Rɔmu minin 3:5 - LAWA A BOO SONBORE

⁵ Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

LAWA A BOO SONBORE 2011

⁵ Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Rɔmu minin 3:5 Iomraidhean Croise

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Zɔbu 8:3

Lawa lɛ á sii kɔkɔrɔ zɛnɛɛ ya? Pàãyiidɛnaa lɛ á sii pepere kɔrɛ?

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Rɔmu minin 3:7

Bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa tɔ siɛ lon, a ná a tɔ guguru koe, wàa na á baa doo á kiri kuri wɔsɛn la, mà sii baraa-zɛnaalin man wɔ nɛ?

Rɔmu minin 4:1

Wɔ n die pii mà wàa kəni, wɔ digolo Abrahamu wɔ paǹ li? A na á wàa yɛ a minbuiin nɛbaa gɔ́ɔ̃ nɛ?

Rɔmu minin 5:8

Sɛnɛ, Krita sɛ na á gã wɔsɛn lɛa, bɛ̀ wɔ bɛ́ tɔn Lawa a zɔ́ɔn lɛa. Lawa na á bɛ zɛnaa, á nyaa wɔ nɛ, mà asɛ á wɔ narɛ á la yii ni.

Rɔmu minin 6:1

Wɔ n die pii mà wàa kəni? Wɔ n die sii baraa zɛnɛɛ wɔ wo-n nyɛɛnɛ, màn mɛn bɛ́ toɛ, Lawa a bǐɛ̃baa mɔnaa?

Rɔmu minin 6:19

Man má bɛ̀rɛbaa saa sii a kɔnboe lɛa, má nyaa ka nɛ, màn mɛn bɛ́ toɛ, ka boo la ka a giala ma. Gɔgɔrɛbaa laanka kɔkɔrɔbaa mɛn bɛ́ min diɛ Lawa bɔlɔ tii ganaa a wo-n nyɛɛnɛ, táa ka n ká ǹ dinin kɔ bɛn la lɛlɛ, ka ǹ bɛ̀rɛn baa. Sisia, bɛa yɔrɔ kɛ lɛ la, Lawa dùũ siin mɛnɛn zɛnaa bɛ́ min *yoreen koe, ka doamaa nɛ ka ka dinin kɔ bɛn la, ka ǹ dɔn bɛ̀rɛn baa.

Rɔmu minin 7:7

Wɔ ǹ die pii mà wàa kəni? Mà dí-pɛn man màn baraa lɛa? Haayii dɛ! Sɛnɛ, wɔ ǹ wɔ́ sii baraa dɔ̃ dí-pɛn barka nɛ. Bɛ̀ dí-pɛn bie ǹ nə́ pɛ mà «n yii baran bɔ min kɔsɔ gɔn màn kɔn li wa», bɛ̀ wɔ a yii bɔ min kɔsɔ gɔn màn li doɛ̃ sii baraa lɛa wa.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Rɔmu minin 9:30

Wɔ ǹ die pii mà wàa kəni? Á ke, min kɔsɔn mɛnɛn bɛ́ ǹ ba Zuifun lɛa wa, ǹ nə́ ǹ goã giɛ li dɔn, mà Lawa lɛ kɔ ǹsɛn-a min peperen lɛa wa, Lawa na á lɛ kɔ bɛn ganaa min peperen lɛa, golee a din li barka nɛ.

Korɛnti1 15:32

Masɛ zia baa kɔn ka min tɔrɔ baraan nɛ Efɛɛzi kiwi. Bɛ̀ ma foo na á goã doa-n minbuiinin sii giala ma dinsɔɔ̃ ganaa, bɛ̀ bɛa zia kɛ lɛ là n ka wàa-n ma ganaa. Bɛ̀ geren yii kaa na a banban, bɛ̀ wɔ n koe suusu kɛ lɛ pii: «Wɔ n màn bii, wɔ màn mi, a giala, biɛ̃ wɔ n die giɛ̃!»

Korɛnti1 9:8

Ka nyan taasɛ, mà man bɛa boon kɛn diɛ, á kɔnpii minbuiinin lɛ-mui sii zɛnaa dinsɔɔ̃-n wa. Haayii! Lawa Landa boon mɛnɛn kɔ Muizu la, bɛn sɛ́wɔ dɔ á pii miɛ̃.

Korɛnti2 6:4

Man sii tumaa zɛnɛɛ dinin, máa ǹ dɔ̃ mà Lawa a dí-nyali n ka ma nɛ. Man fuu sii ma ganaa parsiini ka foo-kũ ni. Sii kakan nə́ ma yɛ, ka gɔ́ɔ̃ bii ni.

Korɛnti2 7:11

Foo-ziziɛ̃ mɛn ka yɛ, Lawa dí mɛn nya ka bɛ nɛ, ka yii tá a sii-zɛnaa ganaa kanna! Ka yii tá a ganaa, bɛa foo-ziziɛ̃ kɛ lɛ na á toa, ka n we yii sii kɛ lɛ a zɛnaali li, ka yii kakabaa nɛ, ka kaa zia gii si nyaa! Foo-yoo baraa mɛn goã ka nɛ, sii lɛ a zɛnaali wɔ paǹ li! Ka nyɛ́ɛ mɛn baa masɛ a foo-yoo ne! Wɔa wusoo a kɔn yɛ ǹ foo mɛn goã ka nɛ! Din kɔ sii ganaa mɛn goã ka nɛ, ká dɔlɔ bɔ sii baraa-zɛnaali lɛ ganaa! Ka ǹ ká nyaa ka bɛ lɛ tumaa nɛ, mà ka gii ba sii baraa kɛ lɛ-n wa.

Galaasi minin 2:18

Sonbore, ma din nə má n piã ka dí-pɛn nɛ, máa ma a koe ǹ lɛ wa. Bɛ̀ má wusoo ma á koe ǹ lɛ, ma din nə má n din baa dí-pɛn lɛ-tiili lɛa.

Galaasi minin 3:15

Ma dɔɔ̃nɔn lɛn, ka daa wɔ ga minbuiinin sii-zɛnaa goon ganaa. Bɛ̀ minin man nə́ lɛ-kɔ kɔn la wɔ, ǹ nə́ zɛnaa a yɔrɔ li, min kɔ́n ba ziziɛ̃ wa, min dɔ a màn diɛ li wa.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.