Rɔmu minin 5:1 - LAWA A BOO SONBORE

¹ Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

LAWA A BOO SONBORE 2011

¹ Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 5:1 Iomraidhean Croise

Zɔbu 21:21

Bɛ bie wa, bɛ̀ a lɛawaan lɛ pã yǎa a gã, sii mɛn bɛ́ a nɛnyaanan yii a kio, a wàa mɛn sii n bɛ nɛ?

Loen 122:6

Ka Lawa nyankɔ a là nyantoro kɔ Zeruzalɛmu la. Min mɛnɛn bɛ́ kiwi lɛ narɛ, bɛn die ǹ là nyantoro yɛ.

Izayii 27:5

Bɛ̀ min woo min nə́ n din sii wɔ masɛ gɔn, á re là nyantoro yii ma li. Sonbore, á re là nyantoro yii ma li.»

Izayii 32:17

Peperebaa a dí n die goɛ̃ ka là nyantoro ne. A din nə die ka yiri-giã nɛ ka yii nyɛɛ nɛ.

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Izayii 55:12

Ka á re soe *Baabilonii ka foo kɔɔ̃n nɛ, ǹ wusoo ǹ wo ka-n piɛ ka là nyantoro ne. Kelen laanka tentenen tá re n nyɛnyɛɛ ka ganaa zii la ka foo kɔɔ̃n nɛ. Don a dan tumaa á re n gɔn dii ka ganaa.

Abakuku 2:4

Á ke: Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.

Zakarii 6:13

Sonbore, a din nə die Dɛnaa Lawa a kion lɛ doe. Á re kii dɔnkɛn we, a giã kii dankan la, a nyɛɛnaan bɔ. Lawa a wúlu-bɔle goon tá re giɛ̃ a genli, kii dankan la, ǹ tá re kɔn miɛ̃ parsiini.

Luku 19:38

Maǹ nə́ goã pii kɛnɛn: «Kii ke die ka Dɛnaa tɔ nɛ, Lawa barka wɔ bɛ nɛ! Là nyantoro tá lon, gugurubaa goã lon a Lawa gole wɔ lɛa!»

Luku 19:42

Á pɛ: «Zeruzalɛmu kiwi, màn mɛn bɛ́ là nyantoro koe n la, toa bɛ̀ n dɔ n bɛ giala miɛ kooro dinin pelo! Sɛnɛ, sisia, bɛ á durii ni n ganaa, n ba boe la n yɛ wa.

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Zaã a sɛ́wɔ 20:31

Sɛnɛ, ǹ mɛnɛn boo bɛ́ a nɛ, bɛn man nə́ n kiɛ̃ màn mɛn bɛ́ toɛ, ka waa la mà Yezu n Minin Nyin-sili lɛa, Lawa a Nɛgiĩ ni, ka bɛ dɔ nɛ, bɛ̀ ká waa la, ka yiikonaabaa taãn yɛ ka a din tɔ nɛ.

Zaã a sɛ́wɔ 5:24

«Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Nya ǹ dín 10:36

Lawa boo mɛn dia Izirayeli minin la, ǹ tá bɛa Boo Tii Kɔɔ̃n kɛ doɛ̃. Lawa na á bǐɛ̃ wɔ a din laanka minbuiinin bii ni, ka Yezu barka nɛ, Yezu mɛn bɛ́ minbuiin tumaa a Dɛnaa lɛa.

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Rɔmu minin 10:10

Sonbore, bɛ̀ ń golee Lawa li ka n foo ne, Lawa n lɛ koe n ganaa min pepere lɛa, bɛ̀ ń pɛ ka n lɛ nɛ, bɛ n woe n diɛ kirisibaa nɛ.

Rɔmu minin 10:15

A boo nə n diɛ lɔn, bɛ̀ á daa yaa min kɔ́n nə n dia bɛa dí lɛ tɔ ganaa wa? Ka a bɛ́ kiɛ̃-n lɔn: «Kɛ n foo kɔɔ̃n lɛa, dia dí-a wole mɛn bɛ́ die ka Boo Tii Kɔɔ̃n nɛ.»

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 15:33

Lawa mɛn bɛ́ là nyantoro koe, bɛ die a goã kun ka tumaa nɛ. A n baa wɔ-n miɛ̃.

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Rɔmu minin 3:30

Lawa n goon toto, a bɔkɔnlɛ we wa. Bɛ̀ Zuifu golee li, a n lɛ koe a ganaa, bɛ̀ tɔrɔ kɔsɔ dɔ golee li, a n lɛ koe a dɔ ganaa.

Rɔmu minin 4:5

Sɛnɛ, Lawa wɔ ba miɛ̃ wa. Lawa n giɛ golee Lawa li ganaa. Ta nya ǹ dí na a ba min lon á nyɛɛ wa, bɛ̀ á daa yaa, ǹ dɛnaa golee Lawa a zɛ̀rɛ bɔ sii baraa zɛnaali ganaa ǹ dí kɛ lɛ li, Lawa n lɛ koe ǹ dɛnaa ganaa min pepere lɛa, a goleemali kɛ lɛ a lɛa.

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Rɔmu minin 5:18

Bɛ lɛ n ke, min goon a bɔlɔ-tii toa, kiri á re doe min tumaa ganaa. Bɛa yɔrɔ lɛ la, min goon toto dɔ a bɔlɔ-sii na á daa ka min tumaa zɛ̀rɛ a nya nɛ, á nyin nyabaã kɔ.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Rɔmu minin 9:30

Wɔ ǹ die pii mà wàa kəni? Á ke, min kɔsɔn mɛnɛn bɛ́ ǹ ba Zuifun lɛa wa, ǹ nə́ ǹ goã giɛ li dɔn, mà Lawa lɛ kɔ ǹsɛn-a min peperen lɛa wa, Lawa na á lɛ kɔ bɛn ganaa min peperen lɛa, golee a din li barka nɛ.

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Galaasi minin 3:25

Sɛnɛ kanna, goleemali a daa kio, wɔ bie wɔ lɛduə̃li kɛ wɔn lɛa doo wa.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Efɛɛzi minin 2:7

Lawa na á ná a bǐɛ̃baa lɛ nyaa wɔ nɛ ka Yezu Krita nɛ. A na á zɛnaa miɛ̃, mà min tumaa dɔ̃ biikoo tumaa li, mà asɛ a bǐɛ̃baa lɛ a golebaa miã banban.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Kolɔɔsi minin 1:20

á tán laanka lon mànan tumaa bii kɔɔ̃n kɔ kɔn ka a din ni, a Nɛgiĩ lɛ barka nɛ. Lawa a Nɛgiĩ mà lɛ, á kaa dere ǹ gɔn ganaa, bɛ na á daa ka là nyantoro ne.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Tesaloniki2 3:16

Dɛnaa mɛn din bɛ́ là nyantoro kɔle lɛa, a dinmaa die a là nyantoro kɔ ka la, biikoo tumaa li ka yɔrɔ din tumaa nɛ. Dɛnaa die a goã ka dinin tumaa li.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,