Samayeli1 1:22 - LAWA A BOO SONBORE

²² Sɛnɛ Anɛɛ wo kunun ǹ ni wa, a giala, a na á goã pii ǹ zuũ lɛ nɛ, mà a toa, bɛ̀ asɛ nɛ lɛ lɛ na nyɔ ganaa, asɛ tɔn wo ne, a kɔ Dɛnaa Lawa la, a goã walan duduu.

LAWA A BOO SONBORE 2011

²² Sɛnɛ Anɛɛ wo kunun ǹ ni wa, a giala, a na á goã pii ǹ zuũ lɛ nɛ, mà a toa, bɛ̀ asɛ nɛ lɛ lɛ na nyɔ ganaa, asɛ tɔn wo ne, a kɔ Dɛnaa Lawa la, a goã walan duduu.

Samayeli1 1:22 Iomraidhean Croise

Loen 110:4

Dɛnaa Lawa na á n liɛ kɛnɛn, a ba re wusii a boo dɔ kio wa: Ma n wúlu-bɔle lɛa yǎa duduu, ka Mɛlkizedɛki wɔ bɛ́ lɔn.

Loen 23:6

Hiĩ, maa tá kanaa lɛawaa tumaa gɔ́ɔ̃ nɛ, n bǐɛ̃baa laanka n kɔn-narɛɛ gole kɛ n koe ma lɛ. Dɛnaa Lawa, ma á re wusii bɛ̀ ma da n kion, maa tá kanaa tumaa gɔ́ɔ̃ nɛ.

Loen 27:4

Man má màn goon nyankɔ Dɛnaa Lawa lon, man giɛ bɛ lɛ li: ma goã Dɛnaa Lawa a kion kɛ nɛ maa yiitákoobaa tumaa gɔ́ɔ̃ nɛ, ma ga Dɛnaa Lawa a siĩnbaa ganaa, ma ga a din foo sii li a kion sonbore kɛ nɛ.

Bɔ bɛ̀rɛbaa nɛ 21:6

a mìinaa lɛ Lawa baa siére lɛa, a bɛ̀rɛ lɛ mɔrɔ a kiɛnlɛ ganaa, hinlaa a kiɛnlɛ gɔn ganaa, a na a too fɔ̃ ka kiɛ nɛ. Bɛ̀rɛ lɛ n dí nyɛɛ nɛ kəni yǎa duduu.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Lawa a wúlu-bɔlen 25:23

Gána lɛ a bǎã doamaa bie a n sã min la, a n bɛ gɔn duduu wa. A giala, gána lɛ n masɛ din Lawa wɔ lɛa. Kasɛn kɛn, ka gùlin laanka tiin lɛa masɛ a gána nɛ.

Luku 2:22

Lɛawaa pusi, nɛ lɛ a yɛ kio, a kɔnpɛ ka Lawa a dí-pɛn lɛn nɛ Muizu ni, Mariya a *gɔ̀ bɔ ma ganaa pinaa dɔ. Zozɛfu laanka Mariya yoo, ǹ nə́ woo ka nɛ lɛ-n Zeruzalɛmu kiwi, màn mɛn bɛ́ toɛ, ǹ nə ǹ landa soɛ̃ siin bɔ ǹ ganaa, ǹ nɛ lɛ kɔ Dɛnaa Lawa la.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Zozoe 4:7

Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.»

Samayeli1 1:11

Á n lɛ kɔ, á pɛ: «Dɛnaa Lawa Pàãyiidɛnaa, masɛ nə n bɛ̀rɛlɔ lɛa. Bɛ̀ ń lɛ kɔ, ń masɛ a nɔmaa kɛ dɔ̃ ma la, ń nə n yiri kɔ masɛ li, bɛ̀ n yiri bɔ ka ma-n wa, yǎa n nɛgiĩ kɔ ma la, masɛ n die bɛa nɛgiĩ kɛ lɛ koe Dɛnaa Lawa la duduu yǎa a n boe a wasa nɛ. Kùn ba re n diɛ a mii-n wa.»

Samayeli1 1:28

Ma dɔ n wusii bɛ siɛ koe Dɛnaa Lawa la. Maa yiikoonaabaa tumaa gɔ́ɔ̃ nɛ, a n die goɛ̃ Dɛnaa Lawa wɔ lɛa.» Bɛa bǎã kɛ lɛ nɛ, ǹ nə́ Dɛnaa Lawa guguru kɔ.

Samayeli1 13:13

Samayeli pɛ Sayulu ni: «Gaãnaa baa ǹ dí n ke ń nya. Dɛnaa Lawa lɛ, kaa Lawa lɛa, bɛ dí mɛn kɔ n la, ń nə n piã ka bɛ nɛ. A na á goã bɛ̀ Dɛnaa Lawa n die toɛ kii lɛa miɛ̃ duduu Izirayeli mìi la.

Samayeli1 2:11

Ɛlkaana nə́ n bɔyaa á woo piɛ Ramaa. Nɛ lɛ sɛ goã dí nyɛɛ Dɛnaa Lawa nɛ, Lawa a wúlu-bɔle Yiili giulun.

Samayeli1 2:18

Samayeli sɛ na á goã dí nyɛɛ Dɛnaa Lawa yɔrɔ-a. A bɛ́ nɛnyaan lɛa, dí nya ǹ mɔnaa yii nɔnɔɔ sonbore na á goã a ganaa.

Samayeli1 28:2

Davida pɛ Akiisi ni: «Ma bɛ́ re sii mɛn zɛnɛɛ, n dinmaa lɛ tá re bɛ doɛ̃.» Akiisi tɔ́n pɛ Davida nɛ: «Bɛ̀ ń bɛ zɛnaa sɛn, masɛ n die n biɛ ma din lɛduə̃li lɛa miɛ̃ yǎa duduu.»

Samayeli1 3:1

Samayeli bɛ́ tɔn ten, a na á goã Dɛnaa Lawa a dí nyɛɛ Elii giulun. Bɛa biikoo li, Lawa goã boo diɛ pataa wa, sii-nyaa dɔ goã yii papaa wa.