Samayeli1 12:10 - LAWA A BOO SONBORE

¹⁰ Ka nə́ n lɛ dɛ Dɛnaa Lawa ganaa, ka nə́ pɛ: «Wɔsɛn nə́ sii baraa zɛnaa, a giala, wɔ́ Dɛnaa Lawa lɛ toa walan wɔ́ dìn guguru kɔ, *Baali laanka Asitartee ne. Sisia, wɔsɛn si wɔ zɔ́ɔn la, wɔ tá re n guguru koe.»

LAWA A BOO SONBORE 2011

¹⁰ Ka nə́ n lɛ dɛ Dɛnaa Lawa ganaa, ka nə́ pɛ: «Wɔsɛn nə́ sii baraa zɛnaa, a giala, wɔ́ Dɛnaa Lawa lɛ toa walan wɔ́ dìn guguru kɔ, *Baali laanka Asitartee ne. Sisia, wɔsɛn si wɔ zɔ́ɔn la, wɔ tá re n guguru koe.»

Samayeli1 12:10 Iomraidhean Croise

Loen 106:44

Ka bɛ yii ni, Dɛnaa Lawa ga ǹ nɔmaa ganaa, á ǹ lɛ dɛ ma.

Izayii 26:16

Dɛnaa Lawa, koe biikoo li, manə n bɔyɛɛ die n din li. Bɛ̀ ń dɔlɔ bɔ ǹ ganaa, manə n nyankoe ka lɛn basiɛ̃ nɛ.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Zozoe 13:31

Galaati gána a talɛɛ dɔ́ goã a nɛ, ka Asitarɔti laanka Edreyii kiwi ni. Bɛa kiwin lɛn man nə́ goã Basan gána a kii Ɔgu wɔn lɛa lɛlɛ. Bɛa bǎã lɛ na á dɔ Makiiri a nɔ̀ɔn Manaasee tɔrɔn ganaa ǹ tanlɛ yii li.

Sii yɔrɔ-bɔlen 10:10

Bɛ lɛ nɛ, ǹ nə́ n lɛ dɛ Dɛnaa Lawa ganaa, bɛ̀ ǹ tá pii: «Wɔsɛn man wɔ sii baraa zɛnaa n din ni, a giala, wɔ Lawa toa walan, wɔ́ dí nya Baalin manɛ.»

Sii yɔrɔ-bɔlen 2:11

Sii mɛn bɛ́ baraa Dɛnaa Lawa yii li, Izirayeli minin lɛn man nə́ bɛ zɛnaa, ǹ nə́ dí nya *Baalin manɛ.

Sii yɔrɔ-bɔlen 2:13

Ǹ nə́ Dɛnaa Lawa toa walan, ǹ nə́ dí nya Baalin laanka *Asitarteen manɛ.

Sii yɔrɔ-bɔlen 3:15

Bɛ kio, Izirayeli minin lɛn nə́ n lɛ dɛ Dɛnaa Lawa ganaa. Dɛnaa Lawa dɔ́ kirisibaali bɔ á kɔ ǹ la. Bɛ n ka Geraa a nɛgiĩ Ewuudu ni. Bɛnzamɛn tɔrɔ nɛ, a na á goã gɔsɛ-a lɛa. Izirayeli minin lɛn ná asɛ dia ka bǐɛ̃baa ǹ mànan nɛ, mà a wo ǹ kɔ Moabun kii Egulɔn la.

Sii yɔrɔ-bɔlen 3:7

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.

Sii yɔrɔ-bɔlen 3:9

Bɛ kio, ǹ nə́ n lɛ dɛ Dɛnaa Lawa ganaa. Dɛnaa Lawa dɔ́ kirisibaali bɔ á kɔ ǹ la, á ǹ kirisibaa. Bɛ n ka Kalɛbu ǹ diɛ̃ Kenaazi a nɛgiĩ Ɔtniyeli ni.

Sii yɔrɔ-bɔlen 4:3

Izirayeli minin lɛn nə́ n lɛ dɛ Dɛnaa Lawa ganaa. A giala fɔlɔ wotoro biɛmanangɔrɔ na á goã Sizeraa lon. Á bɔ Izirayeli minin lɛn yii-n taãn-taãnɛ, yǎa lɛ̀ fuə.

Sii yɔrɔ-bɔlen 6:7

Izirayeli minin lɛn man nə́ goã n lɛ dii Dɛnaa Lawa ganaa, Madiã minin lɛn taman yii.

Samayeli1 7:2

Dɛnaa Lawa a goo lɛ goã Kiriyati-Yarimu á belebɔ, á dɔ lɛ̀ fuə. Bɛ lɛ kio ne, Dɛnaa Lawa sii goã Izirayeli minin tumaa ganaa parsiini.

Samayeli1 7:6

Ǹ nə́ n lɛ sɔkɔn Misipaa. Ǹ nə́ mu si ǹ nə́ tɔ tán Dɛnaa Lawa yɔrɔ-a, gɔ́ɔ̃ dɔn bii a sii a kɔnboe lɛa. Ǹ nə́ n lɛ sɔɔ bɛa pinaa kɛ lɛ nɛ, ǹ nə́ pɛ bɛa bǎã lɛ nɛ mà ǹsɛn nə́ sã, ǹ nə́ wɔ Dɛnaa Lawa lon! Samayeli na á goã Izirayeli minin lɛn nyɛɛnaan boe Misipaa.