Samayeli1 10:26 - LAWA A BOO SONBORE

²⁶ Sayulu dɔ kiɛ̃ á woo a piɛ Gibeya kiwi. Min foo taãnaan mɛnɛn bɛ́, Lawa dí nya ǹ foo ne, bɛn nə́ woo kun ka Sayulu ni.

LAWA A BOO SONBORE 2011

²⁶ Sayulu dɔ kiɛ̃ á woo a piɛ Gibeya kiwi. Min foo taãnaan mɛnɛn bɛ́, Lawa dí nya ǹ foo ne, bɛn nə́ woo kun ka Sayulu ni.

Samayeli1 10:26 Iomraidhean Croise

Samayeli2 21:6

Ka a din lɛ tɔrɔ min sɔbaa kɔ wɔsɛn la. Wɔsɛn tá re bɛn lɛn bɔlɔ diɛ biɛ nɛ Dɛnaa Lawa yɔrɔ-a, Gibeya kiwi. Dɛnaa Lawa Sayulu mɛn bɔ á koa kii lɛa, bɛ na á goã giã-n walan.» Kii nə́ ǹ lɛ si mà asɛ á re bɛa min sɔbaa lɛ koe ǹ la.

Ɛsidrasi 1:5

Bɛ kio, Zudaa tɔrɔn laanka Bɛnzamɛn tɔrɔn kɛdɛnan nɛ, Lawa a wúlu-bɔlen laanka *Levii tɔrɔn nɛ, min mɛnɛn tumaa bɛ́ Lawa sii lɛ wɔ ǹ yiri ni, ǹ nə́ yoo ǹ nə́ woo, ń giɛ ǹ tá Dɛnaa Lawa a kion lɛ doe, Zeruzalɛmu.

Loen 110:3

N zaman lɛ á die n din koe ka foo kɔɔ̃n nɛ, n zia-baalin lɛ sɔkɔn pinaa kɛ nɛ. Tɔntɔraan tá die n li, kele sonboren kɛn la, ǹ tumaa n bɔlɔbɔlɔ ka buu buruu bɛ́ lɔn.

Izayii 10:29

Maǹ koe zii bɔnboɛɛnɛn lɛ kelen bii ǹ nə́ pii: «Ka daa wɔ nyəə Gebaa.» Ramaa kiwi, minin man bìn diɛ ǹ nyɛɛnɛ. Gibeya, Sayulu a kiwi minin man baa sii.

Nya ǹ dín 13:48

Ǹ bɛ́ ǹ nə́ bɛa boo kɛ ma, tɔrɔ kɔsɔn minin kɛn foo kɔɔ̃n kɔ parsiini, ǹ nə́ barka da Lawa nɛ a boo kɛ a lɛa. Minin mɛnɛn tumaa bɛ́ Lawa nə́ ǹ da nyin nyabaã kɛ wɔn lɛa, bɛn nə́ golee Lawa li.

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.

Zozoe 18:28

Selaa, Elɛfu, Zebuzu bɛ giala mà Zeruzalɛmu, Gibeya, Kiriyati-Yarimu. Bɛn man kiwi dadara fulusii, ka ǹ lɛkoro lɛ-a kiwi bisinin ni. Bǎã mɛn dɔ Bɛnzamɛn tɔrɔn tanlɛ minin lɛn ganaa kíɛ̃ lɛa, a din nə ka kɛ nɛ.

Sii yɔrɔ-bɔlen 20:14

Bɛnzamɛn tɔrɔn lɛn nə́ soo ǹ kiwin ni, ǹ nə́ woo n lɛ sɔkɔn Gibeya, mà maǹ die woe zia biɛ Izirayeli tɔrɔ gialakunun lɛn ganaa.

Samayeli1 11:4

Ǹ min mɛnɛn dia, ǹ nə́ dɔ Sayulu a kiwi, Gibeya. Ǹ nə́ boo lɛ saa ǹ nə́ pɛ zaman lɛ nɛ. Zaman lɛ tumaa kaa wuu ni. Bɛ á zɛnɛɛ, bɛ̀ Sayulu n boe wuru-n die, a diin kio.

Samayeli1 13:2

Sayulu giĩ duu sɔɔ (3 000) bɔ Izirayeli gána nɛ. A duu paa (2 000) goã kun ka a din ni Mikmaasi kiwi, ka Betɛli kele la nɛ. Á duu goon (1 000) kɛ dɔ́ goã kun ka Zonaatan nɛ Gibeya, Bɛnzamɛn tɔrɔn tán la. Sayulu zaman gialakun lɛ dia piɛ.

Samayeli1 15:34

Samayeli kiɛ̃ á woo Ramaa, Sayulu woo piɛ a din a kiwi Gibeya.