Rɔmu minin 5:9 - LAWA A BOO SONBORE

⁹ Krita bɛ́ á lɛ kɔ á gã wɔ a lɛa, Lawa lɛ kɔ wɔ ganaa min peperen lɛa, wɔ́ waa la dɔn, wáa á re wɔ kirisibiɛ biɛ̃ ǹ dɔlɔ kɛ ganaa.

LAWA A BOO SONBORE 2011

⁹ Krita bɛ́ á lɛ kɔ á gã wɔ a lɛa, Lawa lɛ kɔ wɔ ganaa min peperen lɛa, wɔ́ waa la dɔn, wáa á re wɔ kirisibiɛ biɛ̃ ǹ dɔlɔ kɛ ganaa.

Rɔmu minin 5:9 Iomraidhean Croise

Zaã a sɛ́wɔ 5:24

«Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Rɔmu minin 1:18

Sonbore, Lawa nyaa mà asɛ a foo-busii á re gisĩ min tumaa la, a giala, minbuiinin ba Lawa guguru koe wa, ǹ ba pepere wa. Minin tá Lawa a sonbore lɛ doɛ̃, sɛnɛ, maǹ pìi koe lɛ ka ǹ zɛnaa ǹ sii baraan nɛ.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 5:10

Sonbore, wɔ n wɔ́ goã Lawa a zɔ́ɔn lɛa, sɛnɛ, a Nɛgiĩ a gɛ̀ lɛ taman yii, Lawa wɔa zɔ́ɔbaa lɛ nya. Sisia kəni, wɔ bɛ́ kun ka Lawa nɛ, wɔ á re kirisibiɛ a nɛgiĩ a yiikoonaabaa kɛ taman yii.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Rɔmu minin 8:30

Lawa din bɛ́ á min mɛnɛn kaa ǹ gɔrɔn, a din na á bɛn bíi, mà ǹ na asɛ a minin baa. A min mɛnɛn bíi, a din na á lɛ kɔ bɛn ganaa min peperen lɛa. A din lɛ kɔ min mɛnɛn ganaa min peperen lɛa, á gugurubaa kɔ bɛn la.

Efɛɛzi minin 2:13

Sɛnɛ kanna, Yezu Krita wɔbaa gɔ́ɔ̃ nɛ, ka bɛ́ ká goã sɔsɔɔ a ganaa, ka n ká wusoo ka n mɔrɔ a ganaa, Krita din a gɛ̀ pàã ganaa.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Tesaloniki1 1:10

Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Ebrəə 9:22

A kɔnpɛ ka Dí-pɛ nɛ, a n goon ka màn din tumaa n yoreen koe, ka mà nɛ. Bɛ̀ mà kaa wa, sii baraa toa ba yii wa.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.