Rɔmu minin 7:7 - LAWA A BOO SONBORE

⁷ Wɔ ǹ die pii mà wàa kəni? Mà dí-pɛn man màn baraa lɛa? Haayii dɛ! Sɛnɛ, wɔ ǹ wɔ́ sii baraa dɔ̃ dí-pɛn barka nɛ. Bɛ̀ dí-pɛn bie ǹ nə́ pɛ mà «n yii baran bɔ min kɔsɔ gɔn màn kɔn li wa», bɛ̀ wɔ a yii bɔ min kɔsɔ gɔn màn li doɛ̃ sii baraa lɛa wa.

LAWA A BOO SONBORE 2011

⁷ Wɔ ǹ die pii mà wàa kəni? Mà dí-pɛn man màn baraa lɛa? Haayii dɛ! Sɛnɛ, wɔ ǹ wɔ́ sii baraa dɔ̃ dí-pɛn barka nɛ. Bɛ̀ dí-pɛn bie ǹ nə́ pɛ mà «n yii baran bɔ min kɔsɔ gɔn màn kɔn li wa», bɛ̀ wɔ a yii bɔ min kɔsɔ gɔn màn li doɛ̃ sii baraa lɛa wa.

Rɔmu minin 7:7 Iomraidhean Croise

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Samayeli2 11:2

Ǹ kɔn pinaa wasamiɛ̃nɛ, Davida yoo á n bɔ tán a waa ǹ piì la, á woo n gòã bɔ kɔn a kiibaa ǹ kion kɛa kala-n. Á n toa kala lɛ la walan, á lɔ goon yɛ n zoe. Lɔ lɛ goã siĩni yɔrɔ-a á la yii ni.

Loen 119:96

Sii lɛ-piɛ̃ tumaa, má yɛ máa dan tá la, sɛnɛ, n dí-pɛn kɛn lɛ doa ǹ bǎã banban.

Bɔ bɛ̀rɛbaa nɛ 20:17

- N yii baran bɔ min kɔsɔ gɔn màn kɔ́n li wa. N yii baran bɔ a kion li wa. N yii baran bɔ a lɔ li wa, a baran bɔ a dí-nyali giĩdɛnan laanka lɔdɛnan li wa. N yii baran bɔ a dii li ka a dundun ni wa.»

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Matiə 5:28

Sɛnɛ, masɛ n pii ka nɛ, bɛ̀ giĩ mɛn ga ǹ miã a lɔ ganaa a yii bɔ li, bɛa dɛnaa na á naarɛbaa zɛnaa kun ni gɔrɔ a din foo ne.

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Luku 20:16

A n die die a wuru dí-nyalin kɛn lɛn dɛ ǹ gã, á wuru lɛ koa min kɔsɔn li, ǹ na a dí nya.» Minin bɛ́ ǹ nə́ boon kɛn ma, ǹ nə́ pɛ mà Lawa die a ǹsɛn kanbaa kɛ ganaa!

Nya ǹ dín 20:33

Masɛ yii bɔ min kɔ́n a wɔrɔ li wa, ka a sana nɛ ka a dɔnkɛ-n wa.

Rɔmu minin 13:9

Sonbore, dí-pɛn mɛnɛn bɛ́ pii mà «N baran naarɛbaa zɛnaa wa, n baran gɛ̀ dɛ wa, n baran wurumu baa wa, n yii baran bɔ min kɔsɔ gɔn màn kɔ́n li wa», bɛn laanka gialakun kɛ tumaa mìi n ke: «N miã kɔsɔ dɔ narɛ ka n bɛ́ n din narɛ lɔn.»

Rɔmu minin 3:20

Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Rɔmu minin 4:1

Wɔ n die pii mà wàa kəni, wɔ digolo Abrahamu wɔ paǹ li? A na á wàa yɛ a minbuiin nɛbaa gɔ́ɔ̃ nɛ?

Rɔmu minin 4:15

Lawa a dí-pɛn lɛn man dɔlɔ diɛ min mìi ni, a giala, dí-pɛn bɛ́ ǹ ba bǎã mɛn nɛ wa, dí-pɛn bɔlɔ-tii dɔ banban.

Rɔmu minin 5:20

Dí-pɛn man nə́ daa, màn mɛn bɛ́ toɛ, sii baraa mɔnaa. Sɛnɛ, sii baraa bɛ́ á mɔnaa bǎã mɛn nɛ, Lawa a bǐɛ̃baa mɔnaa walan á la yii ni.

Rɔmu minin 6:15

Wɔ n die pii mà wàa kəni? Wɔ n die sii baraa zɛnɛɛ, wɔ pɛ, mà dí-pɛn bie wɔ mìi-n doo wa, mà Lawa a bǐɛ̃baa n wɔ mìi ni? Haayii dɛ!

Rɔmu minin 7:11

Sii baraa na á dí-pɛ lɛ gɔn kũ, á n doa a pàã ganaa, á wɔ sã, á gɛ̀ da wɔ mìi ni.

Rɔmu minin 7:13

Bɛ n nyɛɛ mà dí-pɛn mɛnɛn bɛ́ siĩni, mà bɛn man wɔ diɛ gɛ̀ nɛ? Haayii dɛ! Sɛnɛ, sii baraa na á n doa dí-pɛ sonboren kɛn ganaa, á gɛ̀ da wɔ mìi ni. Dí-pɛn pàã ganaa, sii baraa a bɔnɛɛbaa kɛ tumaa bɔ kanaa.

Rɔmu minin 7:5

Sonbore, wɔ bɛ́ wɔ goã tɔ we, á n kɔnpii wɔ dinin dùũ ni ǹ mɛn waáraa, wɔ n wɔ́ goã dùũ sii babaraan pàã giulun, bɛn nə́ wɔ diɛ sii baraa zɛnaa ganaa. Dí-pɛn lɛn dinin man nə́ bɛa dùũ sii babaraan kɛn lɛn yii kaa. Haya kəni, siin mɛnɛn bɛ́ wɔ diɛ gɛ̀ nɛ, wɔ n wɔ́ goã bɛn zɛnɛɛ.

Rɔmu minin 7:8

Sii baraa sɛ na á bɛ lɛ gɔn kũ gɔrɔ, á yii bɔ min kɔsɔ gɔn màn li tɔrɔ tumaa da wɔ foo ne, bɛa dí-pɛ kɛ lɛ pàã ganaa. Bɛ̀ dí-pɛn banban, pàã ba sii baraa-n wa.

Korɛnti1 15:56

Gɛ̀ a minin ziziɛ̃ ǹ pàã n boe sii baraa nɛ, sii baraa dɔ pàã n boe dí-pɛ nɛ.

Efɛɛzi minin 5:3

Ka bɛ́ Lawa a zaman minin lɛa, a kɔnboe ka yɔrɔ kɔ́n nɛ, kɔrɔbaa nɛ, gɔgɔrɛbaa nɛ, ka yii mu mi ni, bɛ kɔ́n boo ma ka bii dinin wa.

Timəə dí-pɛn 5:21

N yii baran bɔ min kɔsɔ gɔn màn kɔn li wa. A nyan bɔ a lɔ li wa, a kion ne, a wuru ni, a bɛ̀rɛgiĩ ni, a bɛ̀rɛlɔ nɛ, a dii ni, a dundun ni, n yii nyan bɔ bɛ kɔn li wa.»

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Tesaloniki1 4:5

A nyan toa a n saa taasiɛ naarɛ li, ka tɔrɔ kɔsɔ Lawa doɛ̃baã wolen bɛ́ zɛnɛɛ lɔn wa.

Ebrəə 7:19

Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.

Zozoe 7:21

Wɔ mànan mɛnɛn goa zia-baa lɛ gɔ́ɔ̃ nɛ, masɛ n má Mezopotamii gána a dɔnkɛ sonbore goon yɛ, ka wɔrɔ kilo paa kɛ miã nɛ, ka sana kuturu goon ne, bɛ dɔ á kilo talɛɛ boe. Ma yii na á bɔ bɛn lɛn li, má ǹ goa. Á ke, ǹ tá durii-n tán maa mɔnaa kion bii, wɔrɔ lɛ tá a giulun.»