Rɔmu minin 3:4 - LAWA A BOO SONBORE

⁴ Haayii dɛ! Bɛ n nyɛɛ dinin kəni, mà ta min din tumaa nə́ n piã ka ǹ lɛ kɔ ǹ sii zɛnaa nɛ, bɛ̀ Lawa sɛ nə́ n lɛ kɔ ka ǹ mɛn nɛ, a n bɛ zɛnɛɛ. Lawa a boo n bɛ lɛ pii: «Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni zɛ̀rɛ ba n ganaa wa.»

LAWA A BOO SONBORE 2011

⁴ Haayii dɛ! Bɛ n nyɛɛ dinin kəni, mà ta min din tumaa nə́ n piã ka ǹ lɛ kɔ ǹ sii zɛnaa nɛ, bɛ̀ Lawa sɛ nə́ n lɛ kɔ ka ǹ mɛn nɛ, a n bɛ zɛnɛɛ. Lawa a boo n bɛ lɛ pii: «Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni zɛ̀rɛ ba n ganaa wa.»

Rɔmu minin 3:4 Iomraidhean Croise

Zɔbu 36:3

Man die maa doɛ̃ lɛ boe sɔsɔɔ, ma maa Zɛnaali lɛ a peperebaa nyaa n nɛ.

Zɔbu 40:8

N din parsii, mà n ba masɛ a kiri-kurii lɛ biɛ a lɛa wa? Man giɛ li n masɛ zɛ̀rɛ baa, n sonbore kɔ n din la?

Loen 100:5

A giala, Dɛnaa Lawa á siĩni, a kɔn-narɛɛ gole kɛ na a tan yǎa duduu, a n bɔlɔgoondɛnaa lɛa biikoo tumaa li.

Loen 119:160

N boo lɛ mìi n doa-n sonbore ganaa. N sii yɔrɔ bɔn lɛn tumaa n pepere. Maǹ nə́ ǹ tan dɔn yǎa duduu.

Loen 138:2

Man die n musin koɛ tán, ma yɔrɔ nə́ n kion sonbore kɛ la, ma barka da n nɛ, n kɔn-narɛɛ gole kɛ laanka n bǐɛ̃ duduu kɛ a lɛa. A giala, n kɔ n da ǹ boo lɛ, wɔ yiri din bɛ́ a ba màn mɛn-a wa, ń bɛ zɛnaa wɔ nɛ.

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Loen 62:9

Ma tɔrɔn lɛn, ka n foo doa Lawa ganaa yǎa duduu. Sii mɛn bɛ́ guguru ka ganaa, ka bɛ toa a gɔn, Lawa n wɔsɛn duru ǹ bǎã lɛa. Doa.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Matiə 11:19

Min a Nɛgiĩ dɔ na á daa, asɛ n màn bii, a n màn mii, minin man a gialaa pii: «Ka ga, giĩ kɛ-a, nàndɛnaa nɛ, a ba kiɛ̃ ka duvɛ̃ dɔ-n wa, wusuru-silin man a giaáran lɛa ka sii baraa-zɛnaali kɔsɔn dɔn nɛ!» Sii bǐɛ̃ mɛn nə yɛ wɔsɛn nya ǹ dín gɔ́ɔ̃ nɛ, bɛ lɛ n Lawa a yiridɛnaabaa nyɛɛ.

Luku 20:16

A n die die a wuru dí-nyalin kɛn lɛn dɛ ǹ gã, á wuru lɛ koa min kɔsɔn li, ǹ na a dí nya.» Minin bɛ́ ǹ nə́ boon kɛn ma, ǹ nə́ pɛ mà Lawa die a ǹsɛn kanbaa kɛ ganaa!

Zaã a sɛ́wɔ 3:33

Bɛ̀ min mɛn lɛ kɔ a boo ganaa, bɛa dɛnaa n nyɛɛ mà Lawa n sonbore-pɛle lɛa.

Rɔmu minin 11:1

Man nɔ̀n diɛ kəni: Lawa na á ná a din a tɔrɔ kɛ daa? Haayii dɛ! A giala, ma dinmaa lɛ n Izirayeli min lɛa, Abrahamu a nɔ̀ɔn nə ma nɛ, man Bɛnzamɛn tɔrɔ lɛa.

Rɔmu minin 11:11

Man nɔ̀n diɛ kəni: Zuifun sã lɛ na á ǹ papaã baa duduu ya? Haayii dɛ! Sɛnɛ, ǹ sã lɛ a lɛa nɛ, kirisibaa mɛn bɛ́ ǹ wɔ lɛa, tɔrɔ kɔsɔn kɛn nə́ bɛ yɛ, màn mɛn bɛ́ toɛ, Zuifun foo wuu pɛ ǹ li.

Rɔmu minin 3:31

A bie ka wɔ n li wɔ dí-pɛn lɛn sàabaa ká goleemali pàã-n wa. Haayii! Wɔ n pàã we dí-pɛn lɛn nɛ ká wɔa boon kɛn nɛ.

Rɔmu minin 6:15

Wɔ n die pii mà wàa kəni? Wɔ n die sii baraa zɛnɛɛ, wɔ pɛ, mà dí-pɛn bie wɔ mìi-n doo wa, mà Lawa a bǐɛ̃baa n wɔ mìi ni? Haayii dɛ!

Rɔmu minin 6:2

Haayii dɛ! Wɔsɛn man goon kanna ka geren ne, sii baraa wɔ a paǹ li. Wàa n die toɛ wɔ sii baraa zɛnaa doo?

Rɔmu minin 7:13

Bɛ n nyɛɛ mà dí-pɛn mɛnɛn bɛ́ siĩni, mà bɛn man wɔ diɛ gɛ̀ nɛ? Haayii dɛ! Sɛnɛ, sii baraa na á n doa dí-pɛ sonboren kɛn ganaa, á gɛ̀ da wɔ mìi ni. Dí-pɛn pàã ganaa, sii baraa a bɔnɛɛbaa kɛ tumaa bɔ kanaa.

Rɔmu minin 7:7

Wɔ ǹ die pii mà wàa kəni? Mà dí-pɛn man màn baraa lɛa? Haayii dɛ! Sɛnɛ, wɔ ǹ wɔ́ sii baraa dɔ̃ dí-pɛn barka nɛ. Bɛ̀ dí-pɛn bie ǹ nə́ pɛ mà «n yii baran bɔ min kɔsɔ gɔn màn kɔn li wa», bɛ̀ wɔ a yii bɔ min kɔsɔ gɔn màn li doɛ̃ sii baraa lɛa wa.

Rɔmu minin 9:14

Wɔ ǹ die pii mà wàa kəni? Lawa na a pepere wa? Haayii dɛ!

Korɛnti1 6:15

Ka a doɛ̃ mà ka gɔ̀nɔn lɛ n Krita gùn lɛa wa? Ma á re Krita gù lɛ siɛ má baa lɔ naarɛbaali wɔ lɛa? Haayii! Ma a re bɛ zɛnɛɛ ka duduu wa!

Korɛnti2 1:18

Lawa n maa siére lɛa, ma boo mɛn da ka nɛ, a bie «Hiĩ, hiĩ» laanka «Haayii, haayii» lɛa wa koe.

Galaasi minin 2:17

Sɛnɛ, táa wɔ ǹ giɛ li, wáa Lawa lɛ kɔ wɔ ganaa min peperen lɛa, wɔa doa-kɔn ka Krita-n kɛ a lɛa. Bɛ̀ ǹ nə́ wusoo ǹ nə́ wɔ yɛ sii baraa-zɛnaalin lɛa, ka tɔrɔ kɔsɔn wɔ bɛ́ lɔn, Krita sii n ka bɛa sii baraa kɛ nɛ? Haayii, asɛ sii bie ka yɔrɔ kɔ́n nɛ wa!

Galaasi minin 2:21

Ma bie Lawa a bǐɛ̃ kɛ biɛ sii kooro lɛa wa. A giala, bɛ̀ Lawa n lɛ koe min ganaa min pepere lɛa dí-pɛn gɔ́ɔ̃ nɛ, bɛ̀ Krita a gɛ̀ n goɛ̃ sii kooro lɛa kəni.

Galaasi minin 6:14

Masɛ yii li, din laakalaa ǹ mìi kɔsɔ banban, á kiɛ̃ wɔa Dɛnaa Yezu Krita a dere ǹ gɔn kɛ la wa. Bɛ lɛ pàã ganaa, kanaa gã masɛ yii li, masɛ dɔ gã kanaa yii li.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Zaã1 5:10

Bɛ̀ min mɛn tá golee Lawa a Nɛgiĩ li, bɛa siérebaa ǹ boo kɛ lɛ tá ǹ dɛnaa nɛ. Sɛnɛ, bɛ̀ min mɛn ba golee Lawa li wa, bɛa dɛnaa n Lawa biɛ soɛ-bɔle lɛa. A giala, Lawa siérebaa ǹ boo mɛn kɔ a Nɛgiĩ wɔ paǹ li, a golee bɛ li wa.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke: