Rɔmu minin 8:7 - LAWA A BOO SONBORE

⁷ Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

LAWA A BOO SONBORE 2011

⁷ Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Rɔmu minin 8:7 Iomraidhean Croise

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

Zɔbu 15:13

Ń mà wàa! N foo n yoo-n Lawa li, n nə n bɛa boo zaã kɛ miã doe Lawa ganaa?

Loen 53:1

LOE-saalin goledɛnaa loe mɛn lɔ. A nə n loe pìi lɛn li. Davida a loe. A nə n loe pìi lɛn li.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Zeremii 13:23

Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

Ezekieli 14:5

Man die zɛnɛɛ miɛ̃ màn mɛn bɛ́ toɛ ma Izirayeli minin lɛn kũ ǹ dinin taasiɛ ganaa, a giala, ǹ tumaa nə́ n na ǹ nə́ n bɔ ma ganaa, ǹ dìn lɛn taman yii.

Matiə 12:34

Miɛ̃ tɔrɔn lɛn! Boo sonbore n siɛ lɔn a bɔ ka lɛ-n, a da yaa ka dininmaan nə́ baraa? A giala min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.

Matiə 5:19

Bɛ lɛ na á toa, bɛ̀ min mɛn nə Lawa a dí-pɛn kɛn lɛn tumaa a boɛɛn goon din ziziɛ̃, á minin daraa a ziziɛ̃ dɔ ganaa miɛ̃, bɛa dɛnaa á die kiɛɛrɛ koe á la yii ni lon a kiibaa ǹ bǎã nɛ. Sɛnɛ, bɛ̀ min mɛn nə Lawa a dí-pɛn kɛn lɛn tamaa, á minin daraa ǹ tamaa dɔ ganaa miɛ̃, bɛa dɛnaa á die golebaa yii Lawa a kanaa dii ni.

Zaã a sɛ́wɔ 7:7

Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 1:30

ǹ nə́ kɔn tɔ ziziɛ̃. Ǹ ba Lawa narɛ wa, ǹ ba min guguru koe wa. Din gole-kɔlen manɛ, ka din-laakalaalin ni. Maǹ nə n taasɛ biikoo tumaa li, ka sii baraa zɛnaa ǹ gɔn nɛ. Ǹ ba n too koe ǹ yɛ wolen lon wa,

Rɔmu minin 3:31

A bie ka wɔ n li wɔ dí-pɛn lɛn sàabaa ká goleemali pàã-n wa. Haayii! Wɔ n pàã we dí-pɛn lɛn nɛ ká wɔa boon kɛn nɛ.

Rɔmu minin 5:10

Sonbore, wɔ n wɔ́ goã Lawa a zɔ́ɔn lɛa, sɛnɛ, a Nɛgiĩ a gɛ̀ lɛ taman yii, Lawa wɔa zɔ́ɔbaa lɛ nya. Sisia kəni, wɔ bɛ́ kun ka Lawa nɛ, wɔ á re kirisibiɛ a nɛgiĩ a yiikoonaabaa kɛ taman yii.

Rɔmu minin 7:22

Ma gɔ́ɔ̃ nɛ, Lawa a dí-pɛn man kɔɔ̃n ma ganaa.

Rɔmu minin 8:4

Bɛ na á n zɛnaa, màn mɛn bɛ́ toɛ, Lawa a dí-pɛn bɛ́ giɛ màn mɛn li, bɛ boo la a n zɛnaa wɔ nɛ, wɔsɛn mɛnɛn bɛ́, wɔ a tɔ we á kɔnpii dùũ sii babaraan kɛn nɛ doo wa, sɛnɛ, wɔ n tɔ we á kɔnpii ka Lawa a Yiri fu dùũ ni.

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Korɛnti1 9:21

Min mɛnɛn bɛ́ Muizu a Landa goã ǹ li wa, má goã kun ka bɛn dɔn nɛ, ka ma dɔ n ma a Muizu a Landa lɛ doɛ̃ wa, màn mɛn bɛ́ toɛ, ma gɔn dɔ ǹ ganaa. A da yaa, ma bie Lawa a landa-zɛnaali baãnaa lɛa wa; a giala, maa landa n ka Krita nɛ.

Kolɔɔsi minin 1:21

Bɛ na á n zɛnaa ka dɔn manɛ. Lɛlɛ ka goã Lawa doɛ̃ wa, ka bɛ dɔ-n doo, ka n ká goã a zɔ́ɔn lɛa, a giala, ka n ká goã sii baraan taasɛ, ka nə́ ǹ zɛnɛɛ dɔn.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Timote2 3:4

Ǹ tá re n boe kɔn li, ǹ foo á re goɛ̃ lon, din gole kɔ á re liɛ ǹ yii ni. Ǹ foo siin tá re kɔɔ̃n koe ǹ ganaa, ǹ la Lawa foo sii ni.

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Piɛrɛ2 2:14

Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.