̃ busu babaraa gɔn.

Filipi minin 1:23

Bɛa sii màn paa kɛ n ma yiri baɛ̃ kɔn. Man taasɛ máa man bɔ yiikoonaabaa kɛ nɛ, ma wo giã kun ka Krita nɛ, bɛ n kɔɔ̃n ma ganaa á la a yii ni.

Ebrəə 11:38

Kanaa lɛ goã kɔnboe bɛa minin kɛn lɛn nə goã a-n wa. Maǹ nə́ goã n bibiĩ don biin ni, kelen la ka yala kɔrɔ gɔ́ɔ̃n nɛ.

Zozoe 8:20

Ayii minin lɛn nə́ n bɔyaa ǹ nə́ ga ǹ kio, bɛ̀ kiwi lɛ a tɛmaa bɛ́ á yoo lon kurukuru. Ǹ gù din yii gã kəni, pàã din ba ǹ lon, ǹ tá baa sii woe paǹ kɔn li wa. Izirayeli zaman mɛn goã baa sii woe don, bɛn nə́ n bɔyaa ǹ loolin lɛn li.

Sii yɔrɔ-bɔlen 10:9

Amɔn tɔrɔn dɔn nə́ Zurdɛ̃ tà kuru, ǹ nə́ woo zia baa Zudaa laanka Bɛnzamɛn tɔrɔn ganaa, ka Efrayimu tɔrɔn nɛ. Á nɔmaa gole baa Izirayeli minin lɛn ganaa.

Sii yɔrɔ-bɔlen 20:41

Izirayeli minin lɛn man nə́ goã ǹ nə́ wusoo ka ǹ kio ne. Bɛ lɛ na á nyɛ́ɛ da Bɛnzamɛn tɔrɔn lɛn ganaa. A giala, ǹ nə́ dɔ̃, mà bɔ̀n nə die ǹsɛn yii.

Sii yɔrɔ-bɔlen 6:2

Madiã minin lɛn nə́ bɔ Izirayeli minin yii ni taãn-taãnɛ. Madiã minin lɛn lɛa nɛ, Izirayeli minin lɛn nə́ goã n duri kele kɔ́sɔn nɛ, kele yalan nɛ, gɛ̀fun bii.

Samayeli1 13:15

Samayeli nə́ n toa Gilgaali, á zii saa a woo Gibeya Bɛnzamɛn tɔrɔn tán la. Zaman mɛn goã kun ka Sayulu ni, á ǹ nimi ǹ nə́ dɔ min biɛ sɔrɔ kɛ miã (600).

Samayeli1 14:11

Ǹ dinin min paamaa woo ǹ dinin nyaa Filisiti minin lɛn bǎã nɛ. Filisiti minin lɛn nə́ tɔ́n pɛ mà *Ebrəən lɛn nə́ ke soe yalan nɛ, ǹ goã ǹ nə́ n duru yalan mɛnɛn lɛn nɛ.

Samayeli1 14:22

Izirayeli minin mɛnɛn tumaa goã ǹ nə́ n duru Efrayimu kele yii ni, bɛn bɛ́ ǹ nə́ ma mà Filisiti minin lɛn nə́ n gòã da baa nɛ, ǹ dɔn nə́ yoo ka zia nɛ ǹ nə́ ǹ kio loo.

Samayeli1 23:19

Ziifu minin nə́ woo dɔ Sayulu li Gibeya ǹ nə́ pɛ nɛ: «Davida tá durii bbni wɔsɛn tán la, daã nɛ, Akiilaa tenten la, diə gole lɛ a gusin a lɛ̀gɔn la.

Samayeli1 24:3

Sayulu min duu sɔɔ (3 000) gɔgɔɔ̃, Izirayeli kuturu gɔ́ɔ̃ nɛ, á woo ga Davida laanka a minin li, don butumun gɛ̀fun bǎã yɔrɔ-a.

Samayeli1 31:7

Izirayeli minin mɛnɛn nə goã giã-n Zizereyɛli a nyankɔrɔ lɛ a wàã kɔsɔ-a, ka ǹ mɛnɛn nə goã Zurdɛ̃ tà a lɛ̀giala gɔn la, ǹ bɛ́ ǹ nə́ yɛ mà Filisiti minin nə́ boo Izirayeli minin la, ǹ nə́ Sayulu laanka a nɛgiĩ sɔɔ dɛ, bɛn nə́ baa si ǹ nə́ ǹ kiwin toa walan. Bɛ kio, Filisiti minin lɛn nə́ dɔ, ǹ nə́ giã bɛa kiwin lɛn nɛ.

Samayeli1 7:7

Filisiti minin lɛn nə́ ma mà Izirayeli minin nə́ goã ǹ nə́ n lɛ sɔkɔn Misipaa. Filisiti minin kiin lɛn nə́ woo Izirayeli minin lɛn gialaa. Izirayeli minin lɛn bɛ́ ǹ nə́ bɛ ma, ǹ nə́ nyɛ́ɛ baa Filisiti minin lɛn manɛ.