Rɔmu minin 8:1 - LAWA A BOO SONBORE

¹ Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

LAWA A BOO SONBORE 2011

¹ Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Rɔmu minin 8:1 Iomraidhean Croise

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Ezekieli 18:9

A n tɔ we a n kɔnpii ka maa landa boon kɛn nɛ, a n maa sii yɔrɔ bɔ ǹ boon kɛn tamɛɛ, a n sii zɛnɛɛ a peperebaa li, bɛa dɛnaa lɛ n min sonbore lɛa. Sàabaa ba la wa, a yii á re goɛ̃ koo. Ma din Dɛnaa Lawa a da ǹ boo ne.

Zaã a sɛ́wɔ 14:20

Bɛ lɛ a pinaa kəni, ka á re doɛ̃ mà masɛ á kun ka maa Díi ni, ka dɔn tá kun ka masɛ nɛ, ma dɔ á kun ka ka dɔn nɛ.

Zaã a sɛ́wɔ 15:4

Ka goã doa-n kɔn ka masɛ nɛ, ka masɛ bɛ́ doa-n kɔn-a ka-n lɔn. Bɛ̀ da gùrù a doa nɛ ǹ dan ganaa wa, a boe la a nɛ kɔ a dinsɔɔ̃ wa. Ka dɔn man miɛ̃, bɛ̀ ka a doa-n kɔn ka masɛ-n wa, ka a boe la ka sii kɔ́n zɛnaa wa.

Zaã a sɛ́wɔ 5:24

«Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Rɔmu minin 16:3

Ma á fòo diɛ Prisili laanka Akilaasi ni. Maǹ ma miã dí nya kun wolen lɛa Yezu *Krita a dí lɛ nɛ.

Rɔmu minin 16:7

Ma á fòo diɛ Andronikisi laanka Zuniasi ni, ma din tɔrɔ minin manɛ, wɔ́ kòso dɔ zɛnaa kun. Lawa a dia dí-a wole sonboren manɛ, ǹsɛn dinin nə́ Dɛnaa lɛ wɔn baa masɛ nyɛɛnɛ.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 5:16

Ka bɛ dɔ-n doo, tɔtɔbaa kɔsɔ tá Lawa a bǐɛ̃baa lɛ laanka Aadã a sii baraa lɛ bii ni: ǹ giala-nyɔmɔɔ ǹ siin lɛn tá tɔtɔ. Aadã a sii baraa zɛnaa kio, Lawa ga a ganaa zɛ̀rɛdɛnaa lɛa. Sɛnɛ, min gigiã a sii baraa zɛnaa kio, Lawa din a bǐɛ̃baa ǹ dí kɛ taman yii, a ba giɛ ǹ ganaa zɛ̀rɛdɛnan lɛa wa.

Rɔmu minin 7:17

Wɔ dinin bie bɛa dí kɛ lɛ nyɛɛ kɛnɛn wa, sii baraa nɛ, sii baraa mɛn bɛ́ wɔ gɔ́ɔ̃-n ke lɛn.

Rɔmu minin 7:20

Bɛ̀ ń yaa wɔ bɛ́ giɛ bǐɛ̃ mɛn li, wɔ a bɛ zɛnɛɛ wa, wɔ dinin bie bɛa dí kɛ lɛ nyɛɛ kɛnɛn wa, sii baraa nɛ, sii baraa mɛn bɛ́ wɔ gɔ́ɔ̃-n ke lɛn.

Rɔmu minin 8:11

Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.

Rɔmu minin 8:14

Min mɛnɛn bɛ́ tɔ we á kɔnpii ka Lawa Yiri dùũ siin ni, bɛn man Lawa a nɛnyaanan lɛa.

Rɔmu minin 8:2

Sonbore ne, Lawa a Yiri Fu mɛn bɛ́ nyin nyabaã koe ma la, maa kaa kun ka Yezu Krita-n barka nɛ, bɛ pàã na á ma si sii baraa laanka gɛ̀ pàã la.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Rɔmu minin 8:39

Lon gɔ́ɔ̃ nɛ ǹ mànan laanka tán giulun wɔn kɔn ba boe la wa. Lawa din wɔ narɛ ǹ gɔn mɛn nyaa, ka wɔa Dɛnaa Yezu Krita barka nɛ, da ǹ màn kɔ́n ba boe la, a Lawa kurəə bɛa zɛnaa ganaa wa.

Rɔmu minin 8:4

Bɛ na á n zɛnaa, màn mɛn bɛ́ toɛ, Lawa a dí-pɛn bɛ́ giɛ màn mɛn li, bɛ boo la a n zɛnaa wɔ nɛ, wɔsɛn mɛnɛn bɛ́, wɔ a tɔ we á kɔnpii dùũ sii babaraan kɛn nɛ doo wa, sɛnɛ, wɔ n tɔ we á kɔnpii ka Lawa a Yiri fu dùũ ni.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti1 15:22

Min tumaa bɛ́ giɛ̃ a Aadã tɔrɔbaa a lɛa lɔn, min tumaa dɔ yii n die kiɛ, a tá kun ka Krita-n a lɛa.

Korɛnti2 12:2

A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Galaasi minin 5:16

Ka n too kɔ ma lon: Ka tɔ wɔ Yiri Fu gòã wuu li, ka a re gɔ̀nɔn foo siin zɛnɛɛ doo wa.

Galaasi minin 5:25

Yiri Fu bɛ́ á nyin dii kɔ wɔ la, yǎa wɔ toɛ a wɔa giã ǹ gɔn dɔ tele.

Efɛɛzi minin 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Kasɛn Efɛɛzi a Lawa a minin mɛnɛn bɛ́ bɔlɔgoondɛnan lɛa, tá kun ka Yezu Krita-n gɔ́ɔ̃ nɛ, ma á fòo diɛ ka nɛ.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.