Rɔmu minin 8:10 - LAWA A BOO SONBORE

¹⁰ Bɛ̀ Krita tá ka foo ne, a laan sii baraa a lɛa nɛ, ka gɔ̀nɔn kɛ á re giɛ̃ ke, Lawa Yiri lɛ n toɛ, ka á yiikoonaan lɛa, a giala, Lawa lɛ kɔ ka ganaa min peperen lɛa.

LAWA A BOO SONBORE 2011

¹⁰ Bɛ̀ Krita tá ka foo ne, a laan sii baraa a lɛa nɛ, ka gɔ̀nɔn kɛ á re giɛ̃ ke, Lawa Yiri lɛ n toɛ, ka á yiikoonaan lɛa, a giala, Lawa lɛ kɔ ka ganaa min peperen lɛa.

Rɔmu minin 8:10 Iomraidhean Croise

Lawa a wúlu-bɔlen 13:40

Bɛ̀ min mìi ka kaa, a mìi gɔ́ɔ̃ n kooro, bɛa dɛnaa á yoreene.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 15:5

Masɛ n goon ka da kɔ́n nɛ, kasɛn man a gùrùn lɛa. Bɛ̀ min mɛn tá doa-n kɔn ka masɛ nɛ, masɛ dɔ́ n doa-n kɔn ka ǹ dɛnaa nɛ, bɛa dɛnaa á die sii gigiã zɛnɛɛ, a giala, ka a boe la ka sii kɔ́n zɛnaa, bɛ̀ masɛ sii ná a ba a-n wa.

Zaã a sɛ́wɔ 17:23

Man kunun ǹ ni, ka n bɛ́ kun ka masɛ-n lɔn, màn mɛn bɛ́ toɛ, ǹ goã goon toto, kanaa minin nə boo la, ǹ dɔ̃ ka bɛ nɛ mà n din ni ń masɛ dia, ma n nə́ ǹ narɛ dɔn, ka n bɛ́ n masɛ narɛ lɔn.

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 6:54

Bɛ̀ min mɛn masɛ siĩ sɔ̃, á ma mà mi, nyin nyabaã n bɛa dɛnaa wɔ lɛa, ma á die bɛa dɛnaa yii kiɛ kanaa a nya pinaa.

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Rɔmu minin 5:12

Sii baraa na á wɔ kanaa, min goon toto a sii zɛnaa a lɛa. Bɛa yɔrɔ kɛ lɛ la, minin si sii baraa la dɔ na á daa, ka min goon toto barka nɛ. Min goon toto a sii baraa na á daa ka gɛ̀ nɛ, gɛ̀ n min tumaa dɔ mìi ni. A giala, min tumaa sii baraa zɛnaa, min tumaa ka lenlen.

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Rɔmu minin 8:11

Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.

Korɛnti1 15:45

Bɛ lɛ nɛ, Lawa a sɛ́wɔ pɛ: «Maǹ nə́ min bibinaa Aadã zɛnaa màn yiikoonaa lɛa.» Sɛnɛ, nyɔnyɔɔ Aadã ke, bɛ giala mà Krita, Yiri Fu n bɛ nɛ, á n yiikoonaabaa koe.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Korɛnti2 4:11

Sonbore, maa yiikoonaabaa gɔ́ɔ̃ nɛ, man we-n gɛ̀ gɔn baraabaraa Yezu a lɛa, ń giɛ Yezu a yiikoonaabaa kɛ tá n din nyɛɛ ma gɔ̀nɔn gɛ̀-wɔle kɛ nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Filipi minin 1:23

Bɛa sii màn paa kɛ n ma yiri baɛ̃ kɔn. Man taasɛ máa man bɔ yiikoonaabaa kɛ nɛ, ma wo giã kun ka Krita nɛ, bɛ n kɔɔ̃n ma ganaa á la a yii ni.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Tesaloniki1 4:16

Bɛ̀ Lawa din zii kɔ ǹ mɛn pinaa, lon a dia dí-a wolen goledɛnaa lɛn tá re boe, Lawa a bɛn wuu á re boe, Dɛnaa dinmaa á re boe lon a daa. Min mɛnɛn nə gã bɛ̀ ǹ nə́ golee-n *Krita li, bɛn yii á re kiɛ bibinaanɛ.

Ebrəə 12:23

Ka n ká n mɔrɔ zaman kɛ ganaa zɔ́n zɛnɛɛ, bɛn man ka Lawa a nɛgiĩ bibinaan bɛ́ lɔn, ǹ tɔn nə́ kiɛ̃ nɛ lon gɔ́ɔ̃ nɛ. Ká n mɔrɔ Lawa ganaa, a din mɛn bɛ́ min tumaa a kiri-kuruli lɛa. Ká n mɔrɔ min sonboren telenboenən ganaa, min mɛnɛn lɛn lɛ bɛ́ piɛ̃ nɛ.

Ebrəə 9:27

A n minbuiin nɛ gogoonmaa mìi ni, a gã gunyin goon toto, bɛ kio kiri dɔ a ganaa.

Sii-nyaan 14:13

Má tɔ́n lɛn goon ma boe lon pii ma nɛ: «Kɛ kiɛ̃: A saa sisia ganaa, min mɛnɛn bɛ́ giɛ̃ Dɛnaa a dí-nyɛɛ gɔ́ɔ̃ nɛ, bɛn foo á re kɔɔ̃n koe!» Lawa a Yiri Fu tɔ́n pɛ: «Hiĩ, taãnɛ. Ǹ tá re n susui ǹ dí kaka nyɛɛ kɛ a lɛa, a giala ǹ sii mɛn tumaa zɛnaa, á kɔ ǹ lɛ.»