Rɔmu minin 6:3 - LAWA A BOO SONBORE

³ *Batɛmu lɛ n wɔ kiɛ kun ka *Krita nɛ. Ka á bɛ giala miɛ ke? Bɛ giala mà bɛa batɛmu lɛ n wɔ kiɛ kun ka Krita nɛ, a gɛ̀ lɛ gɔ́ɔ̃ nɛ.

LAWA A BOO SONBORE 2011

³ *Batɛmu lɛ n wɔ kiɛ kun ka *Krita nɛ. Ka á bɛ giala miɛ ke? Bɛ giala mà bɛa batɛmu lɛ n wɔ kiɛ kun ka Krita nɛ, a gɛ̀ lɛ gɔ́ɔ̃ nɛ.

Rɔmu minin 6:3 Iomraidhean Croise

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Nya ǹ dín 19:5

Ǹ nə́ n too kɔ Pooli lon, ǹ nə́ batɛmu lɛ si ka Dɛnaa Yezu tɔ nɛ.

Nya ǹ dín 2:38

Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

Nya ǹ dín 8:16

Sonbore, Lawa a Yiri Fu goã á gisĩ ǹ kɔn la bɔrɔ wa, maǹ nə́ goã ǹ nə́ batɛmu dinsɔɔ̃ yɛ ka Dɛnaa Yezu tɔ nɛ.

Rɔmu minin 6:16

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Rɔmu minin 6:8

Bɛ̀ wɔ́ gã kun ka Krita lɛ nɛ, wɔ á wɛɛ la, wáa wɔ yii dɔ á re goɛ̃ koo kun ka a din ni.

Rɔmu minin 7:1

Ma dɔɔ̃nɔn lɛn, ma bɛ́ re màn mɛn diɛ, ma á doɛ̃ máa ka á re bɛ giala miɛ, a giala, man giɛ ka ganaa Lawa a dí-pɛn dɔ̃lin lɛa. Ka á doɛ̃ mà dí-pɛn man min mìi ni, a yiikoonaabaa dinsɔɔ̃ gɔ́ɔ̃ nɛ.

Korɛnti1 10:2

Ǹ tumaa a goã labara giulun kɛ nɛ, ka ǹ yìsi mu kurii kɛ na á ǹ baa tɔrɔ goon lɛa ka Muizu ni.

Korɛnti1 12:13

A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

Korɛnti1 15:29

Bɛ̀ a na a miɛ̃ wa, min mɛnɛn bɛ́ *batɛmu sii geren lɛa, bɛn man giɛ wàa li? Bɛ̀ geren yii-kaa na a banban duduu wa, wàa na á baa ǹ tá batɛmu sii ǹ lɛa?

Korɛnti1 3:16

Táa ka dinin tá doɛ̃ mà ka ǹ Lawa a Kion lɛa, Lawa a Yiri Fu n ka gɔ́ɔ̃ nɛ.

Korɛnti1 5:6

Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Korɛnti1 9:13

Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.

Korɛnti1 9:24

Ka á doɛ̃ mà baa-silin man baa sii kun, sɛnɛ, min goon toto na a saraa yii. A bɛ́ miɛ, ka dɔn nə baa si, ń giɛ ka á saraa lɛ yii.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Galaasi minin 3:27

Hiĩ, ka mɛnɛn tumaa bɛ́ ka *batɛmu yɛ Krita wɔ gɔ́ɔ̃ nɛ, ka n ká Krita wɔ ka dinin ganaa.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.