Rɔmu minin 2:9 - LAWA A BOO SONBORE

⁹ Lawa n die nɔmaa baraa gisĩ sii baraa-zɛnaalin tumaa la, Zuifun man bɔrɔ, ka min mɛnɛn dɔn bɛ́, ǹ ba Zuifun lɛa wa.

LAWA A BOO SONBORE 2011

⁹ Lawa n die nɔmaa baraa gisĩ sii baraa-zɛnaalin tumaa la, Zuifun man bɔrɔ, ka min mɛnɛn dɔn bɛ́, ǹ ba Zuifun lɛa wa.

Rɔmu minin 2:9 Iomraidhean Croise

KZS2 6:23

n toa lon, n nə n too kɔ-a, n nə n dí-nyalin lɛn waa kɔn. Min mɛn zɛ̀rɛ bɛ́ nɛ, n dɔlɔ da bɛa dɛnaa lɛ mìi ni a zɛ̀rɛ lɛ a saraa lɛa. Zɛ̀rɛ bɛ́ a ba min mɛn ganaa wa, n sonbore pɛ n da bɛ lon, min tumaa dɔ̃ mà sonbore tá a lon.

Loen 32:10

Nɔmaa gigiã á re min baraa yii. Sɛnɛ, min mɛn bɛ́ n foo doɛ Dɛnaa Lawa ganaa, Dɛnaa Lawa a kɔn-narɛɛ gole kɛ á re bɛa dɛnaa lɛnpɛnɛ.

Suusun 11:23

Min peperen taasiɛ n ka sii sonbore zɛnaa nɛ. Sɛnɛ, min baraan wɔ n ka foo yoo ne.

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Ezekieli 22:31

Bɛ lɛ nɛ ma foo tɔ́n yoo ǹ li, má ǹ tumaa dɛ lenlen, ka tɛ bɛ́ màn kuĩ lɔn. Má ǹ zɛnaa ǹ sii lɛ a dɔlɔ da ǹ mìi ni. Ma din Dɛnaa Lawa a da ǹ boo ne.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Matiə 16:26

A là n ka wàa nɛ min kanaa gɔn màn tumaa yɛ, a din nyin wusoo a papaã. Hinlaa bɛ̀ min mɛn nyin papaã, ǹ dɛnaa n die wàa koe Lawa la a tɔn wusoo a yɛ?

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.

Nya ǹ dín 28:17

Lɛawaa sɔɔ bɛ kio, Pooli lɛ dia Zuifun nyɛɛnaandɛnan la. Ǹ bɛ́ ǹ nə́ daa n lɛ sɔkɔn, á boon kɛn da ǹ nɛ: «Ma dɔɔ̃ngiĩn lɛn ganaa, ma sii la ma tɔrɔ minin la wa, ma wɔ digolon landa sii kɔ́n sàabaa wa, sɛnɛ, maǹ nə́ masɛ kũ ǹ nə́ ma da kòso-n Zeruzalɛmu, ǹ nə́ ma wɔ Rɔmu minin gɔn.

Nya ǹ dín 28:28

Ka dɔ̃ kəni, mà Lawa na á bɛa kirisibaa ǹ boo kɛ lɛ dia tɔrɔ kɔsɔn la, bɛn tá re n too koe.

Nya ǹ dín 3:26

Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Rɔmu minin 10:12

Min tumaa n bɛ gɔ́ɔ̃ nɛ, bɔkɔnlɛ banban doo Zuifun laanka tɔrɔ kɔsɔn bii ni wa, a din Dɛnaa goon lɛ nə ǹ tumaa wɔ lɛa, á n bǐɛ̃ zɛnɛɛ a nyankɔlen tumaa nɛ.

Rɔmu minin 2:10

Sɛnɛ, min woo min tá sii bǐɛ̃ zɛnɛɛ, Zuifu ni ka min mɛn dɔ bɛ́ a ba Zuifu lɛa wa, Lawa á re gugurubaa laanka tɔ sonbore koe bɛa dɛnaa la, ka là nyantoro ne.

Rɔmu minin 8:35

Wàa n boe la, a Yezu Krita kurəə wɔ narɛɛ ganaa? Nɔmaa baraa á boe la ya? Haayii! Wàa n boe la kəni? Minin bɔ wɔ yii-n ni, bòo ne, doobaabaa nɛ, koe sii ni, gɛ̀ nɛ, bɛn kɔ́n ba boe la wa.

Rɔmu minin 9:24

Lawa wɔ dinin mɛnɛn bíi, wɔ́ n wɔ ba Zuifun dininsɔɔ̃nɔn lɛa wa, wɔ n tɔrɔ kɔsɔn dɔn lɛa.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Tesaloniki2 1:6

A giala, min mɛnɛn nə goã fuu nyɛɛ ka nɛ, Lawa á re fuu nyɛɛ ǹ dɔn man miɛ̃. Bɛ lɛ n pepere Lawa yɔrɔ-a.

Piɛrɛ1 4:17

Sonbore, kiri lɛ a wɔ giala-kɔ biikoo dɔ, a n die n giala koe Lawa a zaman lɛ din ganaa. Haya, bɛ̀ á re n giala koe wɔ dinin ganaa, minin mɛnɛn bɛ́ n piɛ̃ ka Lawa a Boo Tii Kɔɔ̃n lɛ nɛ, ǹ nə́ ǹ ba golee li wa, bɛn wɔa giala-nyɔmiɛ á die baraa koe!