Rɔmu minin 9:3 - LAWA A BOO SONBORE

³ ma dɔɔ̃nɔn lɛa, ma din tɔrɔ minin kɛn. Á kɔɔ̃n ma ganaa Lawa ma daa, a ma na dinin, a ma bɔ Krita ganaa ǹsɛn lɛa.

LAWA A BOO SONBORE 2011

³ ma dɔɔ̃nɔn lɛa, ma din tɔrɔ minin kɛn. Á kɔɔ̃n ma ganaa Lawa ma daa, a ma na dinin, a ma bɔ Krita ganaa ǹsɛn lɛa.

Rɔmu minin 9:3 Iomraidhean Croise

Siin Giala 29:14

Laban tɔ́n pɛ nɛ: «Ma din a min taãn-taãn nə n nɛ, n laanka masɛ n goon toto.» Zakɔba giã Laban li yǎa mui goon.

Bɔ bɛ̀rɛbaa nɛ 32:32

Sɛnɛ kanna, masɛ nə n nyankoe, bɛ̀ ń boe la, n sii baraa gole kɛ toa ǹ nɛ. Dɛnaa, bɛ̀ a ba n zɛnɛɛ miɛ̃ wa, n masɛ tɔ tuturu, n bɔ yiikoonaabaa ǹ sɛ́wɔ kɛ lɛ nɛ, n din kiɛ̃.»

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Nya ǹ dín 22:5

Wúlu-bɔlen kiã nɛ ka min golen kuru kɛ lɛ tumaa nɛ, bɛn tá boe la ǹ na a taãn pɛ. Sonbore, man má sɛ́wɔ si ka dinin lɛn la ma dɔɔ̃n Zuifun wɔ lɛa, bɛ̀ ma bɛ́ woe Damaasi kiwi ǹ mɛn waáraa. Maa dí mìi na á goã ka kɛ nɛ, man woe, Zii kɛ lɛ a kɔmalɛ wolen mɛnɛn bɛ́ walan, ma ǹ kũ ma fɔlɔ biɛn kaa ǹ ganaa, ma da ǹ nɛ Zeruzalɛmu, màn mɛn bɛ́ toɛ, ǹ dɔlɔ bɔ ǹ ganaa.

Nya ǹ dín 28:21

Ǹ nə́ Pooli lɛ si: «Sɛ́wɔ kɔ́n bɔ Zudee gána-n, á daa wɔsɛn li n wɔ gɔn la wa, dɔɔ̃n kɔ́n dɔ daa á boo da hinlaa á n tɔ baraa pɛ wɔsɛn man wa.

Rɔmu minin 1:3

Bɛa Boo Tii Kɔɔ̃n lɛ n boo diɛ a din a Nɛgiĩ Yezu Krita wɔ gɔn la. Wɔa Dɛnaa Yezu kɛ lɛ kii Davida tɔrɔ lɛa, gɔ̀nɔn siĩ wɔ gɔn la,

Rɔmu minin 11:1

Man nɔ̀n diɛ kəni: Lawa na á ná a din a tɔrɔ kɛ daa? Haayii dɛ! A giala, ma dinmaa lɛ n Izirayeli min lɛa, Abrahamu a nɔ̀ɔn nə ma nɛ, man Bɛnzamɛn tɔrɔ lɛa.

Rɔmu minin 11:14

ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

Rɔmu minin 16:11

Ma á fòo diɛ ma din tɔrɔ min Erodiɔn nɛ. Narsiisi a kion minin mɛnɛn bɛ́ Lawa nyankoe, ma á fòo diɛ bɛn manɛ.

Rɔmu minin 16:21

Maa dí nya kun wole Timote á fòo diɛ ka nɛ, ka ma tɔrɔ minin dɔn nɛ: Lusiisu ni, Zaazɔn nɛ ka Sɔsipatrɔsi ni.

Rɔmu minin 16:7

Ma á fòo diɛ Andronikisi laanka Zuniasi ni, ma din tɔrɔ minin manɛ, wɔ́ kòso dɔ zɛnaa kun. Lawa a dia dí-a wole sonboren manɛ, ǹsɛn dinin nə́ Dɛnaa lɛ wɔn baa masɛ nyɛɛnɛ.

Rɔmu minin 9:2

Foo-busii gole n ma gialaa biikoo tumaa li

Korɛnti1 12:3

Bɛ lɛ nɛ, ma á pii ka nɛ foaãnɛ: Min kɔ́n ba boe la a goã Lawa a Yiri Fu pàã giulun, a boo baraa dɔ da Yezu ganaa wa. Min kɔ́n dɔ a boe la a pɛ mà Yezu n Dɛnaa lɛa, bɛ̀ Yiri Fu ná a ba kun ni wa.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti2 12:15

Man boe ma din ni, má n ma gɔn màn tumaa koe ka la, ka ma din tumumaa dɔ nɛ. Bɛ̀ má màn da ka narɛɛ li, ka á re nyaabiɛ ma narɛɛ ganaa?

Galaasi minin 1:8

Sɛnɛ, bɛ̀ min daa Boo Tii Kɔɔ̃n kɔsɔ pɛ ka nɛ, a ná a ba goon ka kɛ lɛ nɛ, má pɛ ka-n wa, koe die a bɔ ǹ dɛnaa ganaa. Haalɛ ta ma dinmaa lɛ nɛ, hinlaa lon a dia dí-a wole kɔ́n nɛ.

Galaasi minin 1:9

Má bɛ pɛ ka-n gɔrɔ. Man wusii ma á pii ka-n kanna doo, máa bɛ̀ min mɛn daa Boo Tii Kɔɔ̃n kɔsɔ pɛ ka nɛ, a ná a ba goon ka kɛ lɛ nɛ má pɛ ka-n wa, máa koe die a bɔ ǹ dɛnaa ganaa!

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Efɛɛzi minin 6:5

Bɛ̀rɛn lɛn, ka kaa tán a mìinaan kɛn lɛ si, ka nyɛ́ɛ baa ǹ nɛ, ka ǹ guguru kɔ ka foo sonbore ne, ka n pɛ mà ka n dí nyɛɛ *Krita nɛ.

Timəə dí-pɛn 21:23

ka nyan toa a gere lɛ lɛ̀ waa da lɛ ganaa wa. Ka doamaa-n ka bĩ a din pinaa. A giala, bɛ̀ ǹ nə́ min dɔ gere lɔɔ lon miɛ̃, Lawa na á koe bɔ bɛa dɛnaa ganaa. Bɛ lɛ nɛ, kaa Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka nyan toa ka a tán zaãbaa wa.

Samayeli1 14:24

Izirayeli minin lɛn nə́ nɔmaa bɛa pinaa kɛ lɛ nɛ, a giala, Sayulu nə́ n liɛ á da ǹ bɔlɔ-a kɛnɛn: «Min mɛn bɛ́ re màn-bii we a lɛ-n, wasa ná a tɔn mɛn wa, masɛ n ma tɔn dòo bɔ maa zɔ́ɔn ganaa wa, koe die a bɔ bɛa dɛnaa ganaa.» A bɛ miɛ̃, min kɔn nə yɛ kun ka zaman lɛ nɛ, á màn boɛɛn wɔ a lɛ-n wa.

Samayeli1 14:44

Sayulu pɛ: «Lawa die a dɔlɔ babaraa bɔ ma ganaa, bɛ̀ á daa yaa gɛ̀ dɔlɔ nə n bɔ Zonaatan ganaa wa.»