Samayeli1 10:5 - LAWA A BOO SONBORE

⁵ Bɛ kio, n tá re die doe Gibea-Eloyimu, bɛ n Filisiti minin sɔraasin giã ǹ bǎã goon lɛa. Bɛ̀ n tá re we kiwi lɛ nɛ, n tá re kɔnpii ka Lawa a boo gii-dali zaman kɔn nɛ, boe *wúlu bɔ ǹ bǎã nɛ, minin nə́ ǹ nyɛɛnɛ, tùtun didii, maàn didi, pìin pipii, kɔnkoɛɛ̃nɛn didii, bɛ̀ ǹ dininmaan tá Lawa a boo gii-dali baa ǹ siin zɛnɛɛ.

LAWA A BOO SONBORE 2011

⁵ Bɛ kio, n tá re die doe Gibea-Eloyimu, bɛ n Filisiti minin sɔraasin giã ǹ bǎã goon lɛa. Bɛ̀ n tá re we kiwi lɛ nɛ, n tá re kɔnpii ka Lawa a boo gii-dali zaman kɔn nɛ, boe *wúlu bɔ ǹ bǎã nɛ, minin nə́ ǹ nyɛɛnɛ, tùtun didii, maàn didi, pìin pipii, kɔnkoɛɛ̃nɛn didii, bɛ̀ ǹ dininmaan tá Lawa a boo gii-dali baa ǹ siin zɛnɛɛ.

Samayeli1 10:5 Iomraidhean Croise

Kiin1 18:29

Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

Kiin2 2:15

Lawa a boo gii-dalin mɛnɛn bɛ́ giã-n Zerikoo kiwi, bɛn nə́ goã ǹ nə́ Yiliizee yɛ ǹ yɔrɔ-a, ǹ nə́ tɔ́n pɛ: «Yiri mɛn goã Yilii la bɛ lɛ n Yiliizee la.» Ǹ nə́ daa n da lɛ, ǹ nə́ kaa tán a giulun,

Kiin2 2:3

Lawa a boo gii-dalin mɛnɛn bɛ́ giã-n Betɛli, bɛn nə́ soo ǹ nə́ n da Yiliizee lɛ, ǹ nə́ nɔ̀n da la: «Ń tá doɛ̃ mà Dɛnaa Lawa n die n dɛnaagiĩ Yilii lɛ siɛ pelo, a n lɛ kɔ-n lon n mìi lalan?» Yiliizee nə́ ǹ lɛ si: «Ma dɔ á doɛ̃, ka n lɛ tã.»

Kiin2 2:5

Lawa a boo gii-dalin mɛnɛn bɛ́ giã-n Zerikoo, bɛn nə́ ǹ zɔ̃ ǹ nə́ dɔ Yiliizee li ǹ nə́ pɛ nɛ: «N tá doɛ̃ mà n Dɛnaa Lawa n die n dɛnaagiĩ Yilii lɛ siɛ pelo, a n lɛ kɔ-n lon n mìi lalan?» Yiliizee nə́ ǹ lɛ si: «Ma á doɛ̃, ka n n lɛ tã.»

Kiin2 2:7

Lawa a boo-gii dali zaman lɛ a min posooro woo giã Zurdɛ̃ tà lɛ yɔrɔ-a tìã lɛa, Yilii laanka Yiliizee sɛ golee kunu tà lɛ li.

Kiin2 3:15

Kanna, ka da ka kɔnkoɛɛ̃-dɛli ni masɛ li.» A kɔnkoɛɛ̃-dɛli lɛ toa kɔnkoɛɛ̃ dii, Dɛnaa Lawa Pàã goã Yiliizee la.

Kiin2 4:38

Yiliizee wusoo á daa Gilgaali. Bɛa biikoo li, bɛ̀ bòo n gána lɛ nɛ. Ǹ kɔn pinaa, a Lawa a boo gii-dali zaman lɛ toa giã-n tán Yiliizee nyɛɛnɛ, Yiliizee pɛ a dí-nyali ni: «Dɔn gole da tɛ lan, n kiri mu bɔ màn kɔn-a, Lawa a boo gii-dali zaman lɛ wɔ lɛa.»

Kiin2 6:1

Lawa a boo gii-dalin lɛn nə́ pɛ Yiliizee ne: «Ga, wɔsɛn bɛ́ giã-n tán bǎã mɛn nɛ n nyɛɛnɛ, á kiɛɛrɛ kɔ wɔsɛn ganaa á la yii ni.

KZS1 11:16

Davida lɛ na á goã a duru ǹ bǎã sonbore kɛ nɛ, bɛ á zɛnɛɛ bɛ̀ Filisiti minin lɛn kɔnɔn tá doa-n Bɛtlehɛmu kiwi.

KZS1 13:8

Davida laanka Izirayeli kuturu na á goã bɛ̀ biɛ ka ǹ we tumaa nɛ Lawa yɔrɔ-a, ka loen ne, tùtu tɔrɔ tumaa laanka kɔnkoɛ̃ɛnɛn nɛ, maàn nɛ, gɔn pere dɛ ǹ mànan nɛ, ka bɛnɛn nɛ.

KZS1 16:42

Eman laankaa Yedutunu n bɛnɛn pii ǹ nə́ gɔn pere dɛ ǹ mànan dii, ka sàn kɔ ǹ màn tɔrɔ kɔsɔn nɛ, ǹ nə́ diɛ Lawa a loen kɛn li. Yedutunu a nɛnyaanan man nə goã kiɛnlɛ lɛduĩ.

KZS1 16:5

Kiã Asaafu ni ka a koamala wole Zakarii ni, ka Yeyieli, Semiramɔti, Yeyieli, Matitia, Eliabu, Benayahu ka Obɛdi-Edɔmu. Yeyieli n tùtùun laanka kɔnkoɛ̃ɛnɛn dii, Asaafu n gɔn pere dɛ ǹ mànan dii.

Loen 49:4

Ma lɛ n yiridɛnaabaa ǹ boo diɛ, ma yiri n sii-doɛ̃ taasɛ.

Loen 92:3

A din goon nə ka kɛ dɔ nɛ, n yoo baayɛlɛ gɔrɔ, n na a kɔn-narɛɛ gole lɛ laakalaa. Tèlò-n doo, n na a bǐɛ̃ duduu kɛ lɛ pɛ.

Korɛnti1 14:1

Ka ga kɔn-narɛɛ li. Ka n yiri koa Yiri Fu a bǐɛ̃baa ǹ mànan ganaa, sanparɛ Lawa a boo gii-dalibaa ke.

Samayeli1 10:10

Ǹ bɛ́ ǹ nə́ dɔ Gibeya, Lawa a boo gii-dalin nə́ kaa kun ǹ nə́ daa ǹ da lɛ. Lawa yiri gisĩ la, á Lawa a boo gii-dali baa ǹ siin zɛnaa kunun ǹ ni.

Samayeli1 10:4

Ǹ tá re fòo diɛ n nɛ, ǹ buuru mìi paa kɔ n la, n die n lɛ kɔ n si.

Samayeli1 13:2

Sayulu giĩ duu sɔɔ (3 000) bɔ Izirayeli gána nɛ. A duu paa (2 000) goã kun ka a din ni Mikmaasi kiwi, ka Betɛli kele la nɛ. Á duu goon (1 000) kɛ dɔ́ goã kun ka Zonaatan nɛ Gibeya, Bɛnzamɛn tɔrɔn tán la. Sayulu zaman gialakun lɛ dia piɛ.

Samayeli1 13:3

Filisiti minin pàãdɛnaa mɛn bɛ́ á goã Gebaa, Zonaatan zia da a ganaa, á boo la. Filisiti minin lɛn nə́ bɔ a siére-a. Sayulu tɔ́n minin da bɛn pɛ ganaa Izirayeli gɔ́ɔ̃ din tumaa nɛ. Maǹ nə́ goã pii: «*Ebrəən lɛn tumaa, ka n too kɔ!»

Samayeli1 19:20

Sayulu minin dia mà ǹ wo Davida kũ. Ǹ nə́ woo Lawa a boo gii-dalin yaa bɛ̀ ǹ nə́ kaa kɔn li, ǹ tá a gialaa Lawa a boo gii-dalibaa ǹ siin zɛnɛɛ, Samayeli nə́ ǹ mìi la. Lawa yiri gisĩ Sayulu a minin lɛn la, ǹ dɔn nə́ goã Lawa a boo gii-dali baa ǹ siin zɛnɛɛ.

Samayeli1 9:12

Nɛnɛn lɛn nə́ ǹ lɛ si: «Hiĩ. A tá ka nyɛɛnɛ. Ka n nanaa kɛnɛn kɛnɛn, á daa kiwi gɔ́ɔ̃-n pelo, a giala wúlu bɔ tan zaman lɛ wɔ lɛa wúlu bɔ ǹ tenten la.